بعد ألخذلان

٤

مساء الحب احلى واجمل متابعين 🌹🌹
..................... ................ .............

چذابين مثل الغيم عشرته وي السما مده 💔

               ..................................

المسك ختام لكن اليوم فيه ابتديت ❤

من گلي اخر مره حته لو منتشاوف تذكرت كلام ابويه وشفته صح
ارتاحيت من شفت سجاد نبرته نبرة توسل اكو شي بداخلي تحرك مااعرف اوصفه حسيت براحه حسيت شي بداخلي فرح واني اشوفه يتوسل بس الي عرفته لازم اني ابينله العكس واشوفه نفسي ممهتم الكلشي
اشرتله يدخل
ورحت جبت مي وعصير ضيفته
گعدت مقابيله محجيت اي شي اباوعله ممخلي عينه بعيني
بده يتكلم

..يونس قبل كلشي اني مجاي ابرر النفسي السويته غلط واخسرت بي اخسرت هواي موظوع زواجي منتهي منه اني اناني فكرت بنفسي وبس ..كل هذا لأن احبها ممتخيل يوم نفترق ولا ابالي يجي يوم وهيه تصير بمكان واني بمكان يمكن هيه تستاهل تكون ام هذا الموضوع اني الخطأت بي واني الي استاهل الصارلي لتتوقع شي سهل جسدين چنه روح وحده وافترقنه بعدها واني اعرف صارت الغيري اسوأ عذاب الي
چنت كولشي عندي ناقصني اطفال وهسه عندي اطفال وكلشي ينقصني

يونس..چنت اسمع وساكت لأن اعرف شنوو نوع علاقته بهاله قبل مو زوجين عاديين لا عشاق واصدقاء روح بجسدين مثل مگال
شفته دموعه تجمعت وهوه كمل كلامه

..خسرت كلشي حته انتوو اخسرتكم اهلي اخوتي وعائلتي ماراح اشرح الي وصلني الهالخطوه لأن ميفيد الي صار صار
بس اريد ادخل بالموضوع جيتي عليك أنت
انت متصور اني السبب بانفصالكم انت وهيام وتعتقد هذا اتفاق بيناتنه بس يشهد الله وحق العافيه الراحت من ذاك اليوم اني مالي علاقه وبالعكس حاربتها حرب حته ترجعلك مالي علاقه والله اصلا الي صار كله بذاك الوقت خارج حساباتي والهسه مو عارف شنو الي صار وشنو الي دخل بينه
بالبدايه من طلبت منكم تطلع گلت دلع بنات واخوها يمكن وانقهرت عليه وشفت امي هم شجعتها والبنات ابالهم تكدرون تاثرون جريت حسره عبالهم تاثر عليك وتضغط على هاله ومنعتها بيومها چنت متخبل عليهم وذبيت اللوم كله بامي والبنات لأن تلث سنوات يلحن عليه اخر شي امي هددت تطلع من البيت وانسى عندي ام وانت تعرفها وتعرف قراراتها الي براسها تسوي ماجنت محضر كلشي رحت بدون اي احساس سوى الشعور بالذنب ولگيتهم محضرين كلشي وعقدت
المهم هذاك الموضوع مالنه بي خلينه بموضوعك من عرفت هاله وشفتها متهستره حملتهم اللوم صح وگلت الأمي ترجعيلي هاله بأي طريقه والا انتي راح تنسين عندج ولد باول ايام جنت دايخ وفاقد شي غالي حاولت ترجع وممركز بالي يصير
بعد فتره من شفت هيام مصره گتلها رجعي البيت رجلج رزلتها وصوتي عله بيومها يمنه يونس وعمار
عمار گلي ياترجع شبيك وصل بلاغ المحكمه البيت عمي وعمي گال گلوله من تزوج مالمته اني وگلت حقه يصير اب وحيد هوه ويرادله ولد بس بعد الي صار اليوم  ينساني وينسى ولد عمه ينسى عمه الرباه والي فضله حته على نفسه
من سمعت وصية عمي اتهسترت حسيت كلها التمت عليه
صحت عليها وگتلها هسه ترحين البيتج
گالت اذا ميرجعني ويحاول مراح اروح كلمه مني وكلمه منها خلصوها يزن وعمار مني وهيه فاقده
من ذاك.اليوم خواتي بدن يتجنبني واني اتجنبهن
الي صار مااعرف افسره بس حاولت وياها ووصيت امي تفهمها اني خسرت كلشي ليش هيه تخسرك بقت مصره ومتنازلت ليش  مااعرف والهذي اللحظه ممقتنع بالسبب جنت ساكت لأن اختي مهما يكون ماانطي بيها مااكدر اجبرها 
بس هسه لا مليت واني اراقبك من بعيد مليت واني احاول ارجع سجاد ابنكم اخوكم الجبير
اشتاقيت اسمع منك اشتاقيت تجي تستشيرني اشتاقيت الكلشي بيك انت بالذات
اشتاقيت الحسام المهند تنهدت حته للفصعونه ايام
اشتاقيت الكم كلكم
ايام هواي امر بس حته اسمع اصواتكم العصريه اعرفكم تجتمعون تلعبون دومنه بحديقة بيتكم
شالوو الولد وحاولت اروح لبيوتهم اعرفت همه هم رافضين وصلي
عمي سامحني وخالتي بس هذا مو كافي اني اريدك انت اريد تعرف حته لو متسامح عادي بس اريدك تعرف والله اني ماالي ايد بالي صار وياكم ولاطالب منها بالعكس
والله لو تعرف البيه انت ينكسر خاطرك عليه
الي حبيت اگوله اني رايد وصلكم واخوتك بدون رضاك ميتواصلون وياي انت تعرف ارتباطي بيمن من صغري لما كبرت عائلتي اصدقائي انتوو حته اصدقاء ماعندي ولا متعمق وي باقي الأقارب لاخوال ولاباقي العوائل بس يزن وعمار همه متركوني بعد مابقيت وحيد واطورت علاقتنه صح بس محد يعوض مكانكم