جنة ،،،،سلام

الحلقة -12-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت -12-

جنات/خليت التلفون بين جتفي واذاني واسولف ويه سلام واصبغ بيديه

-اسمع طكت فتحت الباب مال شقة ،، رفعت راسي واشوف عسكري فتح باب الشقه ودخل ،،لا يالله هذا مو سلام

-خفت وفزيت بسرعه ووكع التلفون من عندي بقى الخط مفتوح

-واسمع سلام يصيح الوووو جنات وين رحتي،،شكو ،،يوووولي ردي عليه

-شفت كدامي ولد عسكري شاب لابس نفس ملابس سلام بس مو نفس رتبته ،،لا اكو أثنين دكم على جتفه

-وهم طويل بس موحيل طويل نفس سلام لو عماد ،،ورشيق ،،
وشكله عادي مرتب مثل أي شاب

-شفت وراه بنيه لابسه عبايه اسلاميه حيل ضيكه على جسمها ،،

-وشعرها مفتوح ونازل على جسمها طويل ولونه احمرطًوخ، مااعرف غير لون

-ومخليه الشال على راسها بس هيج شامرته بالجذب ،،
ووجهها بي مكياج طووخ ورسمت عيونها ماادري شلون خاطتها ،،،وتعلج

-بالبدايه العسكري كان واكف بدايه باب الصاله ،،يعني اول متنفتح باب الشقه والبنيه لازمه الشال بيده تريد تنزعه

-هو تقرب عليه بسرعه خطوتين صار يم راسي ،،بس حركته ،،ومشيته مو نظاميه رجل يقدمها ورجل ياأخرها

-وشمر علاكه بيها قواطي بس مو نفس هاي مال ببسي بالكاع واطشرن من العلاكه

-اني انثولت مااعرف شسوي ،،بس ابجي ،،كمت على حيلي ورجعت ليوره انضربت بالتخم ،،مااكدر اطفر من التخم وانهزم للغرفه

-البنيه/حارررث هاي شنو

حارث/ولج هاي رزق مو بالتخطيط

-اكول ياحلوه منو صاحبج الموجود جوه

-لا وانوب نوووع جديد ،والظاهر خوش مداريته مبين من اثار العض والجلد

جنات/كمت اعيط وابجي ،،انجب يا اااااكلب ،،يااااااا حقيرر ،،
يوووول اني حرمه الرائد سلام

البنيه/حاررررث شنوووو هاي المهزله ،هاي منووو

حارث/عيوني انتي ،،مو كتلج رزق ما مخططله

-واكول انتي هي ،،ليش تجذبين ،،

-سلام موجود بالدوام ،وبعدين هو مامتزوج بعد هذيج ساره

-كوولي منو صاحبج ،،هو موجود جوه ؟؟؟لو طالع ؟؟

جنات/ابجي واحجي بقهر ،،ياحقيرررر،اطلع بررررررره واخذ هاي حرمتك وياك

حارث/ههههههههههه ولج منو حرمتي ،،هاي حالها من حالج ،،كلجن ك....

البنيه /هاااا حارث هيج صارت بسيطه اني اعلمك ،،اشوف منو يجي ويتبجبج ويبوس بالقنادر