Always Be His Baby (COMPLETED)

Chapter 30

Jozh POV

"Anaaaaaakkkk!!!!" Sigaw ni mama ng mapagbuksan kami ng pinto.

Lumapit ako sa kanya para yakapin siya. Naglakad din siya papalapit kaya lang ay lumagpas ang yakap niya sakin. Paglingon ko ay nakayakap na siya kay Empire. Parang miss na miss niya talaga ha. Eh ako yung anak niya. Tsk!

"Ma nandito ako"

Pinakita ko pa ang kamay ko na naglalahad para mayakap ko siya.

"Sabi ko naman sayo bunsoy eh, maiiuwi mo sa bahay si Sa-sa" Niyakap niya rin ako at hinalik-halikan sa buong mukha na para bang isa akong bata.

"Ma naman!! And as far as i can remember ay hindi mo ako sinabihan, sinigawan mo ako diba?"

"Ahahaha si bunsoy nagtatampo na naman"

Bunsoy again!

"Lucy papasukin mo na ang mga panauhin natin"

Lumabas din si papa kaya napayakap ako. Si Empire naman ay nagmano.

"Magandang gabi po tito" magalang niyang bigkas.

"Magandang gabi din Sa-sa"

"Pasok na kayo. Tamang-tama dahil maghahapunan na kami. May gusto ba kayong kainin? Ipagluluto ko kayo" tanong ni mama habang nakatingin saming dalawa.

"Naku! Wag na po tita. Nakakahiya nga po kasi wala kaming dalang pasalubong"

"Haay naku!! Nakakatampo naman" buntong-hininga pa ni mama.

"Si mama talaga oh. Ang laki-laki niyo na tapos gusto niyo pa ng pasalubong? Ano ba kasing gusto niyo?" saway ko.

"Apo" diretsahang wika ni mama.

"P-po?" Nauutal na untag ni Empire.

"Bigyan niyo kami ng apo. Matagal na naming hinihintay yun"

"Pero Mama, may apo na po kayo kay ate"

"Pero wala pa mula sayo. Haay naku jozh! Kailan mo kami bibigyan ng apo? Yung uugod-ugod na kami at hindi na kami makaalaga sa anak mo? Mabuti na itong maaga para mas lubusan nilang makilala ang mga lolo't lala nila. At hindi narin kayo bumabata, ilang taon na kaya kayo"

Nagsisimula na naman po siya sa kanyang mahabang speech. Ilang taon niya bang pinaghandaan 'to? Tapos bigla pa siyang lumapit kay Empire at hinarap ito.

"Sa-sa ikaw rin ang mahihirapan sa pagbubuntis mo kapag matanda ka nang magdadalang tao"

Tikom ang bibig ni empire at parang hindi makapaniwala sa mga sinasabi ni mama. Panay din ang pagkurap ng mata niya at paglunok.

"Kanina lang kayo umuwi dito sa probinsya?" Thanks god! Biglang nagsalita si papa.

"K-kahapon pa po tito"

"Kahapon pa? Saan kayo tumuloy?"

"Kina Empire. Doon ako natulog" sambit ko.

"Doon ka natulog? So may nangyari na ba?"

Hindi kami nakapagsalita ni Empire sa tanong ni mama. Aish! Ganito ba ka disperada si mama para magkaroon na ng apo mula sakin? Nakakahiya sa baby ko.

"Lucy wag mong ganyanin ang mga bata. Nahihiya pa silang aminin yan"

Akala ko ipagtatanggol kami ni papa, yun pala ay mas nilaglag pa. Aish!Siguro pulang-pula na ang mga mukha namin sa kahihiyan. At ang mga magulang ko ay nakikitaan ko pa ng pagkagiliw sa pang-iinis samin. Nagkatinginan kami ni Empire at napakagat-labi siya.