Unicode
"Petrichor"
"ဒါဘာလုပ်တာလဲပြော"
လမ်းပေါ် တရှုံ့ရှုံ့ငိုနေသည့် ကောင်လေးအား ကားပေါ်ဆွဲခေါ်ပြီး မောင်းထွက်ခဲ့သည်ကြောင့် ဆူဆူအောင့်အောင့်နှင့် ထယ်ယောင်းကို ရန်တွေ့နေပြန်သည်။
"ဂျီမင်းလေးကို ခိုးပြေးလာတာပေါ့"
"ဟင် . . ဟိုမှာမင်္ဂလာပွဲက တန်းလန်းကြီးလေ ပြန်လှည့် ပြန်လှည့် အခုပြန်လှည့်"
နှာသီးထိပ်လေးတွေအပြင် မို့မို့ဖောင်းဖောင်းပါးနှစ်ဖက်ပါ ရဲရဲနီနေသော ကလေးငယ်အား ထယ်ယောင်း ဆက်ပြီး မစရက်တော့ပေ။ သို့သည့်တိုင် သူ အမှန်သာဆိုနေခြင်းပင်။ သူကလေးကို ခိုးပြေးလာတာ။
"ကိုယ် နမ်ဂျွန့်က်ို မနေ့ညကတည်းက ဖုန်းဆက်ထားတယ် ကလေးကို ဒီနေ့ခိုးပြေးမှာပါလို့"
"ဟွန့် . .အဲ့တော့ ယောက်ဖနဲ့ ပေါင်းကြံတာပေါ့"
စိတ်ကောက်သွားသလို နှုတ်ခမ်းငယ်ကို သိသိသာသာ ဆူထော်ထားပြီး ထယ်ယောင်းနှင့် ဆန့်ကျင်ဘက်ကို မျက်နှာမူသွားသည့် Petrichorငယ်။
ထိုကလေးလေးက ဘယ်လောက်တောင် အသည်းယားဖွယ် ကောင်းလိုက်လေလဲ။
ကားမှန်ကို အနည်းငယ်ဟထားသည်ကြောင့် မိုးစက်တချို့နှင့် လေအေးအေးတို့က ဂျီမင်းမျက်နှာပေါ် ဖြတ်တိုက်နေ၏။
"အအေးမိမယ် ကလေးရဲ့"
စောစောကလည်း မိုးရွာထဲ သည်အတိုင်း ရပ်နေခဲ့သည်မို့ ကလေးပေါက်စ အအေးမမိစေရန် ကားမှန်ကိုပြန်တင်လိုက်ရသည်။
စနေနေ့လေး၏ နက်ပြာရောင်ကောင်းကင်ပြင်အောက် လမ်းမပေါ်က ကားငယ်လေးဟာ Petrichorငယ်လေး၏ ခိုနားရာဆီသို့။
မိုးဖွဲလေးများကတော့ သူတို့နှစ်ဦး၏ အချစ်သက်သေ သို့တည်းမဟုတ် ဆုလာဒ်ပေါ့။
မှောင်ရိပ်သန်းလာသည်နှင့်အမျှ မိုးမှာ ပိုပိုသဲလာလေသည်။ တောင်ပတ်လမ်းပေါ်က ကားငယ်လေးဟာ ချစ်သူနှစ်ဦးအား ထမ်းပိုးလို့ ဆက်လက်မောင်းနှင်စဲ။
YOU ARE READING
PETRICHOR || VMIN
Fanfictionမိုးရေနဲ့မြေပြင် ပနံသင့်စွာပေါင်းဖက်ပြီး ဖြစ်ပေါ်လာတဲ့ Petrichor. ကိုယ်မြတ်နိုးရတဲ့ Petrichor. မင်းဟာ ကိုယ့်ရဲ့ Petrichor. vmin fanfic Art by Min Thu Zawgyi+Unicode Started~ 6.9.2020 Finished~23.10.2020
