Zayan apnay office mein betha hua tha usske hath mein Kuch files thi jinhein Woh Dekh Raha tha Magar uska dihan unki taraf nahi tha , Woh Kuch Aur Soch Raha tha , Woh aj subah ki baton ko Soch Raha tha, usne Zimal Ke lehjay mein Ek dard mehsoos Kiya tha , Woh Janta tha Ke usne Zimal ko apnay parents Ke samnay Ek Mushkil position mein Lakar khara kardiya tha , ussne aj hi Shahana begum Aur Dada Jan se bat karnay ka socha Ke Woh Zimal Ke Ghar jayein.
Zayan ne apna phone table par se uthaya Aur Zimal ko text Kiya
"I'll sort out everything very soon"
************************************
Zimal ne neend ki goli Khali thi Aur ab gehri neend mein jachuki thi.
Woh aisay hi thi jab bhi Bahar ki Duniya Ke shor se tang ajati Toh Apnay Andar ki khamsohi mein hi sakoon dhoondti.
Sham ka waqt hochuka tha Aur Woh ab bhi sorahi thi ussay halka fever bhi tha Magar Kon tha Jo uss ka hal phoochnay ata , poori Duniya hi Toh uss se naraz thi , issliye Woh Issi Tarah Dunya se bekhabar Soyi hui thi.
************************************
Shah Sahab Kuch der pehle Office se aye Thay Aur Naila ab unhein Chaye derahi thi , jab Shah Sahab mukhatib huay.
"Kya hua Hai itni khamoshi kiun hai Ghar pe , Zimal sorahi Hai Kya?"
"G Woh sorahi hain"
Naila Begum ne chai ka cup table par rakhtay huay Kaha
"Mujhay apko Kuch batana Hai"
İtnay mein bell hui Aur Sardar ne darwaza khola Aur Kuch der bad Andar Aya
"Sahab , koyi log hain Bahar keh rahay hain Ahmad Shah Sahab se milna hai"
"Kon log" Ahmad Shah ne phoocha
"Mein Andar le aon?" Sardar ne phoocha
"Living room mein bithao mein ata Hun"
************************************
Munawwar Sahab ne living room Ke darwazay se atay huay Ahmad Shah ko dekha Toh unko 21 sal pehlay ki bohat si Batein Yad ayi jab unhon ne Apni hi Poti ka soda Ahmad Shah se Kiya tha Ahmad Shah Ke Ghar 7 Saal se Koyi Khushi nahi ayi thi. Munawwar Sahab Ke Ahmad Shah par bohat ehsanat Thay Ahmad Shah Unke betay ka bohat acha dost tha Lekin 21 sal pehlay Sheheryar Aur Ahmad ki Yeh Dosti bhi Unki waja se kharab hogayi thi, bohat pachtaway Thay Munawwar Sahab ko , bohat ghaltiyan ki thi unhon ne , bohat zindagiyon ko apnay faislon se barbad kiya tha unhon ne.
Ahmad Shah ne samnay bethay insan ko dekha Toh unki ajeeb hi kefiyat hui thi Woh nahi jantay Thay Ke itnay salon bad Yeh insan unkay samnay kesay aya tha , Ahmad Shah Ehsan faramosh nahi Thay Magar Woh inse kisi kisam Ka koyi taluq bhi nahi rakhna chahtay thay.
"Shah , mere bachay pehchana nahi mujhay"
Munawwar Sahab apni shawl ko apnay gird Aur Kar bolay Shahana begum bhi unke sath Sofay par bethi hui thi.
"Baray Baba Aap" Ahmad Shah Ke Dil Mein ajeeb si bechayni thi
"Mujhay laga itnay salon mein mujhay bhool hi gaye hogay" Munawwar Sahab dheemi awaz mein bolay
"Han itnay salon bad bhi ap mujhay Yad Hain Baray Baba"
"Sheheryar Ke janazay par aye Thay na tum , uske bad se tumhein Kabhi dekha hi nahi Shah" Munawwar Sahab khanstay huay bolay unki tabiyat zyada theek nahi thi
"G bas ham sab hi apni zindagiyon mein bohat agay barh chukay Hain" Shah bola
"Tumse aj Ek iltija karnay Aya hoon Shah"
"Kesi iltija?"
"Zimal Ka Nikkah Zawiyar Ali Khan Ke betay Zayan se kara chuka Hun mein Aur mein chahta Hun tum apnay marhoom jigri dost Sheheryar ki khatir hi mere iss faislay ko Izzat do" Munawwar Sahab Ek hi sans mein bolay
YOU ARE READING
Jo Gham Tha Woh Sham Ki Barish Mein Beh Gaya
Romance~ WHERE LOVE FINDS NO END THERE IT RESIDES FOREVER ◇◇◇◇◇◇◇◇◇◇◇◇◇◇◇◇ "Aur mein nahi chahti tum Meri waja se suffer karo I don't want to be the cause of your pain" "What makes you think You are the reason of my pain?" "Ek forced relationship tumhein...
