اتلاقيت مع شادية وجينا تاني للشيخ عشان عرسي يتم من وضاح،، اداني محلول في فتيل وقال لازم يشربو او ياكلو المهم يدخل جوه بطنو وبخرات تتولع مكان هو قاعد ،،
حكيت ل شادية كل الحصل ،، كنت ماشة معاها الكوفير تحجز للعرس لكن ما عندي طريقة اعتزرت ليها ومشيت ،، قالت لي اتفقو مناسبتهم تكون بسيطة بس عقد وهي حا تلبس توب مع المكياج ،، ودعتها وجيت راجعة البيت ،، ظبته ليك بسبوسة وكبيت فيها المحلول دا ،، غايتو شكلها طااااعمة ،، كبيتها في علبة ،، واتصلت بي وضاح ،،
الووو حبيبتي اتصلت بي
صنيت مسافة ما مستوعبة الكلمة بس اتكشمت ساي وكنت فارة خشمي للضروس ..
حبو انا عملت ليك بسبوسة بعد تطلع اغشاني شيلا معاك،،
يا سلاااام الله ياخ والله نفسي في بسبوسة من زمان طوالي جايي اشوفك بتعرفي تطبخي ولا حا تأكليني جاهز برضو،،
والله بعد تجي وتضوقها تاني احكم انت ،،
قعد يضحك اوك اشوفك ،،
ترا ترا يس وفكيت لي صرخة معاها والله فرحاااانة ياخ انا ،، بس فجأة اتزكرت السمعتو من امي وابوي تنشنته تاني ،، انا لي متضايقة ما انسي الموضوع وخلاص وانا زاتي داخلة علي حياة جديدة غير ،، راجل مرتاح ومدير في شركة وجيه واسرتو غنيانين ،، الف بت بتتمناه بس اختارني انا تلقي الغيرة عايزة تقتل ريل والبنات البعرفوه ،، انا المقعدني شنو من بكرا بمشي الشركة واتمختر كمان ما انا حا ابقي مرتو عديييل يا سلااااام ،، جا البيت زي المغرب كدا ولعت المبخر وجيت شايلاه لي ،، قال لي دا شنو يا مجنونة ،، قربت عليه وقلت ليك برقيك من كل شلابة ومن عين حاسدة ومن كل بت خاته عينا عليك ،، قعد يضحك وقال لي انا ليك انتي وبس ،،
مشت يومين والليلة كان الجمعة عقد شادية ،، ما قعدت معاها كتير المهم همست ليها في اضانها اني عرسي بعد اسبوع والليلة ماشة ابدا اشتري الشنطة ،، طبعا قرصتني ليك قرصة نار بس اكلتها في حناني قدام الناس ،، قالت لي اصبري لي انا اخر من يعلم ،،
قلت ليها مبروووك يا عروس تتهني يارب ،
عقبالك يا صاحبتي ،،
اليوم عدي سريع ورجعت البيت ،، قبل اقعد اتصل بي وضاح،،
جاني صوتو اها يا عروسي حا اجي اخدك تبدي تشتري الشنطة،،
وانت الدخلك شنو بتمشي معاي نينا،،
الدخلني شنو ؟ راجلك ومن حقي اختار معاك..
احييي الكلمة دي حسيتها جوه قلبي ،، حاضر ،،
البت بقيت مسكينة ما تقول لينا ديك ،،
في تلاتة ايام بس اشتريت الشنطة وانت يا وضاح ضاغطني ضغطة السواد انو العرس يتم سريع في ظرف اسبوع ،،
لا حبسة ، لا دخان ، لا شي زي البنات عملتو ،، كان قدرت دخلت لي ساونا ،، الاسبوع في ثانية مشي سريع و
مدخل:
ﺍﺗﻤﺨﻄﺮﻱ ﻳﺎ ﺣﻠﻮﺓ ﻳﺎ ﺯﻳﻨﺔ
ﻳﺎﻭﺭﺩﺓ ﻣﻦ ﺟﻮﻩ ﺟﻨﻴﻨﺔ ...
ﺍﺗﻤﺨﻄﺮﻱ ﻳﺎ ﺣﻠﻮﺓ ﻳﺎ ﺯﻳﻨﺔ
ﻳﺎﻭﺭﺩﺓ ﻣﻦ ﺟﻮﻩ ﺟﻨﻴﻨﺔ
كنت ما مصدقة لحدي اللحظة دي وانا داخلة الصالة ولابسة الابيض وصوت اغاني الزفة ،، ويدي في يد وضاح ،، ولما مسكني من نصي رقصنا اسلو يا الله كنت طاااايرة في السما ،، وهو كل شوية يميل علي ويهمس لي في اضاني ونضحك ،،
عايزة حد يقرصني ولا حاجة امكن انا في حلم لسه ما مستوعبة الحاصل ،،
طبعا قبل عرسنا بي يوم عزو حكي لي وقال انو ريل حاولت تلاقي وضاح بس هو رفض يلاقيها ،، شمته شماته عشان تاني تعمل روحها بتهددني انا ،، انا بت ام در ابيعها واشتريها من سوق ستة ،، العز دا كلو وعايزاني اخلي ليها ،،
مدخل تاني :
سافرنا علي طول بعد حفلة العرس كان حاجز التزاكر ل تركيا ،، مش قلت ليكم عايزة حد يقرصني ولا حاجة ،، النصيحة ما قصر معاي اي شي نفسي فيه جابو لي فسح وهدوم وهدايا وكل شي ،، عدينا اسبوعين وجينا راجعين السودان ،، بقيت مختلفة اختلاف توتلي ،، لينا زمان ديك كنسلتها حسيت بي روحي اني بت هاااي كدا ،، اللبس كيف والكلام اتغير والمكياج كيف ،، وشايلة بسة في يدي مسمياها كيتي ،، لقيت الطابق التاني في بيتهم عمارة من تلاتة طوابق جهزوه لي حا نسكن فيه ،، وبت شغالة ،، تنضف وتغسل وتكوي وتطبخ ،، بس انا قاعدة مستتة اكل ونوم وتلفزيون ما عندي اي موضوع ،، خليت الشغل طوالي وانا اتعب بعد كدا لشنو ،، دا طلب وضاح اني ارتاح في البيت وكدا كدا انا براي الكنت عايزة اقعد،، برا شغل برا هم ،،
مدخل تالت:
مشت تلاتة شهور من زواجنا وانا هسي حامل ،، بقدر فرحتي وفرحة وضاح ال في عيونو بس كان في شي حاساه غلط ما عارفة شنو. ،
اهل وضاح ما ادوني وش نهائي عندو اختين كدا والاتنين بايرات ما خاتية عليهم يبورن مع انهم دكتورات لكن امهم دي الخاربة عليهم ،،
يلا قالو انهم ما عايزني لاني بت ناس عاديين كييف وضاح يخلي ريل اصل وفصل ويعرسني ،،
يوم نازلة في السلم ماشة اهلي ،،
لاقوني اخواتو وبقو يجدعو في الكلام ،،
انتي يا عزة الليلة كان شفتي معانا واحدة كدا ممرضة مقطعة دي يابت عرست اخصائي معانا ،،
عايزة تفهميني يا نازك انو حباها يابت الايامات دي بقت الحكاية شيوخ ساي ،، بس زي ما قالو السحر بنقلب علي الساحر بكرا دي ويطلقو العواليق...
طبعا وجعوني لاني عرفتهم قاصداتني ،، مسكت ضهري وجيت نازلة احي
يي يا بطني الحمل دا متعب خلاص الله يضوق البايرات ليه ...
عدم عرس ونفسيات الله يحمينا ..
وطلعت ليك ركبت عربيتي وعملت ليهم باي باي ...
يتبع🌷
فاطمة قسم الله✏
