The Brightest Shooting Star (Athánati series #2)

Panghuli

Huli

Shooting Star

[ Play "Shooting Star" by Owl City ]

"Daddy!"

Napalingon ako nang marinig ko ang maliit na boses na iyon. I smiled and carried her.

"Hi, Ariel!" Masaya kong sabi. She giggled. Ang cute talaga nito.

"Oh, ba't ikaw bumuhat? Ikaw tatay?" Lumapit sa'kin si Anton at kinuha ang anak niya. I rolled my eyes.

"Lalaruin ko lang naman, eh." Nakanguso kong sabi. Natawa naman siya.

"Gawa ka sarili mong anak." Pambabara niya at nilaro na iyong anak niya. Pinagsalubong ko na lang ang kilay ko dahil sa sinabi niya. Actually...

"No." Biglang dumating si Jana sa harapan ko kaya napahawak ako sa dibdib ko.

"Huh?" I said, confused.

"Alam kong nagpaplano kang magkaanak na tayo. Next year na." Sagot niya. Sumimangot ako.

"Last year sabi mo rin next year na!" Angal ko. Tinaasan niya ako ng kilay.

"Oh edi 'wag na tayo maganak." Sabi niya kaya napanguso ako lalo. Ang sungit.

"Joke lang, love. I'll wait." I said and hugged her from the back.

"Bahala ka diyan." Sabi niya at tinanggal pa ang braso ko sa pagkakayakap. Ang sungit niya ngayong araw! Kanina niya pa ako binabara simula noong paggising palang namin. Wala naman akong ginagawa, eh!

Napatingin na lang ako sa mga batang naglalaro rito sa garden ng bahay nina Andrea at Anton. Ang daming bata na nagtatakbuhan, mga anak nila. Third birthday na kasi ng anak nina Andrea kaya narito kami. Nakita kong nakikipaghabulan na siya roon kina Iverson at Marianne kasama si VJ pati ang ibang bata na 'di ko kilala. Believe it or not, si Ivy ang unang nagkaanak sa'min. Nagulat din kami dahil hindi namin sineseryoso ang sinasabi niyang boyfriend niyang captain ball sa UST. Malay ba namin. Nagulat na lang kami engaged na siya.

Pinakamatanda iyong anak nila na 4 years old na, sunod naman si Marianne na anak nina Brianne at Mateo na magfofour na rin. Obvious naman na anak nila iyon dahil parang pinagsamang pangalan lang nila ang pinangalan nila roon sa anak nila. Si VJ naman ay anak nina kuya Valentin at ate Jeza. Noong pumunta ulit kami sa bahay para roon, magkalive in na kami ni Jana sa condo ko at nagtatrabaho na. Nalaman na lang namin na magpapakasal na pala silang dalawa. Nagulat pa nga ang papa ni Jana at si mama dahil do'n.

Amarie was also living in already with her girlfriend, nagbabalak na rin silang mag-ampon. Si Leila at Maxine naman ay ikakasal na ngayong taon at nag-away pa sila dahil bakit daw sumasapaw pa iyong isa. Nagkataon lang naman siguro iyon pero pinagawayan pa nila. Ewan ko ba sa mga 'yon. Si Eliott ay single pa rin pero maraming ginagawang fling kaya hindi ko na alam kung anong gagawin niya ro'n. Si Franco naman ay bumalik kay Nicole matapos grumaduate. Si Bianca, hindi ko alam kung mag-aasawa pa ba iyon dahil sa nangyari kay Germain pero alam kong may inampon din siyang bata. Wala pa nga lang siya rito kaya hindi pa nakakalaro ng anak ng iba.

"Kailan niyo balak magpakasal?" Bigla akong tinabihan ni On. I crossee my arms and maintained my sight on the kids playing. Si Jana at Zil ay nakikipaglaro roon habang nasa grill naman sina Amarie. Nakaupo naman iyong iba ag nag-uusap.

"Hindi ko alam kay Jana. 'Di pa namin napag-uusapan." Sagot ko na lamang. Yes, we are engaged already because I proposed to her a month ago sa reunion ng high school batch namin. Muntik niya pa nga akong sapakin no'n dahil sa gulat.

"Kayo ba?" Nilingon ko naman si On na nakapamulsa at nakatingin lang din doon kina Zil. Kasama nga kami sa naunang magkarelasyon, pero kasama rin kami sa huling magpapakasal. Wala naman kaming magawa dahil mga career woman ang soon to be wife namin pareho at sinusuportahan namin sila roon.