တိမ်ယံနှင့်သက်တန့်တို့အလုပ်မှပြန်လာကြသည့်အခါ အိမ်တစ်အိမ်လုံးကရှုပ်ပွနေသည်။ ပစ္စည်းတွေကလည်းဟိုနေရာပြန့်ကျဲ ဒီနေရာပြန့်ကျဲနဲ့ တစ်ခုခုကိုရှာဖွေသွားကြဟန်တူသည်။
"အိမ်ထဲကိုဘယ်သူတွေဝင်သွားတာလဲ"
"ကိုယ်တို့ရဲကိုအကြောင်းကြားမှဖြစ်မယ်"
"အဲ့တာ မင်းထက်ပဲဖြစ်မယ် ... သူကကျွန်တော့်ကိုလိုချင်နေတာလေ"
"ကိုယ်မေးရဦးမယ် ... မင်းထက်ရဲ့အားနည်းချက်ကိုကိုင်ထားလို့လား ... မင်းထက်လိုလူမျိုးကတစ်ခုခုလုပ်ချင်ရင် အသာလေးလုပ်လိုက်လို့ရတယ် ... ဒါပေမဲ့ မင်းကိုတော့ သူမထိဘူး"
"ကျွန်တော်ပြောပြမယ် ... ကျွန်တော်နဲ့သူနဲ့တွဲခဲ့တုန်းကသူ့မှာစက်ရုံတွေအများကြီးရှိတယ် ... ဘာတွေလုပ်လဲဆိုတာတော့ ကျွန်တော်သေချာမသိခဲ့ဘူး ... မမကိုနိုင်ငံခြားမှာဆေးကုဖို့ကိစ္စဖြစ်တုန်းကသူ့ရုံးခန်းကိုသွားခဲ့တာ အဲ့မှာ သူမှောင်ခိုလုပ်တာကိုကြားလာခဲ့တာ ... အဲ့တော့ ကျွန်တော်ကစက်ရုံတွေအကြောင်းကိုလည်းသိနေတယ်ဗျာ သူမှောင်ခိုလုပ်တာလည်းသိနေတယ်ဆိုတော့ သူလန့်မှာပေါ့ ... ပြီးတော့ ကျွန်တော့်ကိုလည်းလိုချင်နေတော့ သူခက်နေမှာပေါ့ ... အဲ့တာကြောင့် အခုလိုအိမ်ကိုလာပြီးသတိပေးသွားတာနေမယ်"
"ဒါဆို ဟိုတစ်ခေါက်ကဖမ်းတာကလည်း အဲ့ကိစ္စကြောင့်ပေါ့"
"အင်း ကျွန်တော့်ကိုကိုကိုပေးထားတဲ့Foot-chainလေးကသူ့အခန်းအရှေ့မှာကျကျန်နေခဲ့တော့ သူသိသွားတာ"
"ကလေးရယ် ဒါတွေဘာလို့မပြောခဲ့တာလဲ ... ကိုယ်လည်းမင်းကိုမမေးမိဘူး ... ကိုယ်လစ်ဟာသွားတယ်"
"ရပါတယ် ... အခု ပွနေတဲ့ပစ္စည်းတွေရှင်းကြတာပေါ့"
"အင်း"
အင်္ကျီလက်တွေကိုခေါက်တင်လိုက်ပြီး ပြန့်ကျဲနေသည့်ပစ္စည်းတွေတစ်ခုချင်းစီလိုက်ကောက်ကာ သူ့နေရာတကျအစီအရီပြန်ထားရသည်။ အိမ်တံခါးကိုပြင်ဖို့အတွက်လည်း လူခေါ်လိုက်ရသည်။ အိမ်မှာဘယ်အလုပ်သမားမှမထားတော့ဘဲ အကုန်လုံးကိုလျော်ကြေးပေးပြီး ပြန်လွှတ်လိုက်သည်ကြောင့် အိမ်တွင်သူတို့နှစ်ယောက်ကလွဲပြီးမရှိတာ အခုလိုအခြေအနေတွင်ပိုကောင်းသွားသည်ဟုဆိုရမည်။
YOU ARE READING
Love Me Like You Do🖤
Romance[Unicode]အားလုံးအကြိုက် Sugar Daddyလိုပုံစံမျိုးဇာတ်လမ်းလေး ...... [Zawgyi]အားလုံးအႀကိဳက္ Sugar Daddyလိုပုံစံမ်ိဳးဇာတ္လမ္းေလး ......
