بعد ألخذلان

٢٥

السلام عليكم حبايبي

اشكر كل وحده سألت عني ربي ليشغل بالكم على غالي وربي يبعد عنكم كل سوء ابني الحمدلله بخير بس اني الصب مأذيني ومجاي الزم الفون نفسيتي تعبانه وعندي رضوض غير الكسور تأذيني
لذلك حاولت اكتب بكل طاقتي والله لأن اتأخرت عليكم بس صبرو عليه حته اختمها بشكل حلوو ومياثر الحادث عليها
كتبتها بدون تعديل
ومو قصير البارت ٣٢٤٣ كلمه

........................

قريت الرساله واحس قلبي بارد من ناحيته اعرفه ميخوني ويحبني هواي.. اجت ابالي طليقته ممكن تراسله بس متأكده مراح تأثر بي بالعكس
بس حاولت اتصنع والبس قناع الغيره اخاف يفكر برودي وعدم غيرتي عليه لان مااحبه مو لأن واثقه منه
طلع من الحمام باوعتله بنظرات غضب محچيت اي حجايه عيوني هيه الي حچت ركز بملامحي هواي
حاول يفهمني مگدر
عيني تنقلت عين علي وعين ع الفون
حسيته فهم تقدم اخذ فونه ونظراته بيني وبين فونه
يحاول يفهمني حسيته
قره الرساله سكت محجه شي
بس مبيين متوتر يريد يفهم الي بيه منها لو منين اني قاريتها لو لا لأن اصلا مفاتحتها اني شفتها ظاهره ع الشاشه
شغلت نفسي بميوره وحسون وهوه عينه عليه
شويه وراد يطلع
صحت عليه

..سامر ماكو داعي تطلع تتصل بره هيه تريدك تفرغ نفسك واني راح افرغلك المكان اخذ راحتك اني طالعه

طلعت بسرعه من الغرفه للصاله  واحس بالبدايه اتصنعت الغيره ومثلت بس حاليا النار تاكل بيه عبالك كذبت الكذبه وصدكتها
حسيت ايدي انجرت سحبني عليه وهوه يحاوطني
ضعت بحضنه راسي استقر على صدره اسمع دقات قلبه اريد ابعد بس ايده محاوطتني

..منو گلج اني اريد اتفرغ منچ بالموت يلله حصلتچ وحصلتچ فتره طويله وانتي بعيده.. هذي  الفتره يلله حسيت بنفسي عايش وحسيت بحياتي حلت

همسلي بصوت ناصي

..اريد افهم هذي غيره لو شنوو ؟

..وليش مااغار وانت زوجي وحبيبي ع منوو اغار لعد

..اوويلي اوويلي هوه هيج كل رجال يعرف بزوجته تغار يفرح مثلي لو اني حبي غير ..تنهد وگال

منين تغارين ومنوو تسوى اقارنها وياج وتحسين بغيره منها

ابتعد عني رفع راسي وحوط وجهي بكفوف ايديه

..منوو الي تسوه تغارين منها ..منو الي يشوفها سامر اصلا
انتي متعرفين عيوني تشوفچ غير عن كل البشر ومسامعي ميحلالها بس نبرة صوتچ
والاهم گلبي الي مينبض بس الچ والجهالج من بعدچ 
هوه سامر بدونج شنوو ؟
اكوو واحد يفضل زوجته حته ع جهاله ؟
اني عندي انتي ثم انتي ثم انتي ثم جهالنه ثم نفسي

..اتجمعت بعيوني الدموع واني اسمع منه هالكلام بنبرة صوته الي اموت بيها خاص من تكون بيها بحه بوقت ميهمس الكلام بحنيه
ابتسمت بوجهه فرحانه اريد اخفي دموعي لكن ماكو فايده گتله