جنة ،،،،سلام

الحلقة -14-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت -14-

جنات/كعدني على التخم بكل هدوء،،وعافني ودخل جووه ،يمكن راح يبدل ،،مددت ظهري ليوره انتجيت على القنفه وغمضت عيوني

قصي /سلاااام ،،سلاااااام

-أنتي منووو ،،سلااااام أنت هنا موجود ،،هاي البنيه منو

جنات/سمعت صوت فزيت بس فتحت عيوني يمااا ،،
هذا شاب وأكف كدامي مو سلام ،،

نفس خوف البارحه انعاد بيه كمت ارجف ،،هي فزه وهي صرخه

-سلااااااااااام ،،سلااااااااااااام

سلام/دخلت ابدل وسمعت صوت قصي يناديني ،من البارحه هو موجود يم صاحبه بايت بالاعظميه علمود بطوله الأنديه الشبابيه

-وسمعت جنات صرخت بعلوا صوتها ،،كلت أنتلت ،،

-طلعت اركض بالبجامه والفانيله ،،وبيدي تشيرت التراك مالحكت البسوا

-ادحك قصي وأكف ومتفاجئ ماادري من ردت فعلها ،،ماادري بوجودها

-وهي أدحك على قصي وعيونها تصب،، خرررب بيهن شكد يصبن دمع ،،

-وترجف وخايفه ،،وماده ايدها كدامها مسويتها لروحها درع

-تكلطت عليها ولزمت ايدها ،،هااا يول ياب شبلاج ،،شبيج حاجيني

جنات/أباوع على الشاب صافن عليه ،ومستغرب من عندي ،سلام لزم ايدي ويحاجيني وأني عيني عليه أخاف يسويلي شي

-هذا منووو

سلام/يولي بسج عاد ،،هذا أخوي قصي لا تخافين منو

جنات/باوعت عليه ،وضميت راسي بصدره وكمت أبجي ،،وهو حظني باأثنين أيديه

-سلام والله عبالي واحد نفس هذاك الولد الكديش ويريد يأذيني

سلام/أششش أشششش ،،يول ياب لا تخافين ،،هين بعد محد يكدر يصلج ،

-وهذا أخوي قصي ،،حباب وخوش أنسان ،وهم هو بحسبة أخوج هساع ،،

-راح يبقى يمنه كم يوم عنده بطوله شبابيه للملاكمه

قصي/ياب أسف اذا خوفتج لو أحرجتج ،،بالله ماادري أحد موجود هين عبالي بس سلام

-لان اعرف حرمتوا رحاب حردانه يم اهلها

-لا تخافين ياب ،ان شاء الله أني هم أخوج

جنات/أسمع كلامه وأني خالته بحظن سلام ،،

-لا أني الاسفه لان هيج صرخت بوجهك ،،الف هلا بيك

قصي/أكول ياب سلام ماتنطينه شوي مجال دأسلم عليك

سلام/ههههه ،بالله أخذت روحي صرختها عباليها أنتلت