بعد ألخذلان

٥

مساء الحب ❤🌹

.................... ......................,

أيام ..

گعدت الصبح بدلت ورتبت نفسي بعد وقت على راحتي اكمل ترتيباتي
بديت ارسم حواجبي وعيوني مااخلي فد شي كلش بسيط بس لفة الشال تاخوذ كول وقتي
واني الف الشال وبالي يم اختباري اليوم اويلي شيفضها اريد اخلص وأرتاح بس حشتاق الزملائي
كملت ترتيب باوعت النفسي لميت شفايفي واخذت قبله بأيدي النفسي
صدقه الهالجمال

فززني صوت يونس

..صباح الغرور ياب ..مسمعانه بهالمقوله من مدح نفسه ذمها

..صباح الخيرات داد ..مو غرور يااخي صدقا جميله انجبر اتغزل بنفسي لعد شعبالك اذا الناس متفهم وعديمين ذوق حشاك شأسويلهم اصلا كل مباوع الهالخلقه الحلوه اگول صدقه الربي الخلقني وقل اعوذ برب الفلق... واحرك بحواجبي اله ومبتسمه

..زين متختمين القرءان فد مره لچ انتي شماكله من الصبح وهالگد حچيتي هههههه
من ناحية الجمال انتي جميله بس الله يكمل عقلچ ويرحمچ ويرحمنه

..
ضحكت جاوبته امين يارب..واطلعت بأستعجال صاحت وراي ناما لچ اكليلج شي من الصبح جاوبتها لا ماما اجه الخط ..عرفته لأن  رنت عليه صديقتي هدى  الي وياي بالكليه  وبالخط ..معناها اجوي طلعت وگعدت يمهم ازدحامات والطريق يصير شطوله بدينه نقشب

أيام ..لچ هدى اووف شهالقهر شفتي زوجة الاستاذ هيثم البارحه جايه نقل يمه وفرحان ألأخ يقدمها وهيه رافعه الخشم ومبتسمه
لچ شهالذوق لا والقهر تارك زوجته الأولى الي هيه بنت عمه وام اولاده الاثنين وفرحان بخطافة الرياجيل هذي

هدى..سكتي لچ شگد چنت احترمه بعدين شدعوه عليه بنص الثلاثينات ومتزوج اثنين وشنوو ذنب زوجته الأولى والقهر زوجته مهندسه مناقصها شي

..مااعرف رياجيل رايدلهم حرگ حقدت على زوجي المستقبلي الي مااعرف وين اراضي بسبب دكتور هيثم

..هههههههه اني هم والله

رياحين ..لچ شنوو انتي وياها منين تعرفون كول هالمعلومات عنه وعن عائلته بعدين مسأله خاصه هذي شعليكم بيها

أيام ..رياحين بالله ارجوج مو وقت فلسفتچ والاخلاقيات هذي تعرفين فضولنه قاتل بعدين بنت عمه واخت زوجته ويانه

رياحين..مسكينه زوجته الله يكون بعونها مو سهله ابد بس معليكم انتوو هوه انسان جيد وانساني يحب الخير الكول الطلاب حياته معليكم بيها

هدى ..ياعيني قابل نروح نعاركه احنه شكوو بس مقهورين وحبينه نفضفض
أياموو صدوگ تذكرت شفت يمكم شاب حليوه البارحه اجاكم عصريات واكثر من مره شايفته وي يونس شنو يقربلكم

..عزه بعينچ تراقبين بيتنه شنوو

..لج اراقب شنوو چنت اني وماما يم بيت خالوو واجينه مشي من يمكم بس الوقت متأخر مو مال مره ماما مقبلت امرلچ