Reclaim The Game (COMPLETED)

Chapter 36

#RTG36 Chapter 36

Para akong tinakasan ng hininga ko nang marinig ko iyong tanong sa akin ni Cha. Hindi ako maka-galaw. Hindi ako maka-hinga. Ang tanging nararamdaman ko lang ay ang kaba na gumapang sa buong pagka-tao ko.

"Stay here. I'll get you pregnancy test," sabi niya bago mabilis na lumabas at pumunta sa convenience store na nasa kabilang panig ng kalsada.

Agad akong napa-hawak sa tiyan ko.

Possible ba?

We were careful... maliban nung unang gabi.

Halos tumalon palabas ng dibdib ko ang puso ko nang makita kong tumatawag si Sancho. Ilang segundo akong naka-titig doon, iniisip kung sasagutin ko ba o hindi ang tawag niya... Hanggang sa kusang matapos ang tawag.

'Iñigo told me umuwi ka raw. Are you sick? Do you need anything?'

Muli akong napa-sandal at napa-pikit. Kailangan kong sabihin sa kanya... kung sakaling buntis nga ako. Pero kailangan ko munang ma-kumpirma kung buntis nga talaga ako.

Maybe I was just worrying over nothing.

Hindi ko alam.

Gulung-gulo na ako sa lahat ng nangyayari sa buhay ko.

"May CR sa resto... Or hatid na kita sa condo?" Cha asked.

Hindi ko sinagot iyong text ni Sancho. Alam niya na umuwi ako. Baka puntahan niya ako sa condo ngayon dahil iniisip niya na may sakit ako. I still needed to gather my thoughts bago ko siya kausapin...

"Pwede mo ba akong samahan?" tanong ko kay Cha.

I felt like I'd been making shitty decisions the past few days... I needed someone who'll be the voice of reason. Mahal ko si Sancho... sigurado ako roon... Pero parang hinihila ko lang kami pababa sa mga nangyayari sa amin.

"Yeah, of course," sagot niya.

Sabay kaming bumaba. Pumasok ako sa CR habang naka-abang sa akin si Cha sa labas. Ramdam na ramdam ko iyong kaba sa buong pagkatao ko habang ginagamit ko iyong test. At nang matapos ako, binalot ko muna iyon sa tissue paper at saka naghugas ng kamay habang naka-titig sa sarili ko sa salamin.

"It can't storm forever..." I reminded myself.

Matatapos din lahat ng problema ko.

Kailangan ko lang maniwala.

Nang lumabas ako, Cha was looking at me na parang hinihintay niya na magsalita ako. Tipid lang akong ngumiti. Mukhang naintindihan niya dahil hindi na siya nagsalita pa.

"Sa condo mo ba?" she asked.

"Pwede bang tumambay sa inyo?"

"Sure... pero maingay si Lily," she said, shrugging.

Sanay naman ako na maingay si Lily. Tuwing pumupunta ako kina Katherine kapag may kainan, sanay ako sa ingay ng mga anak nila. I wanted that, too... That kind of happy family... Hindi ko lang naisip na sa ganitong paraan ko makukuha kung sakali...

Pagdating namin sa bahay nina Cha, nakita namin si Lily na tahimik na nanonood ng kung ano sa Youtube. Focused lang iyong bata sa panonood pero nang makita niya si Cha, her face immediately lightened up at mabilis na niyakap ang Mama niya.

I smiled at the sight.

Everything would be fine.

"Say hi to Tita Lyana," Cha said habang buhat si Lily. The baby girl smiled at me and waved her hand. Kamukhang-kamukha siya ni Cha... Wala man lang nakuha sa tatay niya.