بعد ألخذلان

٢٦

مرحبا حبايبي اسفه ع التأخير بس غصبا عني والله
بنات اني تعبانه هم قدرو ظرفي
مباقي شي ع النهايه احتمال بارت واحتمال اثنين
البارت بدون مراجعه انتوو صححوو واحزروو واملو الفراغات هم 😂😂

صاحني بس مبيين من صوته حيل ضايج

..بلسم تعالي

صعدت أول الدرج واني احس ظهري يريد يطگ الم فضيع الطفل احسه تكوور بجهه وحده من بطني وعبالك صخره صار
خليت ايدي عليه اريد احس بالأمان
واني ادعي يارب يكون طفلي بخير مرايده شي بس سلامته
الفتره الي راحت ادمرت دمار عمتي مخلت شي مگالت سوي ولا عبالك رابطه مااعرف شلون الله مسلم.الطفل الهسه
صعدت أبطئ واحس النفس ثگيل كوه اجره
فتت للغرفه لگيته يبدل بدون ميباوعلي ولا ينتبه بس حس بوجودي كال

..مو تردين ترحين تشوفين اخوچ رواد يلله جهزي نفسج خل اوديج بطريقي وانتي باتي يمهم لترجعين
اليوم

..ردت اعترض احجي بعدين.كلت مااريد اخلي نفسي بموقف محلوو مهما يكون اكيد متعصب اتذكرت مواقفي قبل وي طليقي صح جنت مااريده واعرف وضعي شنو بالنسبه اله بس اكو مواقف جنت اضوج من يسويهن
مااعرف هوه هذا احساسه لو اني ادورله اعذار
يعني كل هالضوجه لأن هيه تزوجت يجوز ضايج على قبل ومواقفهم  يجوز اتذكرها مجرد التفكير بي وبضوجته حسيت نار بكلبي يارب الصبر يارب
كلت اجرب ابقى يمه افضل حته انسي ومااتركله مجال يفكر زياده
حاجيته

..يونس اروح وارجع مراح ابات
دار عليه وعيونه تتفحص ملامحي وعصبيته طاغيه على ملامحه

..ليش بالله مو قبل شويه جنتي تردين تشوفين اخوج وترحين ترتاحين من التعب لو اني غلطان

جاوبته بارتباك

..أي كتلك اروح بس مو شرط اليوم باجر اروح عود

..لا روحي اليوم احسن واضح عليج التعب ووجهج حيل متغيير ارتاحي يومين وتعالي ماعليه شي لا اطير ولا انباگ وانتي مااريدج اتعبين اكثر

..مشيت بدون مااحجي اجهز
جنطتي وبالي يمه مااعرف شلون اتحرك اخخخ نار وتاكل بيه بس شريد احجي وشريد اكول
هوه محاجي مجرد احساس احس بي
ماعندي دليل ادينه حته بيني وبين نفسي
يارب وياي احسه قاريني ومرضيني ويحبني حته رغبته احس بيها مو تسقيط واجب قربه الي  احسه متلهف الي بكل مره اشوفه بيها
ولا مره حسيتها ابيناتنه لو تفكيره بيها
يعني لو مرايدني جان بيين

اخذ التفكير عقلي الحد مسمعت صوته كال يلله كملتي

لبست حجابي لفيته بطريقتي المعتاده عليها يكون بس قرص وجهي ظاهر لبست جواريبي والمعاصم
ونزلت بجنطتي الصغيره وعباتي بايدي
محد موجود  بس عمي وبغرفته حاجاه وطلع
طلعت وراه بس لويات بطني موتتني
حته ملامح وجهي تغيرت