جنة ،،،،سلام

الحلقة -30-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-30-

جنات/فرقع الدهن وطفرت عليه فرقاعه جوه بلعومي بدايه صدري كلش تاذيت وفرفحت روحي

-مسحت مكان حركت الدهن بسرعه ويه ما نزلت ايدي طخت بحافه الطاوه

-عاااااااااااااااااااااااااااااااا،،يمااااااااااااااااااا

شيماء/اريد أدحك شنو الموضوع وشنو السالفه ماافتهمت أنثولت

-شلون هل المدعبله جفت عليها طاوه ما أعرف

-اسم الله يوولي خل ادحك ،،أصلخي البجامه لا تستحين مني

جنات/حركة صدري نسيتها ،،أنكلبت الطاوه على فخذي فوك الركبه والاغلبيه صار على جف رجلي

-صارت روحي بالمي اريد ابرد الحرك ،،وشيماء تريدني انزع البجامه استحي منها

جريت طاسه المي الي أبلل ايدي بيها واصنع بها كباب العروك وشمرته على رجليه

-يولي لا لا لا خرررب حظج ليش شمرتي عليه المي

أسماء/شكوووو

ألهام /يبوووو خرررب حظج هاي ليش هل شكلج مصلوخه رجلج

جنات/فرفحت بس اعيط وابجي،،واشوف جف رجلي تحول لونه احمرر

شيماء/شيلي ايدج خل اصلخ البجامه لا تستحين يولي المي ما هو نظيف هساع تلتهب رجلج

جنات/اررريددد. سلاااااام ،،اعيط وابجي

شيماء/شووو دعوفي أيدج لا تعاندين لا تلتهب رجلج

جنات/كعدت بالكاع ونزعتني شيماء البجامه ونصلخ وياها جلد فخذي وطلع اللحم 

-وأني فرفحت وانوب ضيگه من جوه تحاول هي والبنات تطلعلها من جف رجلي متكدر ينزلغ الجلد

-عاد طفرت اسماء وجاب سجينه وكصتها عليه وطلعنها من رجلي

-مااحس الا الكهرباء ضربت راسي ،،وتشنج جسمي وقلبي راد يوكف من قوة دكاته

-ماافقد ابقى أسمع وأشوف ،،البنات جلبن بيه ونامن عليه حتى يسيطرن على رجفت جسمي

-يمكن أقل دقيقتين تستمر عندي هاي الرجفه وبعدين يهدى جسمي من الخارج وتبقى الرجفه بس من الداخل

اسماء/يوولوا راح تفسط الله أكبر ،،اللهم الطف بحالها

شيماء/يوولي الهام اركض اتصلي على الويلاد

جنات/سلااااااام ااااررررريد سلاااااام

أسماء/كولي يالله ،يولي سيطري على أعصابج لا تسقطين الطفل حرمات

جنات/سلاااااااااام ،،ارريد سلاااااام

شيماء/الهام اتصلي على سلام خل يجي بسرعه ويترك شكو بيدوا