Magical Elite Academy 2: The Unexpected (Completed)

Chapter 27

Chapter 27

Napatawa naman ako dahil sa pagtatalon at pinagagawa ni Paminta.

"Kita mo na Lucy! Kyaaaaah! Ikaw ang nanalo! Kainggit! Makakasama mo ang royal family ngayong dinner at bukas! Whole day! Whole day! Pero mas okay na sa akin na ikaw ang nanalo kaysa kay bruhang Erielle. Pero type ko iyong sagot mo kay Prince Vander ah. Hindi ko alam pero parang kinilig yata ang isang iyon. Hahahaha, inlove yata sayo ang isang iyon eh."

Binatukan ko naman si Pepper dahil sinabi niya.

"At bakit naman mai-inlove sa akin ang isang iyon eh hindi naman kami close?"

Umismid naman siya.

"Weh? Kayo hindi close? Eh bakit kung magtitigan kayo kanina parang may something aber? Aysus. Di ba Lailanie? Suportahan mo ko."

Napatawa nalang ako dahil isinasali pa talaga niya si Lailanie sa kalokohan niya.

"Oo nga, kita ko rin iyon. May spark eh."

Napailing naman ako.

"Manahimik nga kayo. Kung ano-ano nalang talaga ang pinagsasabi niyo."

Pero hindi ako pinansin ng dalawa at ipinagpatuloy lang nila ang paggawa ng name ng love team 'kuno' namin ni Vanvan.

Lumingon naman ako sa iba naming kasama na sina Edgar.

"Kayo na nga lang kumausap sa dalawa, nababaliw na eh. Kung ano-ano ang iniisip."

Sabi ko pero hindi nila ako pinansin.

"Woy! Pansinin niyo ko."

Napakunot noo naman ako nang lumingon sa akin si Edgar.

"Anong mas maganda VanNa? O LuciVan?"

Napaawang naman ang mga labi ko at napailing.

"What?"

Sabi ko saka napahalakhak.

"Miss Alcazarate?"

Napatingin naman ako sa tumawag.

"Yes po?"

Nagbow naman ito sa akin kaya nagbow ako pabalik.

"Pinapatawag na po kayo ng Mahal na Reyna."

Tumango naman ako saka kinuha ang backback ko.

"Woy Paminta! Lailanie and friends! Una nako ah! Kitakits sa Monday!"

Sabi ko kaya bumaling sila sa akin at ngumiti.

"Yieeeh! Enjoy insan! Sabihin mo sa reyna na may pinsan ka na ubod ng ganda kung sakali mang naghahanap siya ng candidate para sa mapapangasawa ng prinsipe."

Napailing naman ako sa sinabi niya.

"Oo na!"

Natatawang sagot ko saka kumaway muna at humarap sa kanila at naglakad patalikod.

Kaya naman hindi ko alam na may tao pala sa likuran ko.

Muntikan na akong matumba kung hindi ako nahawakan ng nabangga ko.

Lumingon naman ako rito at nagulat nalang ako nang makitang si Vanvan ito.

"Anong ginagawa mo rito?"

Gulat kong tanong.

"Sinusundo ka of course."

Sagot niya kaya napatili si Pepper at Lailanie.

"Yieeeeeh! Sinusundo na siya ng ideal type niya! Eeiiiiiih!"

Napailing naman ako at napangiwi dahil sa pinagsasabi ni Pepper.