ကျွန်တော် အံသြတကြီးနဲ့ Baekhyun ကို ကြည့်မိတယ်...
သူက ကျားတစ်ကောင်လို ရဲရင့်လွန်းတယ်... သူ့ရဲ့ ဆုံးဖြတ်ချက်တစ်ခုအတွက်လည်း ဘယ်တော့မှ နောင်တမရဘူးဆိုတဲ့ သူမျိုး...
ဆုံးဖြတ်ပြီးရင်လည်း ဘယ်တော့မှ နောက်ပြန်မဆုတ်မယ့် သူပေါ့... ကျွန်တော် မတ်တတ်ရပ်လိုက်ပြီး..." ကျွန်တော်က မဆီမဆိုင် ထပြောရတော့မှာဖြစ်တာကြောင့် အားလုံးကို ကြိုတင်တောင်းပန်အပ်ပါတယ်... မင်းကြီး, မယ်မယ်, Sehun မှာ တစ်ဖက်သတ်ချစ်နေတဲ့သူ ရှိပြီးသားပါ... သူ Baekhyun ကို လက်ထပ်လို့ ဖြစ်မယ် မထင်ဘူး... လက်ထပ်ဖြစ်ရင်တောင် သူ့နှလုံးသားက အခြားသူဆီမှာပဲ ဖြစ်နေမှာ... "
မင်းကြီးရော မယ်မယ်ရော အံအားသင့်သွားကြတယ်... မင်းကြီးက မယ်မယ့်ရဲ့လက်ကို ဆုပ်ကိုင်ထားရင်း...
" Myeon လေး, Xing တို့ Hun လေးနဲ့ Baek ကို အသုံးချမိပြီလား? "
မယ်မယ်က သူ့နဖူးသူ လက်ဖဝါးနဲ့ အသာအုပ်ထားရင်း သက်ပြင်းချတယ်... အလို...ကျွန်တော် အမှိုက်လုပ်မိသွားပြီလား?ဒါပေမယ့် Baekhyun ဘက်က တည်တည်ငြိမ်ငြိမ်နဲ့ ပြောရှာတယ်...
" မင်းကြီး နဲ့ မယ်မယ်ရှင့်, Baek က သူ့ကြင်ယာတော် ဖြစ်ရင်ရပါပြီ... သူ့ရဲ့ တစ်ဦးတည်းသော ဖြစ်ရမယ် မဆိုပါဘူး... Baek သူ့ကို နားလည်နိုင်ပါတယ်... သူလည်း Baek ကို နားလည်မယ်လို့ ထင်တယ်... သူ ချစ်တဲ့သူကိုပဲ ပထမကြင်ယာတော်ဘွဲ့ပေးလိုက်ပါ... Baek ဒုတိယနေရာမှာပဲ ကျေနပ်ပါ့မယ်... မင်းကြီး, မယ်မယ်နဲ့ အိမ်ရှေ့စံကြင်ယာတော်ရှင့်, Baek လေ ခရီးပန်းလာလို့ နားလို့ ရမလားဟင်? "
မယ်မယ်က ဟုတ်သားပဲဆိုတဲ့ သဘောနဲ့ Baek ကို...
" လာ... မယ်မယ်က Baek ကို ဧည့်သည်ဆောင်ထိ လိုက်ပို့ပေးမှာပေါ့... "
မယ်မယ်နဲ့ Baekhyun တော့ ထွက်သွားပြီ...ကျွန်တော်ရယ် မင်းကြီးရယ်ပဲ ကျန်ခဲ့တယ်...
" Yeol လေး, သားရော? Fan လေးနဲ့ လက်မထပ်ခင် သားမှာ တစ်ဖက်သတ် ချစ်ခဲ့ရတဲ့သူများ ရှိခဲ့သလား? "
ကျွန်တော် ပြုံးလိုက်ပြီး ခေါင်းခါပြမိတယ်...
" မရှိပါဘူး, မင်းကြီး... "
![](https://img.wattpad.com/cover/109607987-288-k285666.jpg)
YOU ARE READING
A Betrothal
Fanfiction(Complete) About a boy who has to marry the Crown-Prince of Joseon, according to the direction laid down by a guardian spirit