جنة ،،،،سلام

الحلقة -33-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت -33-

جنات /فزيت من النوم عندي مغص خفيف لويات بسطيه تروح وترجع ،،

-باوعت للساعه ب٤ الفجر ،،

-يوم الاحد ،،24/7/20

-ورحاب حددتلي موعد القيصريه على يوم الاربعاء ،،
زين هسه شنو سالفه عندي ولاده يعني ،،مااعرف شسوي

-أباوع على سلامي خطيه نايم أخاف أكعده
وانوب يطلع  ماعندي ولاده ولا شي واقلقه
وهو عنده دوام فد شويه يروح

-كمت على كيفي رحت للحمام خاف محصوره وثقل الحمل على المثانه ،،طلعت وغسلت وجهي وأيدي  تمشيت للهول

-أكو وجع بسيط،،هذا مو جع التقلصات ولا وجع التشاليع العلمتني عليه رحاب وشيماء من دخلت بشهري

-خاف لان بليل سلامي قسى  ويايه بالفراش
معقوله من هذا السبب؟؟

-هااا خاف مستبرده لان غسلت ونمت والسلب مشعول يجوز ،،
اي أخذت برد وهذا سبب المغص

باوعت الساعه ب٤ ونص الفجر مو مال ادك على رحاب واخرعها ،،اصبر شويه وأشوف

-رحت سويتلي كلاص حليب دافي ورجعت للهول ،،

-كعدت أشرب وشغلت التلفزيون على قناه القران يقراه بيها
فقط عبد الباسط عبد الصمد الله يرحمه

-أااخ هذا المغص شو جاي يزيد عليه ،،
خفت بس لا صدك عندي ولاده
قبل الموعد الي حددته اليه رحاب

-شلون خاف مو زين هذا المغص وتصير عندي طلوكه ووجع
ومو زين عليه وترجع عندي نوبه الصرع

-بقيت أتكلب وألوب ،،
شويه أتمشى ،،
شويه أمدد على القنفه،،
واحس المغص يزيد رجعت تمددت على القنفه

سلام/ صباح الخير شعندج كاعده من الصبح

جنات/يماااا كمزتني

-صباح النور،،شعندك كاعد

سلام/أجاني أتصال مهم من الدوام قضيه صار سنتين أركض وراها وبليل جافتينوا الويلاد للصماخ الجبير

-بس أغسل وأبدل وأمشي ،،
ياب هل المجرمين علوا قلبي واخذوا حت من صحتي

-بس ما كلتي شعندج كاعده من الصبح
وهساع يادوب ب ٦ وربع

جنات/ماادري مااريد أخوفك بس عندي مغص ولويات خفيفه تروح وترجع ،،بس هسه شويه زادت عليه

سلام/عندج ولاده يعني

جنات/مااعرف بس يمكن من غسلت بليل أستبردت ،،
بس المغص كاعد يزيد عليه ولويات تزيد بوجعها

سلام/لا يولي عليج دين محمد مو هساع

-لا تشلشين عگلي لا أكدر أظل وياج ،،
ولا أكدر اخذ أجازه من  للداوم
القضية كلش مهمه ما أكدر أأجلها