بعد ألخذلان

٦

مساء الحب حبايبي ❤

اني اسفه تاخرت بس مو بيدي مكان عندي وقت عيد وخطار وتحضيرات اتمنى تعذروني ..
البارت الفين كلمه اذا سمحلي وقتي انزل الكم بوقت متاخر تعويض واذا لا عذروني اعوضكم غير مره

.............

مرت ايام واني عيني تراقب تصرفاتها فعلا متشدده ومعقده  لو هيه تخاف الله وبس
جانت طبيعيه وي الكل بس تختلف عن كل الي بعمرها يعني هيج عمر قليل الي يفكرون باخرتهم ودينهم الهالدرجه  اكيد وراها سر الي يخليها تختلف عن اهلها وجيلها
صرت اسمع صوتها وهيه ادرس كانت بي بحه حلووه
ولهجتها مو لهجتنه ولا لهجة اهلها بيها اختلاف واضح
زاد فضولي اكثر

قطع افكاري صوت طالبه كانت تنعم بصوتها وتجر كلمتها بتصنع هذي بالذات احاول ابتعد عنها قدر الامكان مااگدر اكول عنها اخلاقها مو شي لكن هيه مراهقه ويمكن تشوفني غير لأن احسها تحاول تجذب نظري الها اكيد يجي يوم راح تضحك على نفسها شلون چانت تفكر بيه باوعتلها بجمود

..اووستاذ عفيه مجاي افهم داريد ادخول عندك دروس اضافيه

..اعتذر اني مااخذ دروس اضافيه عندچ ست ميساء تاخذ دروس اضافيه تگدرين تسجلين يمها

..مراح افهم متأكده بس انت تفهمني

..اذا انتي الهالدرجه واثقه مني افهمي عليه من خلال الدروس بس ركزي وياي راح تفهمين

..اووف والله مجاي افهم

..بس ركزي وي الدرس  حتفهمين
كملت الهم الشرح وخلص الدوام رجعت للبيت تعبان
دخلت للبيت شفت امي وابويه وجوهم بيها كلام هواي بس يردون اسأل ولأن مزاجي بوقتها ميسمح
مسألت ولاتغديت رحت غسلت ونمت
گعدت العصر حضرتلي أيام الاكل
واني اكل امي حچت

..يونس ماما اليوم تأكدت من خالتك طلع ماكو هيچ خبر هيام ممخطوبه ولاعاقده وهذي رواء تلغي

..جنت مدنگ رفعت راسي لكيت ابويه ياشرلها مو وقتها احس وجع يعتصر قلبي لشوكت اني ابقى اعاني حبها مات بقلبي بس شيموت جروحها شنو الي ينسيني الجروح

جاوبتها بنفاذ صبر

..امي مالي علاقه بيها تتزوج تروح الجهنم اني شكوو وليش تحچيلي عنها

..ماكو شي هيچ ردت ابلغك

..لتبلغيني على شي مرايد اعرف واذا اتزوجت واذا لا ميهمني 

ابويه جاوبني

..لتضوج بابا ميهمك هذا هوو ختولي .مو كتلها الامك بس شتعرف عن امك تاخذ كلام اكيد لا شوف منو الي مالي راسها بسوالف مالها داعي

..عفيه خوش تعلم ابنك يحترمني

..لتحچين عن الأحترام لو تحترمين جان.سمعتي حچايتي وتركتي هالموضوع