Eirlo University [COMPLETED]

Kill #7

Agad na itinulak ni Eyz si Watch papasok sa cabinet, medyo malaki 'yon kaya naman alam niyang kasya do'n si Watch. At wala rin naman siyang choice kahit hindi siya kasya dahil mahuhuli sila. Member kasi nang Student Council si Shella, kaya hindi imposible na isumbong sila nito. Masama pa naman ang ugali ni Eyz kay Shella, kaya baka gantihan siya nito.

"Maghintay ka aba! bakit mo ba kasi iniwan ang susi? Ang tanga mo talaga." Sigaw ni Eyz. Palusot niya lang 'yon para hindi magmadali si Shella, pabor nga sa kaniya ang hindi pagdala ni Shella sa susi nang kwarto nila.

Nang maisara niya at cabinet at masiguro na hindi mapapansin mi Shella si Watch ay binuksan niya na ang pinto. Nakasimangot si Shella nang makita niya ito, nasaktan siguro sa sinabi ni Eyz.

"Ang sama mo talaga."

"Wala kang pake. At anong ginagawa mo dito may klase ka pa 'di ba?" Umupo si Eyz sa kama. At si Shella naman ay binuksan ang cabinet niya at may kinuhang dalawang makapal na libro.

"Naiwan ko ang libro ko. Ikaw din naman ay may klase pa, pero nakatambay ka dito." Saglit na tiningnan ni Shella ang cabinet ni Eyz bago bumalik ang tingin niya kay Eyz. Hindi marunong magtago si Eyz dahil nakita niya sa maliit na siwang ang daliri nang isang tao.

"Kasalanan niyo 'to e, siraulo kasi kayo sa pagpapauso nang Chase Game na 'yan. Mga wala kayong magandang magawa sa buhay, hindi na nga kayo maganda 'di pa maganda mga tumatakbo sa isip niyo." Singhal ni Eyz. Hindi niya talaga nakalimutan na laitin ang mga Student Council members.

Ngumiti si Shella. Iba ang dating no'n kay Eyz, natakot siya— hindi 'yung takot na baka may hindi magandang gawin si Shella. Ang naramdaman niyang takot ay takot na baka baliw na 'tong kasama niya. Edi siya pa ang nagulo. Parang baliw naman kasi si Shella sa uri nang pagngiti niya, parang gusto na tuloy siyang dalhin ni Eyz sa mental. "Kailangan e, at saka paghahanda niyo na rin 'yan nang kasama mo." At sumulyap siya sa kinaroroonan ni Watch. Umalis na rin si Shella matapos ang pag-uusap na 'yon.

Paghahanda your face, baka gusto mong kabaong mo ang ihanda ko. Saad ni Eyz sa isip habang masama ang tingin kay Shella na paunti-unting nawawala sa paningin niya. Baliw na talaga si Shella sa paningin niya, siguro kailangan niya nang sabihin 'yon sa Headmistress, baka makasakit pa si Shella kapag nagtagal siya dito. At baka masaktan niya lang din si Shella kapag nainis siya sa mga sinasabi nito.

Hindi niya alam pero unang kita niya pa lang kay Shella ay naiinis na siya dito sa 'di malamang dahilan. Pero wala naman sigurong ibang dahilan 'yon dahil halos lahat nang tao ay kinaiinisan niya.

Tiningnan nang masama ni Eyz si Watch na ngumiti lang at humiga sa kama ni Eyz. Kumakapal na din ang mukha ni Watch, unti-unti nang nawawala ang hiya niya sa katawan. Hindi magandang sign 'yon.

"Hoy, Relo umalis ka na nga dito at baka maabutan ka pa nang maingay na 'yon." Hindi siya pinansin ni Watch na ikinainis niya. Bwisit talaga minsan si Watch sa kaniya, kung hindi lang talaga bawal na pumatay ay pinatay niya na ito.

Umalis mula sa pagkakaupo sa sofa si Eyz at umupo sa kama. Sinipa niya si Watch hanggang sa mahulog ito, hindi niya na pinansin ang pag-angal nito dahil masakit daw ang pagkakahulog niya. Humiga siya at pumikit.

"Hoy Relo, matutulog ako. Umalis ka na lang kung kailan mo gusto." At natulog na siya.

Si Watch naman bilang isang 'tagahanga' ni Eyz ay umupo sa sahig at nangalumbaba, nakatitig lang siya kay Eyz habang parang tangang nakangiti. At oo, crush niya si Eyz kaya naman sunod siya ng sunod dito. Hindi naman siya mag-aaksaya nang oras sa pagsunod, at hindi niya rin hahayaan na laitin siya lagi ni Eyz kung hindi niya ito crush.

"Ang ganda talaga ni Eyz." Mahinang bulong niya habang parang tangang nakangiti na naman. Hinawi niya ang buhok na nakaharang sa mukha ni Eyz at tumayo. Nakontento na siya sa pagtitig niya dito. Hinalikan niya ang nuo ni Eyz at bumulong. "Bye Eyz, see you. Sweet dreams." At umalis na siya.