أنت قوي .لم أكن أعي معناها
كنت أعتقد أن القوه مرادف قسوة لامبالاة
ولكن أيقنت ان القوه تكمن في قلب متهشم
ومازال يعطي
....................................
يزن ..بما انو فتحتلي قلبك سؤال حاقد عليها؟
يونس..لا أبد بس زعلان ومجروح وجرحي ميبرى
..اكوو امل ترجعون ؟
..مستحيل رخصتني بوقت ماغليتها ع الكل حتى على نفسي اكثر واحد انت تعرف شنوو هيه بالنسبه الي
تنهدت ع العموم خل ننسى انطيني الأوتي اكوي ملابسي باچر عندي دوام ولازم اداوم
..هههههه غمزتله ايباه وشلون دوام يستاهل الاوتي والترتيب كمت انطيته اوتي واخذت ملابسي شمرتهن عليه
..حبيبي وياك ملابسي بطريقك اكويهم اروح اجيب زينه تريد تشوفك وبسام بالدوام البارحه التحق
..لك بس لاصدگت اني مرتك ..تره مراح اشغل جربايتك لا حبيبي خليك بعيد احسن
..هههههه شلونك عاد متتفوت لتشغلها انجيبلك جربابية بيبي النفر صار فتره مجايه ومحد مستخدمها بس شنوو اني اگولك تروح للمدرسه وريحتك كلها مسك وعنبر ريحة عجايز ولا احبها بس من بيبي احبها لان تميزها
اما انتوو عيني وين؟ تحبون كله العطور الراقيه الفخمه
.. خرب بليسك مااريدها ولا اريدك شبيها الگاع متگلي وبيبيتك اني هم احبها من اهل الله على گولة خوالك
بعدين اني ماادري شلون عيوني تاخذ نوم غيرت مكاني واليوم شينومني والحصه الاولى الي
..لك لك غصبا عنك تگعد بس اتذكر وراك بنات مثل الورود يردن يفهمن الدرس مضبوط عقلك ينفتح ويتنبه وتنسى النوم وتنسى نفسك بس اترجاك لتنساني واذا تعبان اخذني وياك اني اشرحلهم وابسط الدرس واخليهم يفهموني بسهوله ههههه
..لا هذا هوو اذا انت يمي وصرت تتغامز امشي لك طالباتي ذني كلهم احبهم والهم معزه خاصه عندي خواتي الصغار اعتبرهم خليك بعيد عني وعنهم ههههه
..يابه الله يحفظهم شرايد اني ردت اساعدك خرب بليسك وخرب بليسي الوداني هندسه خلاني اداوم بالموارد المائيه لا وماكو يمي بس ام فرات وام حسين وماعدهن غير شحچت الچنه وشگالت الچنه واذا غيرن الموضوع يحچن بالواجبات رحنه فلان فاتحه ورجعنه من فلانه چانت عمره
حته سوالف النسوان احفظتها وصرت اعرف العمه شتحب من الچنه واتأكدت متحب شي ولوو اني چنه احير بأضافري واكعد هههههه
..ههههههه ظل بهذي سوالفك مو الله يدري وين يخليك انت لو بمكان مثل الي تريده الله اليعلم شسويت
بعدين تعال اني اروح وياك نجيب زينه ومن نرجع اخليها هيه تكوي
..هههه احسن شي نسوي
طلعت وي يزن وهوه الطريق كله اغاني وساعه يطگ اصبع ساعه يدندن
..تدري دوختني كافي شبيك استخفيت فرحان بيه
..اي فرحان ولوو راح تشغلني عن توته الكتكوته وفيكه وخدودي كيكه
ESTÁ A LER
بعد ألخذلان
Literatura femininaأتعلم ما الذي يحزنني ؟ أنهم جادلوني بك مرارا أخبرتهم انك مختلف فخذلتني .
