Jo Gham Tha Woh Sham Ki Barish Mein Beh Gaya

Zaalim Dunya

Zimal ki anatomy ki class khatam hochuki thi Woh ab Daneen kesath class Ke Bahar jarahi thi

"Zimal Nisha ki family kesi hai ab aur tumhari khala ki tabiyat kesi hai" Daneen ne phoocha

"Khala bas ab waisi nahi Rahi ammo Jati rehti hain unke pas Lekin unki tabiyat theek nahi rehti Khaloo Toh bilkul hi chup se hogaye hain Sab bas sabar hi kar rahay hain Daneen aur Sabse zyada Toh mein...." Zimal boltay boltya ruk Gayi

"Waqt sab se Bara marham Hota Hai Zimal mujhay Toh aj Tak yaqeen nahi araha Ke Nisha hamaray darmyan nahi Hai"

"Han Lekin uske katil Abhi Tak Sar e Aam ghoom rahay hain Mein Nisha Ke katilon ko Kabhi nahi choroongi"

"Kya Matlab? Tum janti ho Ke murderer Kon Hai"

"Han mein janti Hoon Woh darinda Woh janwar who khabees insan Ghaziyan Wali"Zimal Ke chehray par ghussa tha uski ankhon mein ansoo Aur surkhi thi

Issi waqt Zimal Ke phone par notification Aya usne dekha Toh Woh kisi ka message tha

"Mrs Zayan Ali Khan Aj dopeher 4:00 bajay iss location par pohonch jayega agar ap Janna chahti Hai Ke Nisha Kay katil apko kahan milein ge aur koyi hoshyari nahi mujhay sırf apse milna hai"

Zimal ko apna sans bilkul rukta hua mehsoos hua pareshani uske chehray par numayan thi Akhir Kon tha Jo uske Nikkah Ke baray mein Janta tha Daneen usse Dekh Kar hairan thi

"Kiska message tha Zimal Kya hua"

"Kuch nahi kisi ka nahi hmm Daneen mein ab chalti Hoon mujhay Ek zaroori Kam Hai" Zimal apni watch ko Dekh Kar boli Aur Apna bag tezi se uthaya Woh tez qadmon se janay lagi.

************************************

Woh ek tareek sa kamra tha jis mein halki halki si light band khirkiyon se bhi arahi thi Woh shakhs blue three piece suit mein malboos tha Woh Ek shandar personality ka Malik tha Woh hath mein cigarette liye kisi gehri Soch mein tha jab darwazy par knock hua

"Yes come in"

"Wali sir apka Kam hochuka Hai" Ek darmyani Umar ka Admi bola Woh ghaliban uska PA tha

"Kardiya message Mrs.Zayan ko?" Ghaziyan Wali ne apni bhari Magar dilkash awaz mein phoocha

"G sir"

"Hmm good job you may leave now"

"Ok sir"

"Nahi ruko Ek Kam karo uska shohar usko Har hal mein dhoond nikalay Ga tum aisa karo iss AC Zayan ka dhiyan batanay keliye usse ajke din kisi Aur case mein involve karao" Woh sanjeeda lehjay mein bola

"Sir Woh Toh theek Hai but aisa kya Karoon Ke unka dhiyan Kahin Aur lag jaye"

"Tum Ghaziyan Wali Ke right hand ho mujhse Kuch Toh seekha Hoga" Woh Ek halki muskurahat kesath bola Aur cigarette ko ash tray mein phenk Diya

"Sir apke jitni danishmandi Toh nahi Hai Mujh mein ap Toh MasterMind hain"

Wali ne zor se kehkaha lagaya Aur Phir Kaha
"Yeh Toh Hai , Khair kisi public area par hamla karwao Kuch aisa karo Ke AC sahab aglay Ek haftay Tak busy rahein"

************************************

Zayan kisi construction site par supervision keliye Aya tha Woh iss site Ke owner se meeting karne Ke bad Gari ki taraf barh raha tha Ke usse Dada Jan ki call ayi

"G Dada Jan"

"Zayan beta Zimal tumharay sath Hai Kya? Usse mere pas kab laoge beta" Dada Jan apni naram awaz mein bolne lagay