بعد ألخذلان

٩

وگفت بمكاني واني اسمع ابويه يحاجي امي كل بالهم اني بغرفتي ويتكلمون عادي
ابويه گال

..يامره كافي ملحه لتلحين اليوم اني اروح احاجي ام سجاد ع الموضوع وهم بنات اخويه مااكدر اخليهم صاروو مسؤوليتي ولازم احاجي ام سجاد والبارحه اتفقت وي الدلال البيت الي بصفنه ابو احمد موصي يبيعه هوه استقر بالخارج واتفقت وياه اني اشتري الهم بس خلي هالكلام بينه بين مينتقلون يلله تبلغين الولد

عقلي وكف اريد استوعب شنوو يابيت بيت ابو احمد هذا الي يمنه جيرانه يعني يجون هنا وجدار واحد يفصلنه شبي ابويه وياموضوع يحجي بي
اريد اركز وياهم عقلي اتشتت
بدون مااحس رجليه اخذتني الهم

..يابه منوو الي تريدهلهم بيت ابو احمد

..ها يونس بابا تعال عبالي رحت تنام تعال

..لا نزلت اتغده واسمعكم تتناقشون وردت افتهم ..
حاجتني امي ..

..اي ماما البيت ردناه الخالتك والبنات يصيرون قريبين علينه احسن

..احس اعصابي اتشنجت وگلبي حيل وجعني گتلها احسن ؟ هيچ رايج يعني

..يونس لك مبقالهم احد شبيك انت تريد نعوف بناتنه واعراضنه بس لأن انت زعلان عليهم

..هههه زعلان امي زعلان ؟
كل عقلكم انتوو يابه هذا قرارك لو شنوو فهموني اني شنو هنا الخاطر الله

..بابا يونس على كيفك شجرالك ياابني ادري شلون يعني نبقي بناتنه بالشارع اهل زوجة اخوهن جايين يطالبون بورث ومضطرات يبيعن البيت لأن باسمه فلوسهن متجيبلهم هنا ومااكدر اخليهم بغير مكان
كلت اشتريلهن بيت ابو احمد واساعدهن عليه او يسحبن قرض مااعرف شلون تنحل بس انت لتعارض يابه محد جابرك على شي انت ليش خايف من قربهم الا اذا بعدهي ابالك هاي وحد اذا تريدها اني وياك اذا لا مااجبرك ابد

..سؤال واحد وبعد ماادخل ولا الي علاقه بيكم ولا ابيتكم ولو تگعدوهن بغرفتكم مالي علاقه بعد عليه بنفسي وبس واذا مكدرت اتعايش اطلع ماابقى بس گلولي ريحوو بالي ع الأقل جديات
اني ابنكم ؟
يعني متأكدين انتوو اهلي لو لگيتوني لو اتبنيتوني لو شنوو فلمكم ريحوني .

..بابا اهدأ شنوو هالحچي

..هذي اخر گعده الي وياكم واحجي وياكم لان من صدگ خنگتوني والله اني مشايف اهل مثلكم ولا راح اشوف ليش اني اخر واحد يمهمكم ليش

..انت تخبلت تعلي صوتك عليه

..ممعلي صوتي اني هم مابيه حيل اني هم ضعيف شووف رفعت ايدي شوف مو بس لان انت ابوي اني راح اسكت لا.. لان اني مابيه حيل اني مريض اقل شي اتأثر شوفها شلون ترجف شوف شايف هالطول والعرض والعضلات كلها هيچ اعصابي تعبانه مابيه حيل اعصابي تتحكم بيه سوو الي تسوه اني مالي علاقه وبعد محد يهمني سوو الي تريدوو واني اسوي الأريده مالكم حق عليه بكلشي لان ابسط حقوقي ماقدمتوها ماعدكم حنان اب وام الابنهم مااهمكم كل همكم اولاد اخوانكم ..