حكاية شجن

١

-بتحكي
اسمي شجن خالد عمري عشرين سنة ايوة يادوب دخلت العشرين امبارح!بس والله حاسة نفسي اكبر من عمري بي مراحل ..لمن كنت صغيرة كنت بقول لمن اكبر حقرا في جامعة حلوة و حيكون عندي صحبات كتار بس دا كلو م حصل ليه؟عشان ابو م قدر المسؤولية خلا اولادو و مرتو و اختفا !و بتو المفروض حسا بتقرا و شايفة حياتا و عايشاها زي م كانت راسماها شايلة هم اكبر منها و شايلا امها و اخوها !بس في كل يوم بصحا فيه بحمد ربنا على امي و اخوي سندي !كلي م اكون تعبت و زهجت من الحياة دي بعاين ليهم و بدوني دافع اني اقوم و اشتغل تاني و احاول عشانهم عشان اقدر احقق حلمي في علي اخوي اقريه جامعة و يتخرج و يشتغل و م يكون اقلا من زول و امي اعالجها و اشتري ليها البيت النفسها فيه و اقوم ليها المحل الكانت دايما بتحلم بيه شوفتهم مبسوطين عندي بلدنيا و بسهولة التعب البتعبو كلو بروح و بقدر اخت راسي في مخدتي و انا ضميري مرتاح ..حكايتي مالوفة شديد لكن ليه م احكيها و اعيشكم تفاصيلا؟
-كسرة.
اوصل ليكم شكلي عشان تقدرو تتخيلوني !قصيرة!م شديد لكن ضعيفة بس جسمي مظبوط شعري يعني م طويل شديد اسود دايما كيرلي من عند الله حواجبيني مقوصين عيوني كبار نخرتي حادة و خشمي يعني م صغير و م كبير لوني مايل على قمحي .
{نرجع تاني)}
صحيت زي كلي يوم الصباح صاحية و شايلة همومي معاي بفكر في امي بفكر في مصاريف مدرسة علي بجد كانت في  مليون حاجة فراسي  المهم قمت و لبست هدومي و مشيت جهزت الاكل لي امي.
حياة(امي):شجن تعالي حبيبتي قبل م تطلعي دايرة اتكلم معاكي في موضوع.
شجن:خير في شنو
حياة:عايني ي بتي خليني اشتغل عشان اساعدك في مصاريف البيت و مصاريف علي انشاءالله بس اطلع حق الاكل يعني ي بتي م ممكن يكون كلو عليكي
شجن:عايني ي امي نحن اتكلمنا في الموضوع د م حتشتغلي. و انتو لو ناقصكم شي  انا ممكن اشتغل شغل تاني فوق شغلي د.
حياة:لا ي شجن نحنا م ناقصنا شي بس دايرة اساعد.
شجن:(حضنتها) :م تشيلي الهم طالما م انا هنا معاكم و سطكم❤️. وخلي   خلي الدرامات دي 😂انا حتاخر ..خلي بالك من نفسك و حزرتك اوعك تطلعي. باي
بستها في راسا و بقيت مارقة
بس طلعت لبست عبايتي و طرحتي لاقاني المأجرين منو البيت د كمان الكان ناقصني.
محمد(حق البيت):قايلاني ناسيكم😏
شجن"د الناقص" :عارفاك م ناسينا لكن احلف ليك بي شنو وحياة كتاب الله د انا م عندي ولا فلس بس انتظر اسبوعين و قروشك بتكون جاهزة.
محمد:انا جيتك الشهر الفات و قلتي لي نفس كلامك و م اديتني القروش و حسا دخلنا في الشهر الجديد كدا بقو حق شهرين و انتي عرفاني منزل ليكم الأسعار عشان عارف ظروفكم و فوق د م قاعدين تدفعو في الوقت ليك اسبوعين بس والله لو م دفعتي بعدا تشيلو حاجاتكم تطلعو برا البيت
شجن:حدفع ي محمد بس عليك الله م تجيب سيرة لي امي او اخوي عليك الله.
محمد:انا اقول ليهم ليه اساسا بس ياهو انا كلمتك اسبوعين بس لو م دفعتي خلاص.
بقيت بتكلم مع نفسي..انا عملت شنو في الدنيا دي عشان احصل لي كدا انا تعبت بجد الله يجازيك ي ابوي م عافية ليك نهائي خالي طفلة اربعة سنين و ولد يادوب في بطن امو  م بتخاف ربك م فكرت في امي؟ م فكرت فينا حنعيش كيف؟ م فكرت حناكل من وين؟ و انا ببكي و ماشى على المدرسة(يشتغل في البوفي حق المدرسة) ولا حاسة زاتو قطعت المسافات دي كلها كيف وصلت و دخلت البوفي و بقيت بس قاعدة بفكر في الدنيا ألم معروف موديانا وين دي....
اريج:هي هي سرحانا وين كمان. 😂
شجن:هي انتي جيتي متين😂
اريج:واقفة هنا لي ساعة😒
شجن:والله ولا حاسة بيكي
اريج:مالك الليلة م عاجباني؟ ☹️
شجن:بفكر في حياتي دي ياخ
اريج:اجي ي البفكر في حياتي يبت مالك،
شجن:المأجرين منو البيت داير مني ستة الف
اريج:ستتةةة الف😱
شجن:اي و قال لو م دفعنا حيمرقنا من البيت.
اريج:عايني انا معاي الف جنيه كنت محوشاها شيليها و رجعيها لي على راحتك لمن اكون عندك قروش. ♥️
شجن:يبت انتي غبية؟ م دايراها ختيها عندك انا بتصرف.
اريج:اسمعي يبت هوي 😂م دايرة كلام كتير و قلة أدب شيليها انتي محتاجه ليها اكتر مني
شجن:لكن..
اريج:لكن شنو 🙄
شجن(حضنتها شديييد علي و بقيت ببكي):والله من غيرك م عارفة كنت حعمل شنو 😭😭😭😭انا بجد بحبك.
اربج:عان البت دي كمان😂
شجن بجد انا بحبك😭
اريج:هي لو م حبيتيني حتحبي منو مثلا🤔😂
شجن:هوي ولا بحبك ولا شي م تصدقي😂
-كسرة
اريج صحبتي شديد و زميلتي في الشغل قصارية كدا ضعيفة😂شعرها قصير و ناعم وشها قدر كف ايدي😂عيونا كبار و مكحلة طبيعي😍
عدا الوقت و زمن الدوام انتها شلت شنطتي و مشيت على بيتنا دخلت البيت لقيت امي سرحانة كدا و شايلة هم  مشيت قعدت جمبها :امي
حياة:هي انتي جيتي 😅
شجن قاعدة هنا لي عشرة دقايق.
حياة:والله ولا حاسة بيكي.
شجن:مالك ي امي
حياة:اجي مالي كمان
شجن:سرحانة كدا و مهمومة
خياة:بفكر في علي
شجن مالو علي؟؟، عيان؟
حياة:لا لا لا جاتني رسالة من المدرسة  و قالو انو في الف و نص م دفعناها
شجن:بكرة بمشي بدفعا م موضوع م تقعدي تفكري و تشيلي الهم
حياة:من وين حتجيبيها انا قلت ليكي احسن يبتي اشتغل معاك
شجن:انا عندي ي امي عندي قروش محوشاها و حدفعا
بس قمت و بست راسا و مشت كدا قامت قلت لي:و الستة الف حقت الاجار؟
قبلت عاينت ليها :كيف عرفتي؟
حياة:سامعاكم جبيل كنتو بتتكلمو.
شجن:يامي اي شي بتحلا  م تشيلي هم ارح نعمل شي ناكلو.
حياة:دقيقة انا بختو ارتاحي
شجن:لا لا خليكي انا قمت خلاص صحي ي امي وينو علي
علي:سامعكم جابين سيرتي😂
شجن:علي والله مشتاقة ليك شوق
علي:انا منو ألم مشتاق لي😏
شجن:خلي الكلام الكتير انزل جيب لينا عيش
علي:حاضر
فتحت الباب لقيتو معز ود خالي دخل طوالي و بقا يعاين لي البيت بي قرف  مشا خطوطين على امي و عاين ليها و تاني رجع و مشا على الكنبة و قعد قمت عاينت ليه و قلت  عاوز شنو
معز:عاوزك انتي
انا:اظن اتكلمنا في الموضوع د وقلت ليك اني م عاوزاك و مستحيل أرضا بيك
معز:غصبا عنك حعرسك اصلا انا م جاي اخد رأيك! قاعد اكلمك انا
انا:. انت عارف لو ابوك عرف بالبتعملو د حيسوي فيك شنو
معز ما حيعرف الا لو في زول كلمو
انا:اطلع من البيت
معز قرب مني و مسك لي شعري طوالي اديتو كف قام شدة لي شعري شديد و بقا يهمس لي:حتندمي على العملتيه د
طلع و رزع الباب شديد انا عاينت لي امي لقيتا بتبكي
مشيت قعدت جمبها و انا بصلح في شعري  و قلت ليها حسا المبكيك شنو معز د م بقدر يعمل شي ولا حعمل اصلا م تخافي ي امي
لقيت علي واقف بعاين لينا
انا:علي
علي:اي
انا:امشي جيب لينا العيش خلينا نتغدا
-في جانب تاني-
قاعدين كلهم بتغدو في الصفرة
طارق:اها الشغل ماشي كيف
يوسف :والله ي ابوي الحمدالله كلو ماشي كويس
طارق: ماف شغل جديد؟
يوسف:في والله مدرسة عاوزة نعمل ليها الواجهات
طارق:اها و حتشتغلو؟
يوسف:اي طبعا العرض كويس شديد و ديل مدرسة يعني باب علاقات جديد و مجتمع جديد!
جا صوت من بعيد :بتاكلو من غيري
رشا:تعاال ي ولدي اكل تلقي م ماكل شي من الصباح
علا :اجي
يوسف قال بي كل برود:انت وين م قاعد تجي الشغل؟
احمد:م انت الكبير و عامل فيها البوس م بتقدر تشتغل من غيري يعني؟
يوسف :انت لو شايف انك م بتقدر على الشغل د طوالي اكتب باقي الشركة باسمي و م تعطلني اكتر من كدا! و خلي حركات الشفع دي لانو دي مسؤولية يا استاز!
احمد:شايف ي ابوي قاعد يقول في شنو؟
طارق:والله ي أحمد يوسف كلامو منطقي شديد مع انو انا شايف انتو الاتنين بتكملو بعض لكن إذا فضلت تعمل كدا نهائي م حتتقدم و الشركة حتتدهور فإذا انت م مستعد لي المسؤولية دي اكتب باقي الشركة لي يوسف و خليه هو يتصرف و يدبر الأمور من غيرك
احمد طوالي فار و هاج و عيونو محمرة دخل اوضتو و رزع الباب طاخ...
رشا:حرام عليكم البتسوهو في أحمد د!
يوسف:انتي ي امي خربتي احمد بي دلعك د شايف لحدي هنا كفاية
رشا:واللله يعني خلاص؟ جاين تختو اللوم  فيني؟
علا:يوسف كلامو صح انتي مدلعة احمد شديد
رشا:الماشي و الجاي اجي يتزهج و يطلع جنو فيني اصلا اتعودتتت انا اتعودت
علا:ايه العيلة الاوفر دي 🤓
طارق و هو قايم من الصينية قليها اعملي لي شاي و طلعيه لي المكتب فوق 
رشا:انا ماشى بيت ابوي ..نهائي م بقدر اعيش معاكم هنا انا
يوسف كان طول الوقت بارد و تعابير وشو واحدة م بغيرا قام من الصفرة مشا اووضتو
-في جانبي-
لميت الصينية و غسلت العدة و عملت كبايتين شاي احمر لي انا و امي و قعدت اتونس معاها قلت ليها ي امي احنا لي متين حنكون ساكتين على حقنا ي امي و عايشين العيشة دي؟
امي:نعمل شنو ي شجن ااا؟ نعمل شنو نحن بس لو فكرنا و قلنا عاوزين حقنا عارفة معز م حيخلينا في حالنا و حيجرجرنا في المحاكم
انا:مش دا حقك و حق ابوك لي تسكتي عنو ااا؟ نحن طالما بقينا ساكتين لي معز د حيتمادى اكتر... لكن انا نهائي م حسكت ليه و حجيب محامي و نقلع حقنا بيدنا اصلو م حسكت و كان عاوز اقتلني الاقتل
امي:انتي جنيتي ي بت؟ جنيتي؟ نحن حق الاكل يادوب مكفينا عاوزة تجيبي محامي من وين؟
انا:انا م حسكت ي امي انشاءالله اشتغل دوامين في اليوم بس انا حقك و حق ابوك م حخليه اصلا يعني معز حيقدر يعمل شنو بس وريني؟ و الله د في و حيقيف  معاي للنهاية و لا فيوم حيخزلنا خلي ايمانك فربنا قوي ختيت الكباية و انا دموعي خلاص جرت  مشيت رقدت في سريري و دموعي في عيني و بفكر في حالنا و مصاريف علي و قروش دوا ماما و مصاريف الإيجار يعني انا كنت شايلة هم م مفروض تشيلو بت في عمرها د دابي عشرين سنة يعني أقل هم ممكن اشيلو هم قرايتي لكن للأسف الوضع كان غير شديد استغفرت ربي و اتحصنت و نمت عيوني ملانة دموع بعد صحيت شربت كباية شاي و و لبست عبايتي و طرحتي و نزلت تحت لقيت معز واقف بي عربيتو
قلت في سري :اها د عاوز شنو من الصباح؟ م ناقصة هم و قرف
معز:صباح الخير
انا:انت الله لا وراك خير ي رب.. جاي هنا تعمل شنو مم صباح الرحمن
معز:جاي بيتي فيها حاجة؟
انا:بيتك؟
معز:انا م قلت ليكي؟
انا:اتكلم عديل ي ود خلي اللولوة
معز:انا اشتريت البيت الانتو قاعدين فيه
انا:تافه حقير ياخي انت م بتفكر في خالتك؟ ياخي ذي في مقام امك على الاقل فكر فيها
معز:انتي الكان تفكري قبل م تديني كف قلت ليكي حتندمي ي شجن!
انا:عاوز شنو مني ي معز
معز: قلة أدبك و حركاتك دي و تطاولك معاي د خليهو فاهمة و بالواضح كدا لو م وافقت و مشيتي معاي طوالي حرميك انتي و امك في الشارع  يا  تمشي معاي سيدة... ي تعاندي و انا اتلوم معاكم و انتي عارفة م بجي مني خير. يلا مستني منك تلفون
انا:مستحيل ارضى بيك
قبل  و عاين لي و هو ماشي على العربية:فكري فكري
دموعي طوالي جرت م عرفت اعمل شنو حسيت انو الدنيا ضاقت بي شديد و اني بقيت أمام الأمر الواقع ي ارضى بيه  و اريح اهلي ي م ارضى بيه و يرمينا في الشارع بقيت مشوشة م عارفة الحل شنو ولا عارفة ألجأ لي منو بقيت ماشة و انا سرحانة و هموم الدنيا كلا فوق راسي فجأة سمعت صوت بوري شديد قبلت و انا زهجانة و بكورك:م طرشة انا
=لو م طرشة ابقا عميانة 😒
انا:اتكلم معاي باحترام
=لمن تتكلمي انتي اول
قام مشا و قمت كوركت :خسارة الشنب و الدقن فيك  ي باطل😡
قام رجع بعربيتو و قال:قلتي شنو؟
انا:خسارة الشنب و الدقن فيك ي بااطل..... (اتخلع كان قايلني حجر واطي )
=لو اتكلمت معاك و كوركت حكون باطل جد جد.... قام فحط بالعربية.
انا:د كمان الكان ناقصني واصلت على المدرسة و دخلت البوفي جاتا طالبة :اديني شبسي و عصير
انا:هاك جيبي القروش عاوزة عصير شنو
الطالبة:بيبو
انا:هاك الباقي.. ي بت تعالي هاك الباقي 😒
غايتو يعني حرقة روح م طببعععيةةةة و د كلو عشان كم جنيه م بكفوني يوم جات اريج قعدت و قالت لي اجي مالك من الصباح وشك م عاجبني
انا:معز اشترا البيت الاحنا فيه و قال لي اذا م قبلتي بي حرميكم في الشوارع... دموعي طبعا م قصرت طوالي جات نازلة
اريج بي خلعة:شنووووو؟
انا:زي م سمعتي انا ي اريج حاسة ايديني مربطة م عارفة اعمل شنو م عارفة اقول ي منو انا تعبت بجد خلااااص فترت ي اريج
اريج:هي ها م تقولي كدا ي بت الله د كريم و دي كلها ابتلائات من ربنا انتي عليكي تصبري بس و تخلي إيمانك بي ربنا قوي... و يا ستي انا في و مستعدة اساعدك لحدي اخر لحظة انتي بس م تشيلي فقلبك قدر د اي شي بتحلا
و انا خاتة ايدي في وشي و دموعي جارية :انشاءالله.
جا واحد كدا طويل و عريض ظاهر عمرو كدا ما بين ٣٠ و ٣٥ اخدراني  دقنو م كتير و م خفيف مظبوط شعرو خشن و حالقو كلو و يدوب قايم كدا و انفو حاد و عيونو كبار و ناعسات  و لونا عسلي و معضل بس ما شديد لكن مالي مركزو كدا و ريحة العطر فايحة  منو صوتو تخين صافي رجولي مبحوح!
و انا بعاين ليه و متنحة و بقول الزول د شايفاه وين
و هو نفس شي يعاين لي و بحاول اتزكر
نحن الاتنين في نفس الوقت :انت؟... انتي؟؟؟
يتبع..