جنة ،،،،سلام

الحلقة -3-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت -3-

-يالله شكد خجلت وستحيت صارت الگونه بوجه عماد وعايلتوا وهو صارلوا بالعشرة  أيام ما مر عليه

كل مايجي هل سعلوه تبوز وتلم قلاقيل وجهها ،،غدي حتى بالخطار ماتهلي ولا تكول أبوها حجي شاهين الكل يحلف بكرموا لو ظافوا

-القهر أني الخابرتوا وكتلوا مر عليه ،،وهو بيتوا بعد فرعين عن بيتي وصارلوا بالعشرة ايام ماجايني ااااااخ يا نار قلبي

يمكن امي داعيه عليه وهل الله رزقني برحاب النسره ،،بالله مو حرمه العيشه وياها مره علگم ماتنجرع

كلشي وياها بالغصب ،الاكل بالغصب ،الشرب بالغصب ،كلمه حلوه وسالفه طيبه هاي شايلها من القائمه

فراشها اذا بالشهر نمت وياها مرتين لو ثلاثه بطلعان الروح وتكضي هذني الدقايق كلها بجي ونحيب ،،وبارده وجامده يكول نايم بسد ثلاجه اي مشاعر ماكوو

عيشة الگشره ....

اتمنى يوم ارجع من الدوام والگي البيت نظيف،لو الغده جاهز ،لو مجهزتلي الحمام

لو ملابسي الگاها مغسوله ونظيفه ومگويه خلصت عمري وياها ملابسي ازتهن للوندري من أطلع الصبح للدوام واخذهن الظهر من أرد للبيت

عدها أهم شي تزوگ وتخطط بهل خلقه من تطلع للدوام ومن ترد تمسحها وتكابلني عبالك ياسين أخويه

وشكال صبغ اظافر وحجت الحمره ياريت مستفاد شي من وراهن

وطلعني وونسني تعبانه ومخنوكنه من تعب الدوام ،

واذا شافت بالصدفه وحده من صديقاتها من نطلع تكعد تتمسح بيه تكول بزون وهذا زوجي وهذا حبيبي والله كلوا جذب بس كدامهن

وشتريلي هذا الموديل وجيبلي هذا تلفون ،وهاي ليش عدها هذا الشي واني ماعندي

هسه بنت الكلب كلشي موفرلج ومامقصر وياج بكد خرم أبره،، عجل الياخذ غير ينطي بالمقابل ،،كلشي ماريد منج غير الكلمه الطيبه ،عندي غيرج يسدن حاجتي

بالله مو عيشه جحيم هساع كل المتزوجين مثلي لو هذا بس حظي

الي متزوجين موظفات هم هذا حالهم لو اني حظي يختلف عن باقي الوادم

مو هذا عماد معايه اللهم بدون حسد هو هم أخيي وضلعي وأبن عمي ونسيبي ماخذ أختي شيماء

وهم ضابط حالوا من حالي نقيب ويداوم (.......)وماشاء الله ،، ربي يسعدوا بحياتوا والله سعادتوا من سعادتي لايوم شگى ولا سولف سالفه مغثه من شيماء

وشيماء هي هم دكتوره أسنان اداوم بالمركز الصحي (....)البمنطقه،،وعدها ٣ زعاطيط

عدها اثنين بنوات ،،رهام أول ابتدائي ،،وعبير عمرها اربع سنوات ،،وولد واحد حمودي سنتين