جنة ،،،،سلام

الحلقة -25-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت-25-

-جنات/ميته نعاس ،،وتعبانه ،،اريد انام مااكدر روحي مفرفحه على السياح والبيض

-باوعت للساعه ب ٤ بليل ،،كمت على كيفي أخذت التلفون وخليت السماعات

-وبقيت أكلب باليوتيوب ،أشوف شلون يسون السياح وطريقه عمله،،

-أنوب كتبت أسم الرجال أليطبخ أبو علوش ،،طلعتلي هوواي مقاطع يعلم بيها خطوات بسيطه عن الاكل

-وعنده كلمه حلوه يكول بيها شباگ قلبي ،،حبيت الكلمه،، أكولها لسلامي

-سمعت أذان الفجر ،،كمت غسلت ،،ونشفت شعري ورديت توضيت وصليت

-وسلامي خبلني كلساع وصاح ،لا طلعين صوت ،اريد انام ،لا أطگطگين بالغراض

-عفته ونزلت جوه ،،لكيت أسماء والحجيه كاعدات ،،صباح الخير

الحجيه واسماء/صباح العافيه

أسماء/يوول يالمدعبله على كولت عمي وليد ،،امس لعبتي فلك بالوادم

جنات/ليش شصار ورايه

أسماء/يوولي الويلاد گظبوا جيهان ودگًوها صفر حالها حال كوثر

-دگها أبراهيم واخواها ريسان ،،ماسمعتي صريخ لم المنطقه علينه

-وعماد وثامر ،،صلخوا جلدها بالحزام

-انوب رد عليها أخوها نصيف وابوها ،،كضوا بيها توبه

-وخالتي ظلت تغلط وتفشر وتسب وماحشمت الزلم الكاعده كظبها خالي وأبو نصيف وعجنوها ويه جيهان

الحجيه/حدري هين جنات يمه خل أحبنچ ،،

-صح التضررت أختي وبتها
بس ضنايه أغلى وهجمن حياه وليدي سلام ،
وهمزين ربج ستر حياة قصي

جنات/لا خاله اني أبوسج لان جبتي سلامي شباگ قلبي

الحجيه /عسى سلامج وفريخوا وقليبچ سالمين

-هساع بعدچ تتنسين على الشلگين ودبس وسمن حر لو لا

جنات/خاله شنو هذا مااعرفه

-اريد ،سياح وبيض

-سلامي ميقبول أكول كلمه مشتهيه لو أشتهي يكول عيب عدنا

أسماء/اي دادا هين هاي الچلمه تعتبر عيب

-مثلا أنتوا بغداد من تشترون ملابس تكولون لصاحب المحل نزلي من السعر او نزلي الملابس ،،كلمه نزلي هم عيب

جنات/لعد شكول

أسماء/تكدرين تكولين ،،أنطيني ،،ناولني قطعه الملابس ،،
وخفضلي من السعر

جنات/ليش يعني عيب شبيها الكلمه

أسماء/دحكي جنات،،تفكير الوادم مو نفس گبل
وبالذات هساع النت والفيس وبرامج التواصل الاجتماعي فتحت عيون الوادم على چثير شغلات