صحينا كلنا و شربنا الشاي و و كنت ماخدة اجازة يوم واحد بس عشان اقعد مع امي
اريج:واي انا لو كنت لسا في بيتنا كنت مت
علي:ليه
اريج:ماف زول اتونس معاه ياخ الشغل كان عامل لي جو و حسا ماف شغل الا كان اتكلم مع الحيطة
حياة:اها ي بتي حتا هنا عاملة لينا موضوع شجن تمرق من الشغل و انا اقعد براي احسن تقعدي تونسيني زاتو🥺
اريج:شجن كان تمشي الليلة اصلا انا قاعدة معاها..
انا بيني و بين نفسي:معقولة؟ معقولة امي تكون كدا؟ امي الربتني و علمتني احافظ على شرفي تكون كذا؟ بتجري ورا الرجال؟ امي انا؟ و هو منو اصلا و كيف عرفتو و هي م قاعدة تمرق من البيت!
<فلاش باك>
انا:انتي منو هي ؟و جاية طوالي تكوكري كدا احترمي نفسك و شنو جارية ورا الرجال؟
اميرة:انتي بتها صح؟ قولي لي امك خلي رجال الناس في حالوم.. اه ولا انا بتكلم مع منو حتكوني زيها انتي زاتك
انا:اسمعي هنا د ي استازة انا م بسمح ليكي تغلطي على امي ولا غلطة فاهمة الكلام دا ولا لا؟ و سيرة امي دي م تجيبيها في خشمك الزفر د،شنو العالم دي
اميرة:اسمعي هنا ي شجن كلمي امك تبعد من راجلي
انا:خلي راجلك هو الاتلم حببتي و شوفي انتي الناقصك شنو مخليه يبصبص برا
نرجع تاني
بقيت بقول هي بتعرفو من وين؟ و كيف اقدر أواجه امي بي الحاجة دي؟ و كيف حقدر اقيف قدامها و اقول ليها انتي بعتي شرفك ليه! انا في اللحظة دي قعدت ابكي،و انا موجهة نظري على امي قلت لي اريج و و علي ادخلو جوة، دخلو و بقيت مواجهاها قلت ليها:انتي لي عملتي كدا؟ انا كنت مقصرة معاكم في شي؟ في حاجة كنتو محتاجين ليها و م لقيتوها؟ انا قصرت معاكم في شنو ي امي؟ ليه تبيعي شرفك لي الرجال؟ عشان خاطر فلوس؟
وقفت و ادتني كف بي كل قوتها و تفت في وشي:يخس يخس عليكي ي شجن كيف تفكري كدا و من وين جبتي الكلام د؟ حتا لو سمعتي من برا تصدقيه؟ تصدقي اني ممكن اعمل كدا؟
قمت و انا منهارة من البكا و شلت تلفونا و ريتا اخر رقم و كان مسجل بي خالد:خالد د بتعرفي من وين ؟ عارفة مرتو ضربت؟ عارفة انها قالت لي خلي امك تبعد من راجلي؟ ليه تعملي كدا ي امي والله م كنت مقصرة معاكم في شي!
بعد قالت ليها خالد قعدت في الكنبة و اخدت ليها نصة بعدين قالت :د ابوكي جاني امبارح لحدي عندي و قال عاوز اشوفكم و انا أبيت،اكيد مرتو عرفت و جات ضربت لي!
انا لمن قالت ابوكي في اللحظة ديكي الدموع وقفت و دخلت فيني خوفة و احساس م حسيتو قبل كدا قلبي بقا بضرب شديد و قلت ليها:ابوي؟
حياة:خالد
انا:و الجابو شنو؟
حياة:عاوز ابدا معانا حياة جديدة و قال عاوز اشوفكم و انا منعتو.
مشيت عليها و مسحت دموعي وقلت ليها عليك الله اعفي لي ي امي،والله م عارفة انا كيف قدرت أصدق 😭المرة قالت لي شجن و نادتني بي اسمي،عشان كدا شكيت 😭امي معليش اعفي لي
رجعت حضنتني و قالت :حتا انا لو كنت في مكانك حعمل كدا عادي و انتي شايلة هموم كتيرة اكبر منك عادي ي بتي عافية ليكي،م تشيلي في قلبك كتير
انا:ابوي حي؟ يعني ابوي في و قاعد؟ امي الزول د انا م بحبو بكرهوو،كيف قدر يرجع و كانو م حاصل شي؟ 😭كيف؟ كيف م فكر فينا انا و علي
حياة:شجن م تفكري في الموضوع انتها وقلت ليه م تجي تاني هنا و خلاص
انا:عاوزة اقابلو ،لازم اقابلو
حياة:لا م حتقابليه
انا:امي عليك الله لازم تطلع الجواي د كلو م قادرة عاوزة اشوفو .. انا نسيت شكل ابوي م متزكراه!عليك الله يامي انا حاسة انو انا حرتاح لمن اشوفو و م تقلقي م حيعمل لي شي
حياة:حتشوفيه ي شجن لكن ابوك بقدر العب بي الناس و اقنعهم بي حاجات هم مستحيل كانو يعملوها احزري منو الزول د شيطان ي بتي والله العظيم،اوعا يغشك بي كلمتين و تصدقيه الزول دا شيطان اعملي حسابك
انا:اضربي ليه حسا و خليه يقابلني في....... و انا حجيه هناك.
حياة:متأكدة؟ عاوزة تشوفيه؟
انا هزيت ليها راسي و دخلت الأوضة لقيت اريج قاعدة في تلفونا و قلت ليها:حمشي الاقي ابوي
اريج:شننوووو؟
انا:والله العظيم
اريج:ميتن و وين؟
انا:ححكي ليكي لمن ارجع
لبست عبايتي و طرحتي و قبل م اطلع امي قالت لي:اعملي حسابك منو ي شجن
انا:يا امي خلاص فهمنا حياكلني مثلا؟؟؟
مشيت و بقيت ببكي الوقت كلو و انا في الركشة ولمن وقفت في المحل الحيلاقيني فيه و انا من وقتها رجولي بدت ترجف وبقيت بمشي خطوة خطوة ضربت ليه قلت ليه انت وين سمعت صوتو لأول مرة و قلي رافع ايدي.
عاينت ليه و بقيت بتفحصو بي عيوني ظاهر انو راجل كبير لكن ملامحو لسا صغيرة و جميلة في نفس الوقت كان الشيب مالي راسو و دقنو كان بعاين لي بي لهفة و انا م كان في وشي اي تعابير غير الخوف!رجولي ساقتني لحدي هناك كيف م عارفة قعدت و بقيت ساكتة و بعاين ليه قام قلي :تشربي حاجة؟
انا:لا م عاوزة
خالد بي تردد:كبرتي و بقيتي حلوة
انا:بي كل قوة عينجاي تقول كدا؟
خالد:اسمعي ي بتي والله انا عارف نفسي اني غلطان
انا:غلطان؟! غلطان؟ انت م عارف باقي عمري انا عشتو كيف
خالد:والله عارف والله عارف انكم مريتو بأيام كعبة شديد
انا:لو عارف ليه م رجعت من زمان؟جاي بعد م كرهتك؟بعد م عرفت انك خليتنا كدا بدون سبب ؟
خالد سكت قمت قلت:كيف قدرت تمشي و تخليني انا يدوب عمري أربعة سنين؟ معقولة؟ ياخي انت م بتخاف ربك؟ و امي عملت المستحيل عشان تكونو مع بعض لكن انت في النهاية مشيت و خليتا و كلام جدو نهائي م وقع الأرض..
خالد:انا جاي حسا أصلح غلطي ي بتي عليك الله سامحيني.
انا:جاي بعد شنو؟ م فهمت يعني انا من محل لي محل امشي اشتغل شان اجيب ليهم قروش يعيشو بيها و اقدر ادفع قروش مدرسة علي.. ياخي عاين ايدي ايدي من الشغل اتقطعت م فكرت اول م مشيت انك ترجع تصلح غلطك قبل م اكبر و اعرف انو ابوي انسان قزر؟؟
خالد:ي بتي انتو طول عمركم كنتو في بالي لكن انا م كنت عارف اتصرف كيف عليك الله سامحيني انا في آخر عمري انا حاسي اني ..
قعدت ابكي و بقول ليه:صحباتي دايما في المدرسة كانو بقولو بابا جاب لي و بابا سوا لي و بابا سوا و بابا فعل.. انا كنت بقول انا ليه م عندي ابو زيهم و امي زمان كانت بتقول لي هو مسافر عشان م عاوزاني اكرهك و لمن كبرت و دخلت الثانوي وعيت و قالت لي مشا سابنا و طول عمري م سألتها السبب شنو و لمن كبرت حكت لي و طلعت انت واحد تافه م اكتر و انا دي م تعتبرني بتك فاهم ولا لا؟ امي تعبت و شقيت فينا انا و علي هي دي الربتنا...ابعد مننا ي خالد ابعد مننا +مرتك التانية دي خليها تمسك لسانا عليها و تبطل تقل ادبا على امي
خالد:قصدك شنو؟
انا:امشي اسألا بتفهم براك
قمت من الطربيزة قعدني بي كل قوتو و قال:اقعدي اسمعيني و اقعمي م ممكن تمشي كدا بدون م تعرفي الحاصل
انا:من الاخر كدا ي خالد ابعد عننا و امشي لي مرتك و اولادك و شوف حياتك بي وين انا و علي و حياة انسانا و م تخاف م محتاجين لي قروشك!بي شغلي فا شنو طلعنا من راسك دا و اختانا حياتنا بدت تتصلح ي ريت م تجي تخربا لينا ،امي اتعودت على غيابك و انا م متزكرة شي من ماضيك غير انك كنت بتضرب امي و علي اصلا م شافك ولا عارف انك حي فا طلعنا من راسك زح من حياتنا!
زحيت ايدو مني و ركبت الركشة و اتحركت على البيت
-في جانب تاني-
نون:شجن مالا امبارح
يوسف:امها دخلت المستشفى كانت عيانة
نون:واي ي شجن كر علي
سجود :يحليلا لازم نمشي ليها ي جماعة ياخ البت دي والله طيبة و بتدخل القلب توشك
ابراهيم:الليلة بعد ننتهي نمشي ليها
يوسف:اها ماشين كيف في الشغل؟
كلهم عاينو لي بعض :ي يوسف الشغل د كتير لمن عوارة.
يوسف:الاسبوع الجاي الشغل مفروض استلمو فاهمين؟
نون همست لي سجود:عصب عصب😁
يوسف:والله ي نون انا م عارف لحدي حسا انا مستحملك كيف والله حتجيبي لي الجلطة انتي
نون:سمعتني يعني ماشاءالله اضانك خفيفة🤣
سجود ضحكت و قالت:جريئة انتي ي بت🤣
نون:عاد ماف اجرء من شجن 🤣
يوسف :بي المناسبة اعملي لي قهوة و احشي لي معاها اي شي
نون:شجن لو م نزلت الشغل قريب انا بجن
يوسف:انا م شفت اكسل منك ي نون
نون:طيب م سجود قاعدة مالك معاي انت
يوسف طوالي بقا جادي و اتحول وشو من وش مبتسم لي وش جادي مافيه اي تعابير :سوي القهوة و جيبيها
نون:واي ي سجود الود منفسن !نفنس بي انا زاتي يحليل شجن حسا كان اتونست معاها
ابراهيم:سجود ننزل ناكل حاجة؟
سجود:سمعت يوسف قال عاوز الشغل يتسلم الاسبوع الجاي و حسا انا الشغل لي راسي والله
نون حست بي كسرة خاطر م عادية و قالت في نفسها لي هو م حباني انا لي سجود؟ دخلت المطبخ و دموعا مالية عيونا ختت التنكة في النار و بقت منتظرها لحدي م تفور. ابراهيم ج داخل و طوالي مسحت عيونا ختت القهوة في الكباية و دايرة تطلع سريع سريع ابراهيم حسا انو في شي غلط مسكها من يدها و اتلفتت و عاينت ليه و عيونا كانت كلها دموع
ابراهيم اتخلع قليها في شنو 😟
رجعت خطوة لي ورا و مشت على مكتب يوسف و ختت القهوة و م طالع ليها حس يوسف قال بينو و بين نفسو:دي مالا م نقت في راسي ولا اتكلمت.. قليها نون قبل م تطلع اتلفتت و عاينت ليه و شها احمر و عيونا حمرت يوسف اتفاجئ قليها:مالك؟
نون و العبرة خانقاها:ماف شي
يوسف قام من الكرسي و قعدا في الكنبة و قليها زعلتي مني؟
نون:لا لا والله
يوسف:انتي عارفة انو انا بعتبرك زي اختي الصغيرة صاح؟
نون:اي
يوسف:طيب احكي لي مالك
نون بدت تبكي زيادة و م قدرت تحكي يوسف مسح ليها دموعها و رفع ليها راسا و قليها ننزل نقعد في كافيه؟
نون:هزت ليه راسا بمعنى لا
يوسف:اول مرة اشوفك بتبكي والله كنت قايلاك م عندك احساس🤣
نون ضحكت و هي ليا بتبكي و قالت ليه:حيوان
يوسف:م تنداحي و تنسي اني مديرك في الشغل 🌚
قعدت تبكي زيادة
قال ليها بي جدية :مالك؟
عاينت ليه و قالت ليه:م تكلم ابراهيم
طوالي عرفا و ابتسم و قليها:اها
نون:انا بحب ابراهيم و هو بحب سجود انت عارف يعني!و حتا دايما بجي اقول لي اتصرف معاها كيف او اقول ليها شنو و دايما بطلعو مع بعض و هو م بشتغل بي و سجود مخطوبة و بتحب خطيبا شديد و انا د مزعلني اكتر انو قلبو حيتكسر لمن يعترف ليها بحبو، مع انو سجود عارفة ي الله😭اعمل شنو في حياتي دي انا ياخي😭😭😭
يوسف قدر يفهم احساس نون و كيف قلبها مكسور لانو هو مرا بي نفس الحاجة دي و قليها:حببتتي ابراهيم حيتخطى سجود و انا متأكدة من انو انتو يوم من الايامم حتكونو مع بعض
نون:انت م شايف ابراهيم بعاين لي سجود كيف؟ م شايف اللمعة الفي عيونو لمن اعاين ليها؟ او لمن تكون بتتكلم معاه؟م شفت الخوف الفي عيونو لمن يسمع سجود عيانة او م جات الشغل؟ولا لمن تجي تقول ليه صباح الخير بتلفت علي و بقول لي بتحبني !انا في اللحظة دي بموت الف مرة!
يوسف احتواها بي ايدينو و مسح ضهرها و قليها:حتتحلا صدقيني انتي اصبري ليه
نون في اللحظة ديكي حست قدر شنو انو يوسف د حنين و انو الوش المركبو قداموم دي م شخصيتو خالص و حست انها عندها سند و اخو عوضها عن المات في اللحظة دي قشت دموعها و ابتسمت ليه و قالت ليه شكرا ♥️
قليها:عارفة اخوك قبل م يتوفى قلي شنو؟ قلي نون دي امانة في رقبتك و م تخليها زعلانة نهائي و أملي مكانتي قدر م تقدر و م تحسسها بي فراقي و شيلا في عيونك لانو هي م عندها غيري و هي بتعتبرك اخوها التاني
نون:و بجد انت عوضتني عن اخوي طول السنين الفاتت دي ❤️الله يخليك لي ي يوسف❤️
يوسف:م عاوزك تزعلي مني عارف روحي عصبي شوية..
قاطعتو:انا مستحيل في يوم ازعل منك ياخوي❤️
قليها:يلا قولي ليهم يطلعو عشان نمشي لي شجن
نون:طيب لازم نشيل حاجة معانا
يوسف:تمام.. عاين ليها و هي مارقة لحدي م طلعت و مسح دموعو و هو بتزكر في صحبو
قبل 5 سنين
نعمات:احي ي ولدي لسا م عشت شبايك😭😭
يوسف:اهدي ي امي اهدي خليني اشوف الدكتور حيقول شنو
مشا لي الدكتور و قليه :طمني ي دكتور
الدكتور:والله ي يوسف م عارف اقول شنو لكن انتو مفروض تعرفو !،حاليا محمد السرطان قدر يتفشا في جسمو كلو وصل اخر مرحلة خلاص و نحن حسا م حتقدر نعمل شي الا تحصل معجزة بعد كدا
يوسف:نحن مستعدين نعمل اي شي ندفع اي رقم عليكم الله حاولو اعملو شي
الدكتور:نحن حاولنا لكن الدوا بقا م بتجاوب مع الجسم معليش لكن هو في آخر أيامو ربنا يصبركم .
يوسف:طيب نحن حنقععدو في المستشفى لحدي متين؟
الدكتور:شايف انو احسن تودوهو البيت خلاص و اقعد و اتلمو حوالينو م تفارقهو ولا لحظة
يوسف عيونو رغرغت و قال بينو و بين نفسو:حسا اقول لي امي نعمات شنو😭و اقول لي اختو شنو ي رب قومو لينا بي السلامة ي رب اشفي لي اخوي 💔
مشا قعد جمب نعمات و قليها:حيخرجوهو الليلة و حنوديه البيت
نعمات:خلاص ماشى البيت احضر ليه اوضتو انتي ي نون خليكي مع اخوكي
يوسف:تعالي ي نون اقعدي جمبي مسك يدها و قليها اسمعي كلامي كويس
نون:اها
نون:الفترة الجاية دي حتكون أصعب فترة في حياتك و حياة امك و حياتنا كلنا
نون:اخوي مالو ي يوسف😭
يوسف:حاليا محمد وضعو خطر و احتمال ذي تكون اخر ايام معانا
ختت يدها في خشمها و بقت تبكي شديد
يوسف:لا لا اوعك تبكي خليني أتم كلامي ما عاوز امي نعمات تشوفك في الحالة دي خليكي قوية عشان نقويها و نقدر نحن زاتنا نقيف معاها.. ألدكتور قال انو الدوا بقا م بتجاوب مع جسمو و انو المرض اتفشا في جسمو انتي مفروض تكوني عارفة لانو امك م حتتحمل الكلام د
نون:يوسف لو محمد مات انا و امي حنفضل برانا 💔
يوسف:م تجيبي سيرة الموت تفي من خشمك
نون بقت منهارة حضنها عليه شديد و بدا يهدي فيها
بعد نقلو محمد البيت كان يوسف قاعد جمبو و قليه :نون دي أمانة في رقبتك و م تخليها زعلانة نهائي و أملي مكانتي قدر م تقدر و م تحسسها بي فراقي و شيلا في عيونك لانو هي م عندها غيري و هي بتعتبرك اخوها التاني اما امي ي يوسف شيلا فوق راسك لو احتاجت اي شي م طوالي اعملو ليها د وصيتي ليك قبل م اموت
يوسف و الدمعة في عينو:ليه بتجيب سيرة الموت حسا ي محمد؟
محمد:لاني حاسي و زي م بقولو الزول الماشي لي ربو بكون حاسي بي انو يومو قرب و وش ابوي م فارقني من الحلم ي يوسف دايما بجيني في الحلم
يوسف:خلينا من الكلام د حسا ماشي اجيب ليك الاكل و جاي
يوسف نزل اشترا حاجات من السوبر ماركت زي نص ساعة و راجع البيت بي رجلينو لقا باب البيت مفتوح و الناس ملمومين الوقت داك يوسف قلبو اتقبض شديد رما الحاجات الفي يدو و جا داخل لقا نون و نعمات حاضنين بعض ووبييكو و قاعدين في الواطة عاين ليهم و دخل أوضة محمد طوالي لقاه راقد في السرير و لونو بقا شاحب مشا مسك يدو لقاها بردت ختا يدو في السرير
دخلو الرجال و بدو يغسلو فيه و كفنوهو و جابو العنقريب و ودوهو المقابر
-كسرة
أصعب لحظة في الحياة لحظة الموت انك تكون ماشي خلاص تقابل ربنا و لمن يجي ملك الموت يقبض روحك و لحظة كفنك و لحظة يدفنوك و انت تكون سامع خطواتهم و هم ماشين التفكير فيه ساي مرعب عشان كدا الزول يمشي لي ربنا نضيف م عندو شي و أهم شي نمسك في درب ربنا د و نعمل لي اخرتنا لانو هي الحياة التانية الحنعيشا ي اما في النار ي اما في الجنة..
يوسف غمض عينو و فتحا و مسح الدموع الفي عيونو و قدر يطلع من الماضي بي صعوبة...
دخل عليه ابراهيم و قليه:انت م ماشي معانة؟
يوسف:جاي جاي حصلوني تحت
ابراهيم اتلاقى مع نون قال ليها:مالك انتي
نون:مالي؟
ابراهيم:مالك بتبكي كنتي
نون:و انت بهمك شديد؟
ابراهيم:في شنو انتي مالك الايامات دي؟ م مبتستحملي مني كلمة
نون:اجي؟ مافي اي شي
ابراهيم مسك يدها و قليها:لو ضايقتك في كلمة قولي لي ي نون عرفاني م يستحمل زعلك!
نون في للوقت داك قلبها شغال دلوكة و من جوة عاجبا الموضوع قالت ليه:ابدا والله 🌚 و مشت منو
يوسف:اها ي جماعة كل زول اتحرك بي عربيتو عشان من هناك تتحركو علي بيوتكم
نون:الليلة م جيت بي عربيتي
ابراهيم:تعالي اوصلك
نون:لا لا حمشي مع يوسف
يوسف:اركبي طيب
ركبنا و اتحركو قام يوسف قليها:مالك م ركبتي مع حبيب الالب🤣🤣
نون:م عاوزة امشي معاه
يوسف:بالله بقيتي تحبي و بتاع🤣
.نون:يوسف احسن ليك.. عملت شنو مع ليلى
يوسف:احمد و ليلى خطبو
نون:متين الكلام د 😟
يوسف:م علينا انسي المووضوع
نون:طيب نزلني في سوبر ماكرت نشيل ليهم باكيت ببسي
يوسف:تمام
-في جانب تاني-
اما:بي كل عين قوية جاي اقول لي عاوز أصلح غلطو
حياة:قلت ليكي ماف داعي تمشي تحرقي روحك و تجي ي شجن
اريج:اهدي كدي ي شجن و براحة عشان علي م يسمع و تأثر على قرايتو
انا:و ليه م قلتي لي لمن ج البيت ي امي لسا مصر يأذيك!
فجأة جرس الباب دقا
انا:اها د معز متاكدة!
اريج مشت فتحت
يوسف:شجن موجودة؟
اريج:اي اي اتفضلو اقعدو بدخل اناديها ليكم
يوسف:تمام
اريج جرت لي و قالت لي:ناس الشغل جو
انا:نعم؟
اريج:والله العظيم
انا:استني اغير هدومي دي غيرت سريع سريع و رفعت شعري و طلعت ليهم :نورتو 😍
كلهم:بي نورك
نون:جات حضنتني و قالت لي:الليلة عملت القهوة لي يوسف عشان انتي مافي عليك الله انزلي سريع يوسف دا م بقدر استحملو
قعدو يضحكو كلهم و قلت ليهم لي التعب د ياخ
سجود:معقولة بس
ابراهيم :حمدالله على سلامة خالتو م تشوفي شر
انا:تسلم ياخ
يوسف:كيفك ي شجن؟
انا:تمام الحمدالله
امي جات داخلة و حمدلو ليها السلامة و و ضيفناهم
يوسف:علي في؟
انا:اي اناديه ليك؟
يوسف:لا خليه.... حتنزلي الشغل متين
شجن:بكرة انشاءالله
نون:الحمدالله الله حلاني من يوسف
قامو و كدا و طلعو و امي الضحكة من الضرس لي الضرس و قالت ليها :بختك ي بتي البقا عندك صحبات
اريج:قصدك شنو ي امي؟
حياة:انتي اختها عديل هي
اريج:اصلا😎
حباة:عاد مديرك يختو في الجرح يبرا
انا:ولا ببرا ولا شي فقري و متعنطز
حياة:اجي مالك
انا:جنو كواريك و قرف زهجني الشغل والله لو نون كانت ماف م كنت قعدت ولا ثانية
حياة:اوعا يكون يضايقك ي بت ولا حاجة
انا:لا لا بري بس تحسي بيه منفسن ولا عندو انفصام في الشخصية م طبيعي بس
اريج:لكن سمح
انا:انسونا منو حسا النبي
#يتبع
