بعد ألخذلان

١٥

يونس..

نزلت جوه فتت للمطبخ
هيام ورواء وخواتها الأثنين جانن يحجن سمعت رواء كلتلها زين تسوين خوش استقبال
بس وحده من خواتها مقبلت عليها
گلتلها البنيه لتعرفج ولاعدها شي وياج الي صارلج من ايدج محد جبرج عليه شنو هالصحوه الأجتج بهالوقت وين جنتي
عرفتهن يحجن ع شغلة العصير
زين سهلن عليه المهمه
قربت عليهن وعيني تتنقل من هيام الرواء

..عيب عليچن هيچ تسوون هيام توقعتج اكبر من هالشي سوالف المزعطه هذي عيب للي بعمرج
مو جاهله انتي واني اعلم بيج

واني احجي دخلت زينه وايام وامي وراهن جاي يحضرن كملت كلامي وعليت صوتي

..الكل يسمعني الي يقلل احترام وي بلسم مراح اعديها اله الي تقلل من احترامها وتهينها اتهيني الي واكيد اني مراح اسمح الاي شخص يهيني الي تريد تگعد بهالبيت تفوت وتطلع باحترامها مااريد مشاكل اني

هيام بجت ورواء ظلت تصيح حسام وينك خل يجي حسام ماابقى هنا اني

امي حاجتني

..شنو السالفه شبيك يونس شنوو الموضوع

..سألي بنات اختچ وجنتچ
چانن مجتمعات خوش اجتماع يضحكن ومفتخرات بلشي السونه
فرحانه بنت اختج كبت العصير ع العروس هالشي مفرحها
فهميهن زين مااريد مشاكل ومن اول يوم هم تره عيب والله خل يحترمن انفسهن ويحترمني بلسم ممنوع احد تتعرضلها وهذي بالذات منو گلها اني رايدها تباركلي وتهتم وتجهز عصاير محد طالب منها شي جايه عليج خل تكعد يمج انتي خالتها وبس

..لك انت شجاك هاد علينه هذي من اول يوم غيرتك وحشت دماغك بعدهي مفاتت والمشاكل فاتت وياها

..لا اله الا الله ..هيه شنو تعرف منها حته حشت دماغي شبيج امي كلمه وراس سطر مااريد مغثه اني اتجنبيني انتي وبنات اختج وجنتج مااريد شي بس بدون مشاكل

..لك انت مو طبيعي البنيه قامت بواجبها وضيفتها وشغله وصارت شنوو بسكتايه وخفت عليها تذوب ست الحسن

..وواجبهن هنا هم يضحكن ورواء تگلها عاشت ايدچ خوش استقبال
والله والله هالمره نبهت تنبيه مره ثانيه اگلب البيت گلاب واحترام الولد عمي راح اسكت فخليني ساكت احسن

اني احجي واباوعلها انفجرت بجي شلون حيله مو باذني سمعتج تتفاخرين بالسويتي

حاجتني ايام

..يونس شنوو صار

..يمعوده وينج انتي اني وصيتج لو لا مو كتلج خليج يمها متفقات عليها مغرگاتها بالعصير البنيه مشاكه بشي عادي عدها عبالها بدون قصد بس من وصفتلياها عرفتها هيام والاكدلي الموضوع حجيهن بينهن

جاي اطلع وشفت حسام دخل وياه رواء تبجي وتلم بالجنط

..حسام اني ماابقى لو تطلع وياي لو اروح البيت اهلي