Magkabilang Mundo (BOOK1)

Kabanata 40

KABANATA 40

PINAGMAMASDAN lamang ni Nikullas ang mahimbing na natutulog na Princesa. Nakahiga ito sa braso niya at nakayakap parin sa kaniya. At, hindi kayang kumawala o umalis man lang ni Nikullas. Gusto na gusto niyang nasa bisig niya si Argara.

Kamukha na kamukha nito si Argon. At, hinahangaan niya si Argara kanina ng nasugatan nito si Brakon kaya ito umalis at naduduwag na kalabanin ang magkapatid. Pinagmamasdan lang niya ang dalaga makipag-laban at katulad noon, hindi niya mapigilan na protektahan ito.

Umangat ang kamay ni Nikullas at hinaplos ng likod ng palad niya ang pisnge ng Princesa. Noon hanggang tingin lang siya dito pero ngayon yakap na niya ito.

Ngumiti si Nikullas. Pero, bumagsak 'yun ng maalala ang batas sa kanilang mundo. Kaya niya bang iwasan ito?

Natataranta na pumikit si Nikullas ng magising ang dalaga. Bakit niya ba ito ginagawa?!

"N-nirhu?"

Naramdaman niya ang pag-hawak ng Princesa sa pisnge niya at pababa sa labi ni Nikullas. Hindi alam ni Nikullas kung pipigilan niya ito o magpapanggap na tulog.

"S-salamat sa lahat, N-nirhu. Sa pag-ligtas sa akin at sa pag-alaga." Bulong ng Princesa sa kaniya.

"Ayoko lang 'yung tinatalikuran ako. Nagalit ako at hindi mo sinukuan ang ugali ko katulad ni Kuya. P-pero, ayoko na mapahamak ka. Nykirania ka at Dreamaniya ako. Sana maayos ang pagbabalik mo sa kaharian niyo." Dugtong nito.

Nanigas si Nikullas. Nagwawala ang puso niya ng hinalikan siya sa labi ng Princesa. Anong ibig sabihin ng halik na 'yun?

"Wala akong maisip na iba kaya ito nalang ang maibigay ko sa lahat ng ginawa mo sa akin. Unang halik ko 'yan at kahit hindi mo alam-" Hindi niya ito pinatapos dahil nagmulat siya. Agad na sinapo niya ang pisnge ng dalaga at sinakop ang labi nito. Nanigas lang ito habang magka-lapat ang labi nila sa isat-isa. Pero, hindi siya nito tinulak o sinaktan. Hinayaan siya nitong halikan siya.