جنة ،،،،سلام

الحلقة -28-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-28-

جنات/تمشيت على كيفي للحمام ،،وقلبي يدك من الخوف ،
بس واحد يكول شبيج أبجي

-والحجيه تبجي وتدعي لسلام رب العباد يقر عيونه بشوفت أبنه ،،ويفرح قلبه

-دخلت للحمام صح موجود دم ،بس مو هواي ،،

-صحت على شيماء خطيه واكفتلي بالباب

شيماء/ياربي ان شاء الله خير،،هذا الدم لحد هساع ميخوف

-اذا مانزل بعد عندج دم من هساع للصبح وضعج ميخوف

-ومن الصبح خل اسماء وقصي ياخذوج لمستشفى الكرخ العام للولاده الي اداوم بيها رحاب

جنات/يعني بعدني حامل ،،عليج الله طمنيني

شيماء/كولي يالله ،،وان شاء الله خير

جنات/غسلت ،،ورجعت للغرفه

الحجيه/هااا يمه بشري

جنات/تكول شيماء أذا بقيتي للصبح وماعندج بعد نزف ماعليج شي

الحجيه/يمه يا سلام يابعد قلب أمك
بجاه رب العرش ،،ورب ملائكه السموات والارض يثبت حملج
يا يمه ويفرح قلب وليدي

جنات/تمددت بفراشي باوعت للساعه ب ٢ بليل
دزيت رساله لسلامي وكتبتله الصار بيه

-يمكن ١٠ دقايق ولأن سلامي متصل عليه

-هااا قلبي ،،خو ما بيك شي

سلام/منو يمج هساع بعدوا صاحي

جنات/أسماء والحجيه وشيماء هسه رجعت تمددت

سلام/خل أسماء تفتحلي باب الحوش

جنات/ليش أنت بالباب

سلام/اي ياب منتظر بالباب ما اريد ادكها واخرع الوادم

جنات/دقايق هسه

-كمت على كيفي واخذت حجابي وصلت الباب الغرفه

الحجيه/وين ماشيه يمه

جنات/خاله سلام بالباب ،اروح افتحله الباب

شيماء/يمه اسم الله ،،عماد حصلوا شي

جنات/شو الحجيه كعدت على حيلها ،واسماء ،،،

-وشيماء كامت وكفت على طولها

-لا والله مابي شي بس لان دزيتله رساله أجى يطمئن عني

الحجيه/ليش يمه هيج خرعتي قلبوا

اسماء/يمه أحسن ما فعلت ،
يا ستار كلشي يحصل ،،حت يكون عندوا علم

-ردي جنات لفراشج اني افتحلوا الباب

جنات/رجعت لفراشي كعدت وسحبت الغطه على رجليه