بعد ألخذلان

٧

يونس..
رجعت للبيت متأخر وامي هم متركتني لگيتها منتظرتني اول موصلت وفتت للبيت حاچتني

..لشوكت تبقى تتهرب مني ومن نفسك اعرف بيك بعدك رايدها والي سوته صح غلط بس يتصلح رجعها ماما وارتاحوو هيه هم تعبت

..ضحكت باستهزاء تعبت؟ شصار بيها مرض ماله علاج لو صابها سكر مثلي ؟
وحتى لو صار يطبها وجع اني وهيام انتهينه لتجيبيلي سيرتها بعد تره مليت وتعبت والله وهم حته تخلصين مني واريحچ فد مره اني خلال هذي السنه متزوج

..رجعها الها اني بيتي مدخله الغريبه

..الله كريم منا الوقتها اذا عجبتني الغريبه نتفاهم هسه اريد ارتاح راسي حيطگ
امي عوفيني

..لك بنت عمك وبنت خالتك غلطت وحبت تدلع عليك وغلطت وعرفت غلطها شكوو بيها لك ترفض شكوو واحد يتقدملها علمودك

..لا اله الا الله هذي مو حاله والله مو حاله فقدت وعليت صوتي يعني مراح اخلص ابقى دوم بطاريها السم مرمرتني الله يمرمر حالها ماريدها لاترفض ولاشي خل تتزوج خل تشوفلها واحد يحبها مثل حبي هيام متريد حب هيام تريد تتسلط تريد رجال يگوم ويگعد بشورها وكلمتها واني مو من هذا النوع اسوي الي براسي وبس الي باعت حبي ودلالي متسوه افكر بيها ولا اذكر اسمها بلساني بس شسوي الچ يوم تره كرهتيني بعيشتي الله يشهد اسمها وذكراها تكسر قلبي وتجرحه اكثر انتي متحسين بأبنج كل همج اختج وبس
زين هاله متهمج ولو اني متأكد لو ماوگفتي اني وابويه والولد وي هاله جان انتي رجعتيها السجاد وعليها ضره وعادي عندج.متخلف المهم اختج راضيه انتي تحسين بلي تسوي لو لا

چنت احچي ومااحس على شي احس مراره صارت بحلگي وريگي نشف اشرت الأيام تنطيني مي دوخه قويه صارت عندي
حسيت ابويه صاح عليها بصوت واجه وگف يمي وهوه يهدأ بيه صوتي صحاه من نومه 

..بابا امك.تلغي كلشي ميصير من الي تريده هذي سوالف نسوان اهدأ حبيبي ماخذ علاجك لو لا

اسمع ابويه واحس الزمن كبرني حته اكثر من جيلي ابويه الرجال الچبير يسندني ويذكرني بعلاجي الأدوار اتعاكست هذا المرض بالذات يخليني اشيل هيام من راسي ومن گلبي وياريت اشيل جروحها
اشرتله ماخذ علاج
جابتلي ايام مي وكوب عصير
شربته وامي مستمره بالحچي اخذت حافظة العلاج من الثلاجه وسويچي وطلعت وگف ابويه مقابيلي

..بابا يونس انت رجال اني واثق منك ماكو شي يكسرك اطلع براحتك بس انطيني السويچ اخاف ادوخ وتسوي حادث خابر يزن وروح ارتاح يمه وامك اني اتصرف وياها

بدون كلام انطيته السويج خابرت يزن انت وين گال بساحة عدن قريب علينه چان .گتله تعال اريد اروح وياك

..تنورني ابوو ذنون اليوم اعلگها للصبح شلون اثنين يمي انت وابو ياسر.. عمار هم هنا زعلان من الوالد ميخطبله الحب وبيتي صاير رعايه للزعلانين فديت ولد العم المضطهدين