جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت35- ألاخيره
جنات/الجميع فرحان والغرفه متروسه أخوان سلام ولد عمه وعمامه
-وهو يلوب من كثر الوجع بس احس فرحته بشوفه جنة أكبر ،،
شويه وقتيبه كالي ،،يلا يخوي كولي ياالله حت نمشي ورانه درب اخاف عليكم ينزل الليل درب مو أمان من ضيم داعش
-والله قلبي مينطيني اعوف سلامي وحده بس مجبوره ،،
-لازم اروح لبيت أهل سلامي الحجيه والبنات يساعدني بعدني مااعرفلها الجنه
-وجنة كامت تبجي تريد ترضع استحي وين ارضعها خو ماكدامهم والغرفه متروسه زلم
-سلامي يصيح ،،يوووولوا من يخسي الجوع وخشم أبوج يشم الهواء ،،الا أجيبلج معمل الحليب ليمج
-سلمت عليه وبوست أيده ،،وشيماء اخذت جنه من حظنه وهو مجلب بيها يريدها تبقى يمه
وهي تكله /اطلع من المستشفى بسلامه والله تبزع منها
توجهت على حجي عثمان،،
-حجي انت من تحجي مو تكول انتي بنتي ،،اريد اطلب منك طلب
حجي عثمان/الله يشهد واكثر من معزه بنتي ،،
غاليه والطلب رخيص سمي يجرالج
جنات/حجي اريد من شارب ابو الحسن علي ،،وشاربك
تنقلون ابو فهد من بغداد للطارميه هناك ماكو يمكم تفجيرات
-وانت تعرف الحرمه بدون زلمتها ما تسوه كشره بصل ،،
واني يتيمه وابو فهد هو كل أهلي وناسي
-بعد ماعندي استعداد اضحي بأظفر من أصبعه لو أنتظر يروح من ايدي بتفجير ثالث ،،وانت تعرف بغداد كلها تفجيرات
حجي عثمان/من عيني هاي كبل هاي ،،بس خل تهود سالفه داعش وانقلوا هو وعماد غادي الديره أمن من بغداد
-اكول عماد دخلت دوره الاركان لو بعدك
عماد/هههههه يولوا اصبحت شواربنه بيد الحريم شدكول ابو فهد
-اي حجي دخلت بالدوره وان شاء الله خير
سلام/يالمدعبله منين طلعتي بهاي سالفه
شيماء/اي حجي فدوه اغديلك انقلوهم أثناتهم غادي للديره وحت نحول بيوتنه غادي شعدنه هين بغداد
عماد/ههههههه أطبخنها الحريم بعد ،،
حجي انت صب الهبيط ،،
واحنه بس ناكلوا
حجي عثمان/أحمدوا ربكم عدكم هيج حريم تخاف عليكم
جنات/بقوا يضحكون ويسولفون ويشاقون ويه سلامي وعماد لان اني وشيماء نكول انقلوهم
جنه فرفحت بجي ،،سلمنه على سلامي واخذنه قتيبه وطلعنه لبيتنه ،،رضعتها جوه عباتي بالسياره
YOU ARE READING
جنة ،،،،سلام
ChickLitهو:-أحس بأنه يستمع لكلمة سلام لأول مرة في حياته،، لم يكن يعرف إلى أي حد هو بحاجة إليها إلا حين سمعها.!!!! عندما سمع أسمه،،،صرخ ألسلام داخل نفسه،،فأصبح شخصاً من النوع الذي يمكن أن يعيش في سلام مع الآخرين. هي:-انسان ضائع.. متشرد بدون أهل.. بدون سكن بد...
