جنة ،،،،سلام

الحلقة -7-

جنة ،،،،سلام
بقلم/فراقد حسن علي
،،،،،،،،،،،،،،،،،،،،
البارت -7-

سلام/وهساع مامجبوره يعني ،،شو تكدرين تحدرين وحدج ،،يولي بس بطلي بجي عندج عيون لو نهر دجله والفرات

جنات/مااعرف شكول ،،والله خايفه ومحتاره ،،مااعرف شسوي

سلام/لا تسوين شي جيبي ايدج داساعدج ،وهاي مساعدتي الج لوجه الله حتى ترتاحين

-نزلتها وهي تنفض ماادري من المستحه والخجل من عندي ،ماادري من الوجع ،ماادري لان تايهه وخايفه وماتعرف احد

صعدت الدرج على كيفها،، كل درجه توكف عليها ولازمه بطنها وتخطي على الثانيه وهكذا،، يمكن شهر يلا خلصت صعدت الدرج وماتقبل اكضبها ابد ،،بقيت امشي وراها لا تكع عاد الگفها

فتحت باب الشقه ودخلتها داخل ،،توجهت على التخم بهدوء ايد لازمه بطنها ،،وايد كضبت التخم وسندت روحها عليها وكعدت

-سوال اذا عفتج ومشيت ،،منو الج بليل يداريج ،وعندج علاج وابر منو ينطيهن الج

-يووولي راح اكفر بالكائنات المجهريه بطلي نويح وبجي

جنات/يعني واحد تايه ومايعرف شي ،وكلشي كدامه مجهول واسود ،شتريده يسوي ماعنده غير البجي والنويح

سلام/ول ياب حقج ماگايلين غير شي ،،يوولي بالله الكريم مااعرف شلون اساعدج

كعدت علىً التخم گبالها وادحك عليها ،وهي مدنچه راسها بالگاع وتبحي ،،تذكرت كلام عماد علمود السؤال عن اهلها

-صدي عليه ،يولي دحكي بوجهي وبطلي بجي ،دحكي خليها بالج مساعدتي الج لوجة الله ،واني بنفسي راح اسال عن اهلج

وامشي على العنوان الموجود بطاقه السكن ،،وادحك اهلج وين وماوين صفت بيهم الدنيا

واردلج بليل ،وهذا مفتاح الشقه ،ممنوع تفتحين الباب لگائنً من يگون ،،افتحيها بس اليه ،،

وخليها بالج انتي فرصه سهله للذياب الموجوده وره هاي الباب ،لا تطلعين ولا تأمنين لاحد غيري ،بين ماادبرلج صوره حل

جنات /اي افتهمت ،مااطلع ابد ولا افتح الباب ،وانتظرك بليل بلكت تلكي اهلي،،،

عافني سلام وطلع وطبك وراه باب الشقه ،اني كمت على كيفي وقفلت الباب ورجعت كعدت بهدوء وتمددت على التخم ،،بس كلش تاذيني الحركه ،،تذكرت شلون ودوني لهذاك المكان ودموعي تنزل جمر على خدودي

-من بعد مالزموني جنود الي بالسيطره وفتشوني عبالهم لابسه حزام ناسف،، وحققوا ويايه واني صادقه مااعرف شي ولا متقصد اذيتهم ،بس همه خافوا مني ،،وكل واحد منهم يسال سؤال شكل

-واحد بيهم كان كلش ضخم وشكله اسمر وشواربه طوال واصله لنهايه حنجه ،كاللهم اني هسه اخليها تحجي وتسولف قصتها من الاول للتالي