جنة ،،،،سلام

الحلقة -6-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت -6-

-تقريبا ثلث ساعه وطلعوها من صاله العمليات واخذوها للردهه النسائيه

-والممرضات چلن عليه بحجه الدعاء الها والتحمد الها بسلامه ،يعني يردن اكراميات ،،سلتت محفظتي ووزعت للموجودين دفعت بلاء عن روحي

تمشيت صوبها وتكلطت عليها،، ووگفت يم سريرها ودخلت ايديه بجيوب بنطروني وادحك بوجها ،،شاديلها كانونه ومغذي

وعبد الرحمن ،غلق كل الستاير عليها ،،يلوب ومبين بوجهوا الخوف عليها عبالك تعودلوا ،،

-يووولوا صدك لو گالوا الدم يحن لبعضوا

وهي تهذري اشكال الحجي ،شي مافهمتوا وشي فهمتوا

جنات/سلام لاتعوفني،،سلام الزم ايدي ،،سلام والله خايفه،،سلام اني بقيت اگول يالله من أنت گتلي گولي يالله ،،سلام اخاف ،،والله بطني توجعني ومااجذب عليك

سلام/دحكت على عبد الرحمن عيونوا مغوركه وخانكتوا العبره ،ويدحك بوجها ،بس ابد ماتكلط يمها ولا لمسها

عبد الرحمن /سيدي هاي علويه وعشيرتها معروفه وتارسين الكوت ،،ونسبها يرجع للامام الگاظم عليه السلام

-الله أكبر ليش هيج يصير بيها ؟؟ربي رحمتك ،،،هاي احد الضحايا بهذا العراق الشبعنه منه بس قهر وضيم

سلام/كول يالله ،بالله ياعبد مستخطيها ،ودخت مااعرف شسوي

جنات/سلام انت موجود ،مو كلت ابقى منتظرج ،ليش ماتحاجيني
اريد مي حلكي يابس ((تهذي من اثر التخدير،، يالله يفضح الماينفضح ))

سلام/ اني موجود هياتني يمج،،عبد شوف الدكتور يصير ننطيها مي

عبد الرحمن/سيدي ماتدري بروحها تسولف من البنج

جنات/سلام والله خايفه الزم ايدي

سلام/دحكت عبد الرحمن شلون يدحك بيه ،
يدحك اكضب ايدها لو لا ،،

-ول ياب ما يصير ،،

طلعت ايدي من جيبي وحكيت شعري من يم جبهتي (الكصه،او مقدمه الراس)

عبد الرحمن /سيدي من رخصتك اروح اصيح الطبيب واجيب شغله وارجعلك

سلام/اخذ راحتك

-شويه واجاني الدكتور وياه ممرضه كتب الها علاج بالطبلة والممرضه رفقت اوراق التحاليل

-الحمد لله على سلامك زوجتك اخي،العمليه ان شاء الله ناجحه وهي تعتبر بسيطه لباقي العمليات ،

الحمد لله من لحكت عليها لو متاخر ساعه بعد گان انفجرت الزائده بداخل بطنها وسببتلها مشاكل ثانويه لا سامح الله

لو كانت الزائده من النوع البارد يعني التهابها خفيف كان بس مغذي وابره مسكنه وهدئت ،،

بس كان التهابها قوي وبادي الالتهاب من وقت مبكر ،بس الحمد لله قدر ولطف بحالها