Something That Will Last

12 // Describe Amused

12 // Describe Amused

Around lunch time na kami nakaalis sa venue. So sa Bistro Bistro ang sunod naming punta. We're hitching a ride with these mag-best friends.

Ako, si Jules, at Pol ang nandito kay Jerrick. Si Cara ay lumipat doon sa sasakyan ni Kurt, kasama si Lesly. Dahil nga bet niya 'yon, hinayaan na lang namin.

Hindi nila ako pinilit na sumakay sa shotgun ngayon. Alam nilang gutom ako, magkakamatayan na talaga!

Una naming madadaanan ang Mostaccio bago ang bistro. It's expected na maraming tao doon ngayon for lunch. Marami nang naglalakad sa gilid na estudyante, karamihan din ay naka-fun run shirt, at mukhang papunta rin sa pupuntahan namin.

"Jules, magshower muna kaya ako?" bulong ko sa kanya.

"Huh? 'Wag na! Mamaya na rin ako maliligo pagka-lunch natin." Tinaasan niya ako ng kilay.

I pouted. Sumandal na lang ako sa upuan at tinanaw ang labas. I just felt a bit uneasy because I didn't know if I smelled funny. Sinipsip na ng damit ko ang pawis ko at natuyuan na rin ang likod ko.

Parking spots were full when we got to Bistro Bistro. Natanaw ko iyong loob ng bistro, Cara and Lesly were already sitting on a table. That's perfect! Makakakain kami kaagad, and I'll just leave as soon as I'm done so then I could shower.

Sinalubong ni Kurt ang sasakyan ni Jerrick. He said that he saved a parking space beside his car. Bumaba na kami ng sasakyan bago sila nag-park.

Sa gilid lang ng daan usually nagpapark ang mga sasakyan dito. Usual thing siya rito kasi hindi naman ito national road o dinadaanan ng public vehicles. Normal na rin kasi sa mga estudyante ang maglakad sa loob ng campus. Marami ring puno sa paligid kaya laging mahangin at may lilim ang sidewalk. Sa pwesto naman na walang lilim, uhm, mag payong na lang.

"Girl!" Nanlalaki ang mata ni Cara nang salubungin kami. Ikinawit niya ang braso niya kay Jules at bumulong.

"Nandito si Wannie. Oh my god!" pagpapatuloy niya. Parang halos hindi siya makahinga kasi kailangan niyang bumulong pero hindi niya ma-contain ang emosyon niya.

"Oh crap! Nasaan? Nakita ba ni Kurt?" tanong ni Jules.

Luminga rin ako kasabay ng pinsan ko. This time, I know Wannie. She's famous in social media and in the campus. As someone who doesn't use her phone a lot, I could attest that Wannie really is known because even I know her.

But I'm still not sure what the fuss is about. Nang tumingin ako kay Les ay ngumuso siya sa table across ours.

Then I saw Wannie on her phone. She's with her friends, all freshly groomed unlike me. Obviously, hindi sila galing sa charity run.

Tinabihan ko na si Les, habang iyong dalawa naman ay awkward na sumunod sa table. Tahimik kaming lahat which was unusual. Ang weird nila! Parang ingat na ingat silang magsalita as if maririnig ni Wannie ang paguusapan namin.

"Hindi yata napansin ni Kurt si ano," sabi ni Lesly sa maingat na boses.

"Shocks! Ano kayang mangyayari 'pag nagkita sila. Shet, para akong manonood ng live na kdrama nito," excited na sabi ni Cara.

So there's something between Kurt and Wannie? I tried to imagine. Hmm. They're bagay naman. Parehas silang good looking.

Ginilid ko iyong mga menu nang maglagay ang babaeng server ng pitcher at glasses sa table. Kinakabahan pa siya kaya tinulungan ko na.