بعد ألخذلان

١١

..شنوو هيه هسه مخطوبه لولا تره دخت منها ومن غموضها ولا انتي الي مريحتني كل شويه جايبه خبر ناقص

..علي كيفك اكلتني وبلعتني اقصد هيه كانت مخطوبه وبنفس البيت هيه وخطيبها خمس سنين وعاقدين عقد سيد يعني وبعدين فسخوو

..اي وشنوو المشكله وليش اتورط يعني ما اني مطلق

..اوو نسيت اگلها انت مطلق همزين ذكرتني

..ايوومه شبيج حبيبي شنوو الشاغلچ نشاطج قل مو عادتج تنسين شي هههه

..ههههه لاوالله نسيت خل اكلها يجوز ترفضك

..من حقها كليلها وشوفي وخبريها عندي سكر هم

..اي هذي منسيتها كتلها

..زين لعد روحي من تجين نتفاهم بس اريد اليوم مفتهمتلي قصتها كلها وليش مخطوبه خمس سنين وليش فسخت

..ان اشاءالله

ايام..

رجعت احاجيها مرة الخ گتلها كتله ويكول ماكو اشكال بس يريد يفهم قصتج شنوو وهوه هم عنده اشياء لازم تعرفيها

..ابتسمت ووجهت نظري ع الطلاب واني احچي
منين تردين ابدي واني قصتي طويله
بعدين اني ماادري ليش وضحت الج خطوبتي رغم هواي انخطب وكتلچ من جنت يم خوالي والبنت تنخطب وهيه صغيره هواي يخطبوني يعرفوني عاقده وينسحبون واجيت هنا والعقد فسخناه واي واحد يتقدم واكلهم الصار ينسحبون والحقيقه اني هم مرايده الزواج ولامهتمتله مابرر الهم عقدي واسبابه لان ميهمني ومن داومت بالكليه صرت ارفض الكلام بهالخصوص لأن اعرف النهاية شنوو
ولأن صرت اكره هالموضوع بس ليش وضحتلج ماادري

..بلسم يونس انتي تعرفي بس الي متعرفي هوه مطلق

..لا اعرف واني بالمدرسة عرفت

..يعني ماكو اشكال عليه

..لا لحد الان ماكو اشكال بس لتنسين اني مااعرف عنه شي غير الي سمعانته عنه اما شخصيته اسباب طلاقه اسباب ارتباطه هذي كلها مااعرف شي عنه وبهذي الحاله مااكدر افكر وانطي موافقه او رفض بصوره عامه هوه مينرفض المرض من الله والشفاء منه هوه الكريم يمكن اليوم اني بعافيه باجر افقدها ويمكن اليوم هوه مريض الله يمن عليه بشفائه هذي الشغلات الي تجي من الله ماعندي اعتراض عليها ابد
بس هواي امور مااعرفها ورايده اعرفها وافهمها يلله اقرر اني هسه راح انطي خبر الخالتي بس رواد ماراح اكله لمن اقتنع وتصير موافقه يلله

..وشلون تعرفين اني انقلج لوو شنوو

..يجي اخوج بمكان عام هنا نلتقي داخل الكليه باي مكان هادئ ونتفاهم لتباوعيلي هالشي حلال يسمى بالنظره الشرعيه ونتكلم بحضورج اني بالنسبه الي راح اكون صادقه وي ربي قبل ماكون صادقه وياه واحجي كلشي الألي والعليه بالمقابل اريد الصدق منچ ومنه