بعد ألخذلان

٢٠

بلسم ..

صحيت من النوم ملگيت احد يمي خابرت خالتي بالها يمي  ورواد هم خابرني ارتاحيت بمكالمتهم رحت للحمام اتوضيت وقريت دعاء البهاء
ارتاحيت شويه
صعدت يمي ايام جابتلي العشه وگلتلي ع موعد زواجها كتلها عادي لتعارضين خطيه خليهم يفرحون من تتزوجين اشتري النواقص
سألتها على يونس گالت جوه بالصاله يصحح اوراق الطالبات
تأخر يلله اجه جنت امدده سويت نفسي نايمه خجلانه منه واعرف هوه زعلان
حسيته اقترب مني لمس جبيني يتفحص حرارتي
غطاني واجه تمدد يمي
طفه ألاضويه دار ظهره الي ونام
اول مره يسويها من زواجنه
ظليت الوب تحركت وعبثت متعمده محرك نفسه بقه على نومته
نمت بعد تعب وتفكير طويل ساعه انطي النفسي الحق ساعه الوم
ثاني يوم حسيت على حركته اخذ ملابسه وطلع
ضجت حيل يعني هواي متأثر
لازم اتحرك وارضيه بس شلون
اني الحمل هواي أثر عليه ولاعبالك اني الواثقه القويه مااعرف الزواج يغير البنت هم
ماكو غير حل لازم اتصل بي اتصلت مجاوب دزيتله رساله

..صباح الخير حبيبي ليش متجاوب
ردلي بمسج

..يوجعج شي محتاجه شي

..لا ماكو شي بس مشتاقه الك
مجاوبني ورجع من الدوام الضهر
سلم عليه سلام عادي وسألني ع ظهري واخذ ملابسه فات للحمام من طلع نزل جوه جايب اكل من بره مبيين هوه مرتب صينيه اله والعمو وجابلي اني هم ايام بالدوام اليوم عدها امتحان وكالت اخر يوم اداوم قبل الزواج
اجه خله صينية الاكل وگلي اكلي وانتبهي النفسج واخذي علاجج اني اتغده وي الحجي

باوعتله بدون ماانطق حرف هسه هوه زعلان عليه مني شنو قصته اشوو الشغله افترت عليه يعني اني غلط من اخاف واغار عليه غير احبه وعندي هوه بالدنيا كلها اصلا ماالي غيره يريدني اشوف كل خططهن بعيني واسكت
خليته طلع عفت الأكل مثل ماهوه
وعلاجي هم ملازم اشربه خل يجي واني اعرف شلون احجي وياه
افهمه وافتهم منه

...........

يونس...

ضايج من كلشي وبالاخير طلع موضوع زواج يزن  صح افرحتله والأيام هم لان اعرفه يحبها ويخاف عليها وهوه الي يستاهلها بس بهالظروف صعبه حسيت بيها منو الها امي طالعه من البيت بلسم بفراشها هاله بالخارج
احساس الوحده صعب خاصتا للبنت وبهذا الوقت بالذات حاس بيها بس مربط مابيدي شي اقدمه الها لا اكدر اروح ارجع امي واعرف راح تقدم شروط والاهم كلمة ابويه ميكسرها ابد وهالمره مصر على موقفه
ايام اقرب من اخت الي هيه وهاله وحته اخوتي احنه منعتبرهن خوات صديقات النه
بس للاسف زوجات اخواني مو كلش علاقتهن بسبب امي والسوته وياهن صارن يضوجن من ايام بدون سبب بس لأن هيه بتها وميتمنن يشوفنها مرتاحه
اشوفها قلقه من البارحه واليوم متكدر تحجيلي بس احساسها واصلني
بلسم حبيت اتجاهلها فتره حته تحس اكوو فرق بالتعامل واني مامجبور امثل عليها من جنت اهتم بيها وادللها من حبي الها ونابع من قلبي وروحي هالاهتمام ..