All my life I've been waiting for one thing. A knight that will gallop his way to me and sweep me off my feet like a princess. But I never thought it would be him. I never thought that it would be the loud, full of life, lead guitarist of the band R...
Oops! This image does not follow our content guidelines. To continue publishing, please remove it or upload a different image.
#BHOCAMP8TC #HeDer #TeamMasokista #BHOCAMP
HERA'S POV
"Ika-labing lima ng Abril sa oras na ala syete ng gabi ay lumikha ng ingay ang balita na umiikot sa panlinlang at kasakiman. Kumakailanlang ay kumalat ang balita tungkol sa pagkamatay ni Mia Montez, isang event specialist ng sikat na event organizing company, ang Pink Maze. Dahil sa kaniyang last will and testament at sa tulong ng autoridad ay nagawang hukayin ang mga nakatagong motibo at kahindik-hindik na sikreto na umiikot sa ina ng biktima na si Adeline Montez. Di umano ay nagsimula ang lahat ng magpakita sa ginang ang nawawala niyang identical twin na si Jessa Salvosa kung saan naging daan ito para isagawa ni Salvosa ang panlilinlang. Nagpanggap siya bilang ina ni Mia Montez at ng nakababata nitong kapatid na si Sean Montez para magawa niyang isakatuparan ang mga balakin niya sa pamilya. Base sa naging statement ni Salvosa ay matapos niyang maidispatsa si Adeline Montez ay bumalik siya sa pamilya para gawin ang pagpapanggap ngunit kaagad nakatunog ang asawa ng biktima na si Jaoquin Montez. Dahil dito ay nag desisyon si Salvosa na tapusin ang buhay ng lalaki. Ayon din sa kaniya ay dahil sa takot na tuluyang may makahalata ay mas pinabilis niya ang plano dahilan para si Mia Montez naman ang kaniyang balingan na ang resulta sa kamatayan ng biktima sa pamamagitan ng arsenic poisoning. Nagbalak din siyang isinod sa mga ito ang bunso ng pamilya na si Sean Montez."
Nag-alis ako ng mga mata mula sa panonood nang maramdaman ko ang paglapit sa akin ng kung sino. Nginitian ko ang isa sa mga kasamahan ko na si Chalamity nang magbaba siya ng plato sa harapan ko na may laman na burger at fries. Pagkatapos niyon ay tinanguhan niya ako habang ako naman ay muling binalik ang atensyon ko sa phone ko na hawak-hawak ko.
"Samantalang nagawa naman ng hanapin ng autoridad ang bangkay ni Adeline Montez di kalayuan sa dating pinagtatrabahuhan ni Salbosa na gasolinahan. Ayon kay Salvosa ay nagawa niya lang daw ang mga ito dahil gusto niyang maranasan ang patas na buhay na ipinagkait sa kaniya ng kaniyang kapatid. Hindi raw nararapat na tanging si Adeline lang ang makaranas ng maginhawang buhay kaya sa tulong ni Lito Felipe at Roberto Cruz ay pinlano nila ang pagkamkam sa kayamanan ng mga Montez. Sa ngayon ay inaresto na nga si Jessa Salvosa at nakakulong na dahil sa salang criminal impersonation, identity theft, kidnapping, attempted murder, at multiple homicide. Bukod sa kaniya ay papatawan din ng kaukulang parusa sina Felipe at Cruz na siyang naging katuwang ni Salvosa sa pagsagawa ng mga krimen. Ang natitirang anak ni Adeline at Jaoquin Montez na si Sean ay mananatili sa poder ng kaniyang mga tiyuhin at tiyahin hanggang sa pagsapit niya sa tamang gulang."
"That's upsetting. Hindi ko maintindihan kung bakit may mga taong nahuhumaling pagdating sa panonood ng mga balita."
Nag-angat ako ng tingin at ang nakangiting mga mata ng taong sa unang tingin ay talagang maipagkakamali kay Comet Ferrel, ang drummer ng Royalty na namayapa na ilang taon na ang nakararaan. Except he's clearly not him. Lalo na kapag nagsasalita siya dahil parang lagi siyang nang-aakit.
