يا ليتهم اخذوا ألذكرى اذ أرتحلوو
زالوو ومازال في اعماقنا الأثر...................................
ضحكت على سوالف يزن
واني احاول انسى بس ماكو شي ينسيني كل مااشغل بالي الگي نفسي اتذكر ذاك اليوم الي قلب حالي وخلاني اعرف ناسي واعرف الحياة مو بس حب والحب مو دائم وخلاني اعرف انوو الحب متقتله الخيانه وبس مرات الخذلان اقوى وامرماكوو شي ينسيني ولا اني اريد انسى حتى مااضعف بيوم ويرجع قلبي ينبض
اصلا كلشي يگلي لتنسى
جاي ابحث اذاعه براديوو السياره
وطلعت اغنية محمد عبد الجباراذا طلعت شمس فوت انت للبيت
اذا شمسين معناها احترگنهاريد اغير الأذاعه ايدي مطاوعني وبالي راح بعيد
لگيت نفسي اغنيها وياه واتذكر ايامي بيهاأذا طعلت شمس فوت انت للبيت
أذا شمسين معناها احترگنهمن أحضنك أحضن الدنيا بديه
حبيبي وغاليه عيونك عليه
بسرعه الوكت صاير يخلص وياكعيوني تجمعت بيها الدموع مو لأن مااگدر بدونها لا
محد يموت وره احد بس على ايامي الراحت واني احير شلون ارضيها وهيه الي چانت تبادلني بلهفه
لذلك الصدمه الي صارتلي اقوى لأن ادري بيها تحبني
تذكرت قبل العرس بأسبوع
جبتها حته تشوف ترتيب الغرفه وترتب ملابسها
ولأن احنه وياهم بيت واحد ربينه فتره بنفس البيت الى ان كبروو وانتقلوو من تزوج سجاد هاله اختي قبل زواجنه ب٨ سنوات.. كانت كل هالأمور متقيدنه كنه نطلع براحتنه الكل يثق بينه واحنه هم گد ثقتهم متجاوزنه الحدود لا بفترة حبنه وعلاقتنه البريئه ولا بفترة الخطوبه رغم كنه عاقدين
رحتلها جبتها الضهر قريب للغده گتلها غداچ يمنه ورتبي اغراضچ على راحتچ استأذنت من سجاد تبقى يمنه للعصر گلي خليها واني وهاله العصر يمكم ترجع ويانهالشوارع فارغه واني اباوع الها وكلي شوق ولهفه حسيت دگات قلبي زادت من تذكرت زواجنه بعد اسبوع واليوم تمشي وياي بصفتها خطيبه كم يوم وتصير زوجه
عيني بعيونها الي لامتهن من ضوه الشمس ابتسمت على منظرها وهيه لامتهن شبه مغمضه لونهن اخضر فاتح وي الشمس صارت بيهن لمعه خلتني اذوب بيهن
غنيتلها بصوت ناصي
اذا طلعت شمس فوت انت للبيت اذا شمسين معناها احترگنه
ابتسمت وايدها اتمسكت بأيدي وعينها شبه مغمضه
متحملت منظرها الي جذبني شديت قبضة ايدي على ايدها..لچ فتحي عينچ چنچ بزونه شكلچ يغري لتخلين احد يشوفچ غيري بهيچ منظر
..حياتي شنوو الحلوو وشنو الي يغري عبالك عيني بيها شي وين الجمال بس انت تعرف متحمل اشعة الشمس الا مناضر شمسيه ومنعتني البسها
..مو منعتچ طلبت منچ اكوو فرق
..يعني نفس الشي
..لا مو نفسه المنع يختلف .بعدين المناضر تبين جمالچ اكثر ويظهر خشمچ المنحوت ويصير شكلچ يجذب اكثر
DU LIEST GERADE
بعد ألخذلان
ChickLitأتعلم ما الذي يحزنني ؟ أنهم جادلوني بك مرارا أخبرتهم انك مختلف فخذلتني .