Unicode
"မိုးရနံ့သင်းတဲ့ နေ့လေးတစ်နေ့"
စနေနေ့လေး တစ်ရက်မှာတော့ မနက်ကတည်းက မိုးတဖွဲဖွဲကျနေလေသည်။
ပုံမှန်နေ့တွေ မိုးရွာလျှင် ပြဿနာမဟုတ်သော်လည်း သည်လိုနေ့ကြီးရက်ကြီးမှာတော့ ဧည့်သည်များအတွက် စိတ်ပူရပြန်သည်။
ဘူဆန်မြို့၏ ခန်းမတစ်ခု၌ မင်္ဂလာပွဲလေးတစ်ခုကျင်းပကြတော့မည်။
ရာသီဥတုမှာ အေးစိမ့်စိမ့်ဖြစ်နေသည့်တိုင် ခန်းမထဲမဝင်ခင် ပြင်ဆင်နေသော သတို့သားငယ်၏ လက်ဖဝါးလေးတွေမှာ ချွေးစို့နေလေသည်။ နှုတ်ခမ်းငယ်ထက်က အပြုံးနုနုလေးနှင့်တင် ထိုသတို့သားငယ်လေး မည်မျှပျော်နေမှန်း ပေါ်လွင်နေ၏။
"ဂျီမင်း . . ငါအဆင်ပြေရဲ့လား"
ကိုယ်လုံးပေါ်မှန်ရှေ့ ဟိုလှည့်သည်လှည့်လုပ်ရင်း အနှီသတို့သားငယ်က သူ့ သူငယ်ချင်းအား စကားလှမ်းဆိုလေသည်။
"ကမ္ဘာပေါ်မှာ ရုပ်အဆိုးဆုံးပဲ
ကိုကို့ကို ပေးရမှာတောင် နှမြောတယ်"
ဘေးက စားပွဲခုံပေါ် လက်ထောက်ရင်း ပျင်းရိပျင်းတွဲဖြင့် ဂျီမင်းကဆိုသည်။
"ယား . . ပတ်ဂျီမင်း"
နီရဲတတ်လာသော မျက်နှာလေးနှင့်အတူ သတို့သားငယ်ဟာ လက်ထဲက ပန်းစည်းနှင့်ပစ်ပေါက်ဟန်ပြင်တော့။
"ဟိုး . . ဟိုး . . စိတ်လျော့ပါ ဟိုဆော့ရယ်
စနေတာသိရဲ့သားနဲ့ ပန်းစည်းလေးတော့ ဘေးချထားလိုက် ကိုကို ကိုယ်တိုင်ရွေးပြီး သွားဝယ်လာတာလေး ပျက်စီးသွားရင် ငါ အလုပ်ခံရမှာ"
"သိရင်ပြီးရော . . ဟွန့်"
ဟိုဆော့က စိတ်ကောက်သလိုနှုတ်ခမ်းလေးကို ဆူပြီး မှန်ရှေ့မျက်နှာမူလိုက်တော့ ဂျီမင်းက ချော့သည့်အနေနှင့် အနောက်မှနေ သိုင်းဖက်လိုက်သည်။
"ငါ့သူငယ်ချင်းက ကမ္ဘာပေါ်မှာ အချောဆုံး အလှဆုံး သတို့သားပါနော် . . ကိုကို့ကို သေချာစောင့်ရှောက်ပေးနော်"
YOU ARE READING
PETRICHOR || VMIN
Fanfictionမိုးရေနဲ့မြေပြင် ပနံသင့်စွာပေါင်းဖက်ပြီး ဖြစ်ပေါ်လာတဲ့ Petrichor. ကိုယ်မြတ်နိုးရတဲ့ Petrichor. မင်းဟာ ကိုယ့်ရဲ့ Petrichor. vmin fanfic Art by Min Thu Zawgyi+Unicode Started~ 6.9.2020 Finished~23.10.2020
