جنة ،،،،سلام

الحلقة -4-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت -4-

حسيت الكزاز ينبت بجسمي ،،وشي حار نزل من بطني على أفخاذي ينزل بسرعه ويستقر بالبسطال

بدت عيوني تثقل ،،وصدري ضاك عليه ،وهل الشي الحار يطلع من بطني بقووه ،،

جت صوره أمي گبال عيني شفتها مدتلي ايدها ،،

لزمت بطني بأثنين أيديه وراسي ماعاد أشيلوا سندتوا على الاستيرن غمضت عيوني صارت ظلمه.....

بين النايم والصاحي،، افتش عيوني وارد اغمضها ،،مغوشه الرؤيه عندي ادحك بس ضباب ونمش ابيض

اسمع صوت عماد ،،أبو فهد ،أبو فهد يابعد أخيك تسمعني

سلام/مي،كمع مي اريد

عماد /يوول وخروا عنوا خل يتنفس

سلام/اريد مي

عماد/هساع ياخوي صبر،، عمر اركض نادي الدكتور

سلام/فتشت عيوني ادحك احسن ،،الرؤيه اوضح ،ادحك روحي هاي مستشفى

صوندة المغذي بيدي اليسرى والدم بيدي اليمنى ،وبطني مضبره وملفوفه بشاش ابيض وملزوكه بلاصق طبي ابيض من حزامي لحد جوه صدري

ادحك هاي الغرفه بس سريري  بيها ماكو بعد احد مريض،يعني غرفة خاصة

وماشاء الله تغص وتبلع من اخوتي ،،وعمومتي ،ولد عمومتي ،وهلي وناسي
شي معكله ،وشي بملابس الدوام بنطرون وقميص ،وشي لابسه دشاديش ،والشباب واكفه على رجليها والزلم الكبار جالسين على كراسي

-عندي ٣ عمام و٦عمات ،،كلها متزوجه ومخلفه ومزوجين ويلادهم وبنواتهم وعدهم زعط ،احفادهم ماتعرف هذا من ذاك

ابويه حجي عبدالله،، الله يرحموا ،،چبير اخوتوا ،
أحنه خلفتوا ٦ويلاد
(عثمان ،وياسين ،وسلام،وعلاء،وقتيبه،وقصي)

و٢بنوات( شيماء وأسماء )

اني تسلسلي الرابع بين اخوتي ترتيب عايلتي كما يلي 
من بعد عثمان ،وياسين،واسماء،واني سلام
وعلاء،وشيماء،وقتيبه ،وقصي

شيماء زوجتوا لعماد ،تعرفتوا عليها

واسماء ارمله زلمتها انقتل ب(٢٠٠٦)بأاحداث الطائفيه عندها ٣ويلاد

وبعد أبويه الله يرحموا ،،
عمي شاهين أبو أبراهيم، ورحاب ،،
وعندوا بعد ٣ويلاد و٣بنوات

بعدوا عمي صفوان أبو عماد،
عندوا ٦ويلاد عدا عماد
وبنت وحده حليمه زوجه ابراهيم

وبعدوا عمي وليد هذا يعجبكم  عندوا معملين واحد أبغداد واحد بالرمادي، لمساحيق التنظيف بمختلف انواعها ويتعامل مع مختلف التجار وامكانيتوا فوول