My Make-Believe Boyfriend College Hottie Series : Bobby and Ashley

Special Chapter 31 : Rome del Mundo Says Good Bye

Hello! Gusto ko lang magpasalamat sa lahat ng mga nagpaabot ng kanilang pagbati sa thru message video, FB or sa message board and comment section dito sa Wattpad, tulad nina :
Ms. Danielle Sophia Capacillo
Ms. Lana Rose Sevillo
Ms. Ailene Omayan
Ms. Jannah La Torre
Ms. Sarah Jane Nacario-Padua
dyosaraina
Thank you so much. First time na merong nag-effort ng video message for me (super thanks sa effort ni Danielle 😊)
Pinasaya at pina-smile ako ng bongga sa birthday ko. Hindi ko ma-share dito, eh. Sa group page na lang ni dyosathewriter and sa FB account ni Josa TheWriter. Sobrang proud at happy lang ako. 😜. Sana mapanood n'yo. Thanks ulit sa another birthday na kasama ko kayo sa journey sa love stories ng buong gang (nadadagdagan na sila)
This update focuses on Rome and his TOTGA. May TOTGA ba kayo? Share some of your thoughts and experiences. Magandang marinig at mapag-usapan (sorry, ang chismosa ko lang 😜)
Maraming salamat ulit! Hanggang sa maraming-maraming-maraming birthdays pa nating lahat ❤😊💃🏻🎂🍾🎈🎉 -- Dyosa (the Birthday Girl)

*******************************
ASHLEY

“BAKIT NAGSAMA KA pa ng three musketeers?” natatawa kong tanong nang makita kong kasama ni Cobi sina Andrew, Alfred at Ryan.

May usapan kami ni Cobi na mag-a-undertime siya sa opisina para sunduin ako at samahan sa The Coffee Shop na kung saan kami magkikita. Pero nagulat ako nang makitang may kasama siya sa loob ng sasakyan.

“Nabanggit ko kasi--“

Pinandilatan ko si Cobi. “Ang daldal mo!” Hindi naman ako naiinis. In fact, I welcome the company of these three. They were funny. Masayang kasama. Though, sometimes, annoyingly funny kasi naiingayan ako kapag kasama sila. Maiingay naman kasing talaga sila. Lalo na kapag nagkakapikunan sina Andrew at Alfred na parehong malakas mang-asar.

“Niyaya ako nito--“ Turo ni Cobi kay Andrew. “Sabi ko, hindi ako pwede kasi may lakad tayo. Eh, ubod pala ng chismoso ‘to--“ Turo ulit niya kay Andrew. “Hindi na ako tinantanan sa kakatanong kaya sinabi ko na. Tapos sinabi ng mas madaldal na ‘to—“ Itinuro muli niya si Andrew sa pagitan ng dalawang mata nito. Natatawang tinabig ni Andrew ang daliri niya. “Sa mga epal na ‘to--“ Pinagtuturo niya sina Alfred at Ryan. “Kaya sumabit sa lakad natin.”

Tumingin sa akin si Cobi. “At ‘yan ang alamat ng tatlong epal na musketeers. End of story.” He smiled.

Some time ago, I would have find that smile panty-droppingly handsome. I thought my love for Jacob was everything to me. Nang-aaway pa ako dahil doon.
Now, it only a vague memory. Like it happened some ages ago.

Now, only the sexy smiley grin of Robert Aldus would mean everything to me.
Nagpapasalamat akong dumating siya sa buhay ko. Kung hindi, baka nakalugmok pa rin ako sa kumunoy ng bitterness na dala-dala ko sa buhay.

“Punyemas ka!” sabi ni Andrew kay Jacob mula sa backseat. “Anong epal? Mga gwapo kamo. At ako ang pinakagwapo.” Itinaas-baba niya ang kilay sa papilyong paraan.

Jacob rolled his eyeballs. I just giggled softly.

Bumaling si Andrew sa akin. “’Di ba, Ashley Girl? Ako ang pinakagwapo?” Nag-beautiful eyes pa siya.

Lumakas ang tawa ko. Pero hindi ako sumagot. I just shook my head, still smiling.

Tinapik ni Andrew si Jacob sa balikat. “Kitam? Silence means yes, Maravilla,” mayabang niyang sabi.