جنة ،،،،سلام

الحلقة -32-

جنة،،،سلام
بقلم/فراقد حسن علي
،،،،،،،،،،،،،،،،،،،،
البارت-32-

-مااحس الا أنسحنت روحي ومعت وكعت من طولي ،،
انوب شكد عيب نسوان حارن بيه ويسال هاي منو البنيه

-عاد خطيه غسلن وجهي ،وشربني مي بارد ،،كعدت على صفحه شويه وصحيت على روحي

هاي وين أني ،،وشكو،،وشجابني لهنا،،
صدك لو كال عليه سلامي اني خبله وبدون عقل

خليت وطلعت من بيت العالم ركض،،
ورجعت لبيتي ،،مددت شويه وارتاحيت ،،

عاد وراها كمت توضيت وصليت ،،
سويت غده ،،وخابرة على سلامي ،،بقيت أسولف وياه

تقريبا ب٣ ونص اجى من الداوم ،،هو طب للبيت ونمت بركبته وابوس وابجي واحظن بي

وهو يريد يعرف شكو ،،ابوس بي وحاظنته وسولفتله الموقف ،،

وهو شبكني يكول /كل بشر وألو ساعه لا يتقدم ولا يتاخر عنها

-بقيت شابكته مااقبل اعوفه أخاف عليه
وهو مفرفح من الحر يريد يسبح

- دخلت وياه للحمام وجلفته جلفه مال قهر وكعت من عنده كيلوا زنجار

-وكلساع وكال/ ما تكوليلي شوكت تولدين
مو اني راح أحبل وأجيب وأنتي بعدج تتگلبين چنج بطه

-بعد اصبر مابقى بس شهرين ولادتي تصير بنهايه شهر السابع ،،لان حللت والحمل بنهايه العاشر من السنه المضت

-وهو يكول/ عجل نصبر يابه والله كريم ،،
بلچي الله يرزقني شوفه هل رزق هذا وأكحل عيوني بشوفتوا

-علاء أشترى بيت صغير (١٠٠) متر بالفرع الوره بيت عماد وتقريبا أقل الشهر تحول بي بعد ما رممه وعدل بي شويه

-يكول حبيت المنطقه وناسها ،،
وهنا الشغل بغداد أحسن من الشغل هناك بالطارميه

-وحتى لو هدأت الاوضاع والطارميه صارت اوضعها احسن ،،
وطلعوا منها الدواعش وخلصت من سفيان وربعه القذرين عود ارجع هناك وأأجر هذا البيت ما خسران شي

-خطيه من أنتقل الحجيه شبعت بجي وقهر وراه ،،
وهو ماعافها من نقل أغراضه

- وبقت الحجيه يوم تبات يمنه ،،ويوم بيت عماد ،،ويوم بيت علاء

-جهال علاء وجهال شيماء يتعاركون عليها ويجلبون بيها الا تباتين يمنه

-أني هم أتعارك وياهم واكلها خاله والله أضوج وحدي بالبيت وسلامي بالدوام خاف أجيب ومحد يمي

-خطيه هي ما تقبل أكول هيج وتبقى تحجي عليه تكول ،،
أسم الله كش من أثمج يولي لا تنطقين هلشكل السبعي يعل القلب يلا يشيل روحوا وتصيرلوا لحمه

-عاد سلامي يكلها،، يمه شعندج ماشيه غادي لبيت علاء لو لبيت عماد والزعط تثول راسج ،

-أبقي هين بس أنتي وهل مصگوعه هاي لا تسوي بروحها فاينه وتبلي نفسها بالاذيه وتبليني معاها