جنة ،،،،سلام

الحلقة -26-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-26-

جنات/نمت مقهوره والدمعه بعيني ،،روحي مفرفحه ،،شي مو سهل وأكيد كل أم تحس وتعرف شنو الوجع الياكل بروحي هسه

-فزيت وأني أصرخ والخوف مااخذ كل حيلي ،،هاي اذا بعد باقي بيه حيل

-طفر سلام وشعل الضوه ،،والحجيه خطيه فزت وتسمي بأسم الله وتهدي بيه ،،وسلام رجع عليه ولزم ايديه يهدي بيه

-أني وأعيه بس الخوف مسيطر على عقلي ،،وأباوع بوجوهم ،،أريد عقلي يستقر ونفسي تهدء واعرف أني صحيت مو بعدني بواقع الحلم

الحجيه/أسم الرحمن ،،وأيات القران ،،بسم الله الرحمن الرحيم

-يمه جنات كولي يالله ،،تراج حلمانه وشايفه منام مو بالصدك وتخافين

سلام/ياب كولي يالله مااكو شي يخوف أني بسدج

جنات/بسم الله الرحمن الرحيم ،،اللهم أني لا أسالك رد القضاء لكني أسألك اللطف فيه

الحجيه /شبلاج يمه ،،خيرج

جنات/خاله هاي مرتين اليوم ينعاد عليه نفس الحلم ،،
الظهر من غفيت ،،وهسه

الحجيه/كولي يايمه خير يصير خير

-سمي بأسم الله وسولفلياه

جنات/بسم الله الرحمن الرحيم ،،خاله شفت بالمنام
غرفه ظلمه وبس أيد بزونه تنمد من هاي الظلمه ،،
وتسحب سلام من عندي ،،
هي تسحب من أيد وأني أسحبه من الأيد الثانيه
وفزيت ماأعرف يبقى ويايه ،،لو تسحبه هاي الايد ،،
والله خاله قلبي حيل خاف من هذا المنام

الحجيه/يمه برد ،برد ،
اللهم أجعله خير يارب العباد وألطف بحال وليدي

-يمه سلام أنهض توضى وصلي ركعتين لوجه الله دفعه بلاء عن عمرك

-ومن الصبح بس تطرنه الشمس تذبحلك ديج لوجه الله دفعه بلاء وزته للفقره

-وتنطي صدقه بس تطلع باب الشارع الصبح ،،

- أن شاء الله هاي الاعمال كافيه بدفع البلاء بجاه الحبيب المصطفى وتدفع عنك الشر وكيد الظلمه،، واعمال الشر والسؤء

جنات/أمانه الله ورسوله ياسلام ياأبن أدم وحواء ،
وعسى الزهره أم الحسن تباريلك دربك

سلام/من فديت أم الحسن بنت المصطفى

-وفديت هل المدعبله الخايفه عليه ،،
وزت بهل الدموع عليه من كثر خوفها

جنات/عجل منو يسوى وأخاف عليه ،،غيرك يا شباك قلبي

سلام/هههه فديت هل قلب وشباجوا

جنات/تكدر تروح ويايه للحمام أخاف أمشي بالبيت وحدي بعدها الدنيا ظلمه

سلام/أنطيني أيدج خل ،أساعدج تنهضين على طولج