Eirlo University [COMPLETED]

Kill #19

"Two more mistakes and you're all dead. You will root inside the house, with no food and water. And one of the catcher will come and kill all of you."

Natahimik silang lahat, and once again ay nagsisi sila kung bakit mas pinili pa nila na pumasok sa bahay. Hindi nga sila namatay sa labas nang bahay, baka sa loob naman sila mamatay.

"Enjoy your stay."

Kalahating oras din silang tahimik, kahit ang maingay na si Lixon ay walang masabi. Hindi nila alam kung kaya ba nilang i-enjoy ang pag-stay nila sa bahay. Sino ba naman kasi ang makakapag-enjoy kung alam mo na bukas ay maaari kang mamatay dahil sa maling sagot.

"Bakit hindi na lang kaya natin hanapin ang kwintas? Malay niyo ay nandito 'yon." Suhestiyon ni Watch na sinang-ayunan nilang lahat. Tumayo sila at unang naghanap sa mga drawer, nang walang makita ay sunod silang naghanap sa mga kwarto.

Habang abala ang grupo ni Eyz sa paghahanap…

Si Kevin naman at ang kaniyang apat na ka-grupo— apat lang talaga dahil 'yon ang gusto niya. Bahagi din kasi nang privileged nila ang pumili kung ilan ang magiging ka-grupo nila. Dalawang beses na din kasi silang nakakaligtas sa Death Game. Hindi nila matatawag na swerte 'yon dahil talaga namang pinaghirapan nila ang mga ginawa nila para makaligtas, hindi nila ito iniasa sa swerte.

Dahil kung sa swerte lang si kakapit, walang mangyayari sa kanila at baka hindi na sila tumagal pa nang dalawang taon.

Seryosong nakatingin lang sa dinadaanan nila si Kevin, hindi pa rin mawala sa isip niya ang pang-aasar sa kaniya ni Eyz.

"Kevin, alam mo ba kung sino ang ka-grupo ni Israfel?" Basag ni Kyrie sa katahimikan na naghahari sa kanila. May hawak itong maliit na bola na patuloy nitong ibinabato at sasaluhin.

"Panigurado naman na mag-isa na naman ang isang 'yon, just like for the past two years." Sagot ni Emira kay Kyrie sa maldita nitong tono. Hindi naman ito ang tinatanong pero siya ang sumagot, alam niya naman kasi na hindi din sasagutin ni Kevin ang tanong ni Kyrie dahil badtrip ito.

"Right. Bakit pa ba ako nagtatanong?" Napakamot sa batok niya si Kyrie. Na-realize na wala din namang silbi ang itinanong niya.

Tama naman kasi si Emira, sa dalawang taon na nakalipas ay wala silang nabalitaan na may naging ka-grupo si Israfel, palagi na lamang itong nag-iisa. Himala nga at nakatagal pa ito nang dalawang taon.
Nang tinanong naman nila ang Headmistress tungkol sa pagiging solo ni Israfel ay wala itong ibinigay na sagot sa kanila.

Wala na daw silang pakialam do'n at hindi na daw nila dapat pa itong problemahin. Curious sila dahil do'n, pero hindi na sila nagsiyasat pa. Dahil ayon nga sa kasabihan ay 'Curiosity kills the cat' at hindi nila gustong mapahamak dahil lang sa curiosity na naramdaman.

At isa pa ay madami din silang dapat na problemahin at hindi kasama do'n si Israfel. Alam naman ni Kevin na bilang isang Student Council President ay responsibilidad niya ang mga kamag-aral, pero wala naman sila sa normal na paaralan na mga academics at activity ang pinagtutuunan nang pansin.

Hindi niya din ginusto ang maging President dahil sakit lang 'yon sa ulo, napilit lang talaga siya nang Headmistress.

"Anong gagawin natin ngayon? It's to early to do the quest." Naiiritang tanong ni Angelica sa mga kasama.

"Maybe we can find a house to stay?" Suhestiyon ni Asura.

"Good idea." Simpleng sagot ni Kevin.

Sumang-ayon din ang tatlo kaya naman nagsimula na silang maghanap nang matutuluyan.

"But… The questions." Nag-aalangan na saad ni Emira. Naalala niya kasi na bago sila makapasok sa isa sa mga bahay ay kailangan nilang sumagot sa mga tanong nito.