بعد ألخذلان

١٠

مرت ايام ومحد فتح موضوع نقلتهم بس اعرفهم اكوو شي صاير اهلي تجنبتهم وحته گعده گمت مااگعد وياهم اما بغرفتي لو بغرفة ايام اروح اشوفها واسمع اخر اخبار بلسم شي يجبرني اعرف عنها اكثر وصرت يوميه لازم اذكرها واسمع شي عنها المشكله هالبنت وقصتها جذبتني الها اكثر احسها مظلومه من اقرب الناس الها
انعزلت داخل البيت حتى اكلي مو وياهم بيوم الجمعه اجوو اخوتي نزلت علمودهم احبهم واحب جهالهم حيل متعلق بيهم
بيومها كلت اغيير مزاجي تجاهلت نظرات امي الي صارت بدون متحجي اعرف اليدور براسها ابويه فرح بنزلتي وحب يحرجني بكلامه من سلم عليه نفس سلام الولد وكلهم تنشافون اكثر منه جاوبتهه ابرود

..اخفف عنكم ليش تتناقشون بصوت ناصي والحركه عدكم فول هالأيام مااريد الي صار ذاك اليوم ينعاد كلت اني اطلع منها احسن مو صح يابه

اخواني توجهت انظارهم بيني وبين ابويه وحسو اكو شي ابويه سكت مجاوبني شي ولا باوعلي عبالك مسمعني اما اخواني ركزوو بيه يردون يفهمون

حجت رواء بصوت عالي

..عمه اني اروح وي هيام دتنظف البيت حته يلحگون اليوم يشيلون ومدام الولد هنا حته يساعدوهم

مرفعت نظري اصلا وفهمتها شنو تقصد تقصد همه ابيت ابو احمد وهيه بالذات هنا وتريد تسمعني عبالها اهتم تصنعت عدم المبالاة بس بركان بداخلي احس روحي تغلي شجابج يمي ماكفاچ الي صار بس شي بداخلي قوى عزيمتي ..عبالك نفسي تنتفض وافكاري صارت تتضارب براسي اني ليش خايف ومتردد من جيتها شنو قابل بعدني احبها وحته لو احبها الحياة مو بس حب الحياة مشاركه وتفاهم ارتباط روحي كلهن محسيتهن وياها كانت محملتني منية حبها الي
وكل هذا مجان يهمني بقدر متهمني سعادتها وتكون هيه يمي.. قطع افكاري صوت حسام

..رواء روحي بدون كلام احد سألچ احد گلج وين ترحين ودتشرحين شبيج انتي شنو فلمچ

..حبيبي شبيك ياعيني ليش عصبي غير اشرح العمه افهمها

رفعت عيني عليهم الكل انظارهم موجهه الي
مهتميت ولا كأنوو اسمعت
راحت رواء الهم.. افكاري تجول براسي شي يگلي روح شوفها وشي يگلي لا لتشوفها وجهك اصلا ..ورجع بيه ذاك الحنين اكو دكات بقلبي اختلفت ذكرتني بدكاته قبل بس جروحي والامي اكبر كرامتي وي الي يدور وياي الكرامه مااتنازل عنها ابد هذا هوو خسرتني وطرقنه متتلاگه بعد

تنهدت بصوت عالي ناسي الي حواليه نبهني صوت ابويه وهوه يگلي سلامتك يابه
كمت منهم واحس نار بيه مو گادر اخمدها
كعدت بالحديقه
شويه ورجعت للبيت حاجيت الولد كتلهم لتخلوهم وحدهم روحولهم
اعرفهم علمود زعلي ممدخلين بس ماكو شي يسوى بعد هذا هوو اخوهن وحاميهن الجانن يمشن بزوده راح الله يرحمه اعرفهن واعرف علاقتهن بي اكيد هسه مكسورات
وصلن مرحلة الغرور ومحسبن الكلشي بس وجوده
جان كافيهن
هذا هوو لا اني اول من يطلگ ولا هيه اول وحده تطلگ مهما كانت الاسباب.. تبقى جروحنه بس نتعايش بالنسبه الي مالي دخل بيهم بس مو من حقي امنع اهلي واخوتي وعمامي الي هنه مالهن غيرهم ابويه عنده حق
من حاجيت الولد شفت الفرحه بوجه والدي بس اني مرتاحيت ابد سويت هالشي بقناعه بس احس قلبي مو بارد ماكو شي يبرد قلبي
للأسف ذاكرتي قويه وكلشي اتذكر لا المواقف الحلوه راحت ولا المواقف الجارحه راحت كلشي بيه باقي
صعدت الغرفتي خابرت عمار لان المعارك يمهم مشتده وقليل كلش نحصله
رنيت مره واثنين محصلته
رجعت اتصلت بيزن كلي اني ابيت عمي ابو سجاد يردون يشيلون ومحلوه يبقون وحدهم عبالك يريد يبررلي المشكله كلهم عارفين هالموضوع حساس بالنسبه الي هيج اني مكشوف للكل واضح عليه الضعف لو اني ممهتم للموضوع يبررولي او يشيلون همي من اليوم اريد اشوفهم اني غير واثبت النفسي قبلهم
جاوبته من شفته يبررلي وهوه مرتبك بكلامه
گتله الولد جاييك يساعدونك واذ تحتاج اني موجود بس اتصل بيه اخدمك بلي تريده