-في العربية-.
انا:ولو معز عرف؟!.
يوسف:و ما يعف!
انا:و ما يعرفففف؟؟ يوسف هو كان حقتلك بس انت نجيت م عمل كدا عشان اخوفك او تهديد لا كان حقتلك عديل.
يوسف:اها ي شجن حنعمل شنو يعني؟ نسيب بعض عشانو هو؟
انا:م قلت نسيب بعض ي يوسف لكن خايفة عليك من معز طالما انا جمبك انت في خطر
يوسف:ابقا لازم نشوف حل لي معز!
انا:مافي حلول مع معز دا
يوسف:انتي مش قلتي بتاجر في المخدرات؟
انا:ايوة
يوسف:خلاص ابقا نبلغ عنو
انا:انت قايل الموضوع بي الساهل كدا؟ في النهاية هو ودخالتي و م بقدر اسجنو ابوهو حيزعل عليه و صراحة ابوهو د نهائي م كان مقصر معانا بعدين انا قلت ليك انو حاسة م متاكدة و اصلا م عندنا دليل يثبت انو هو بتاجر لا لينا لا لي الحكومة!
يوسف:ودخالتك؟ودخالتك الطلعكم من البيت البضربك؟ ودخالتك الكان حيقتلني انا! و تجي تقولي م حسجنو؟ بعدين لو على الدليل حنلقا و حنخطط
انا:يوسف انا م حبا فيه م عاوزة اسجنو ،صدقني انا الزول د بكرهو اكتر من ابوي لكن ابوهو م حقدر يتسحمل!
يوسف:شوفي انتي م ممكن تقولي لي انا معاك انت في خطر و لمن اكون عاوز ازح الخطر من حياتنا اتقولي لي م بقدر عشان ابوهو طيب عاوزانا نعمل شنو يعني؟
انا:شايفة انو عرسنا د غلط ي يوسف
يوسف وقف العربية و عاين ليها:شنو هو الغلط م فاهمك؟
انا:زي م سامع
يوسف:مش قبل شوية وافقتي اننا نكون مع بعض؟ و انو نكمل حياتنا سوا؟
انا:لكن ضربتها و لقيت انو م ينفع لانو حياتك في خطر
كورك بي اعلى م عندو لمن عروقو ظهرت :شنو هو الخطر خطر خطر؟ د سببك ولا في شي تاني؟
كوركتبي نفس النبرة و عاينت ليه في عيونو:اسباب كتيرة ي يوسف انا م شبهك ولا من نفس الطبقة بتاعة اهلك ،و لا امك بتحبني حنعرس كيف وريني؟
يوسف دور العربية و بقا ساكت وقف قدام العمارة و وقف العربية و عاين قدامو و بكل جدية قال:حسيبك تفكري ي شجن فكري كويس على الاقل فكري فيني انا! كيف حياتي حتكون بدونك انا م حقول ليك انو انا م حقدر انساكي
بعد الجملة دي عاينت ليه و دموعي في عيوني و قال:لكن حياتي م حتكون ليها طعم م حيكون عندي سبب اعيش عشانو !
طلعت من العربية و مسحت دموعي و طلعت الكعب العالي و مسكتو في ايدي و لقيت امي نايمة دخلت رقدت في السرير و لقيت تلفونات كتيرة من نون و منى و جيلان ختيت التلفون بيهنا هم ضربو بي هنا
انا:اها عاوزين شنو
نون:يخس علبك ي شجن م تكلميني بانو يوسف اعترف ليك لكن طلعتي وووسخة
جيلان:انا اختها م كلمتا تكلمك انتي
منى:يوسف كلمني اول وحدة هيهيهيهي
نون:صحي متين كلمك
منى:لمن كان عيان و انتي و شجن مشيتو المطبخ قلي انو عاوزك تحجزي مكان و بتاع
نون:شوف يوسف الكريه م كلمني!
منى:كدي حسا خلونا من كلمني و م كلمني حصل شنو معاك ي شجن
انا:قلي انو عاوزك بي الحلال و بتاع
نون:استنو شجن و يوسف حيعرسو؟ 😂😂😂😂😂😂😂جماعة من اول يوم عرس حيجيبا لي اهلها راجعة
جيلان:ليه ي زولة اختي مالا عيبيها لي
منى:بطلو نقنقا ي خريات انتو خلوها تحكي لينا بي التفصيل.
انا:انا وافقت و اي شي و طلعنا مبسوطين لحدي م ركبنا العربية
منى:ابقا في مشكلة اها كملي كملي اصلا حسيتت
انا:امتوكلكم عارفين الحصل مع يوسف كان بي سببي انا و هو كان حقتلو لكن يوسف نجا منها انا لمن قعدت افكر فيها لقيت انو م ينفع نكون مع بعض نهائيييي انا لو فضلت معاه معز حيجيب اجلو احسن نكون بعاد من بعض بدل م افقدو كلو كلو هو قالي انو حيلقا حل لي معز لكن انا عارفة معز يخواني قلي فكري و كدا
نون:و قولي لي يعني حتفكو؟
منى:شوفي ي شجن انا حقول ليك كلام انا بحبك شديد لانك قدرتي تطلعي يوسف من الاكتئاب العملتو ليه ليلى اختي و خليتيه يحبك لكن م بسمح ليكي تخليه بعد م اتعلق بيكي و بعدا بنختلف جدجد بوسف بحبك فبطلي شغل الافلام و المسلسلات البتعملي فيه دا طالما قليك حيلقا حل معناتا حلقا حل فكري زي م قليكي لانو لو خسرتي يوسف فاعرفي انك خسرتيني معاه... و طق قفلت التلفون
انا:البتدي م بتفهم؟اقول ليهاانا معاه حياتو في خططططرررر!اتفرج عليه و هو بموت يعني؟
نون:عايني ي شجن كدي انتي فكري كويس قبل م تتخذي اي قرار منى دي شافعة م تشتغلي بيها حسا و م تفكري فيها كتير
جيلان:منى منفسنة
انا:جماعة عاينو خلاص معسلامة حسا م قادرة اتكلم و م قادرة افكر م قادرة اعمل اي شي بضرب لبكم بعدين
-في جانب تاني -
بوسف:انت فاهمني؟ كنا كويسين و اي شي جابت سيرة معز قالت لينا خلاص نخلي بعض
ابراهيم:لكن البت فعلا كلاما صاح! و هي خايفة عليك
يوسف:طيب و انا ي ابراهيم انا اعمل شنو انا بحبها! و قلت ليها بلقا حل و بدخلو السجن قالت لي لا ابوهوو و م ابوهو والله بعد مرات بحسها م بتحبني
ابراهيم:لا والله البت بتحبك بس هي خايفة عليك و انت م حتعرف ممكن معز يعمل شنو.. لكن م تسيبا نهائي و حاول اقنعا و كدا و انشائالله الامور بتتسهل
هزا ليه راسو و شال المفتاح ومشا علي البيت
7:00 am
لبست عبايتي و جهزت لي الشغل و طلعت لقيت يوسف طالع من البيت عاين لي و قلي :ارح بوصلك
انا:بمشي براي
يوسف:بطلي عوارة ماشين نفس المحل!
انا:يوسف م مستعدة اتكلم في نفس الموضوع تاني! م نفسي
يوسف:م حنتكلم في حاجة انزلي يلا
هزيت راسي و نزلت قعدت في العربية و بقبنا ساكتين لحدي م وصلنا المكتب رتبت ليه المكتب عملت ليه القهوة و وديتا ليه قلي :اقفلي الباب و تعالي
بوسف:اولا شي حتخلي الشغل
انا:شنو؟ كيف بعني؟
بوسف:زي م سامعة م حخليكي تمسحي و تخدمي فيهم
انا:و انشاءالله حصرف علي امي من وين
يوسف:حديكم مصاريف كل شهر
ضحكت و قعدت قدامو و قلت ليه:تصرف علينا؟ قايل روحك منو عشان تصرف علينا بصفتك منو؟ جارنا؟+م عاوزني اشتغل معاك علي عيني و على راسي بلبس عبايتي و بطلع بفتش شغل م كتر الا الشغل الزي دا في السودان
يوسف:ايوة جاركم و الرسول وصا على سابع جار +لا م حتشتغلي لا معاي لا في حتا تانية م غاوزك تشنغلي الشغل د
انا:م طبعا كيف الحتبقا مرت يوسف طارق تشتغل خدامة عند الناس
يوسف:لا م كدا
انا:اها كييف؟! ماف حاجة تخليك تقول م تشتغلي غير كدا صح والله حاجة تجيب ليك السمعة انت و اهل....
قام من محلو و جراني عليه شديد و قفل لي خشمي و قلي:ممكن تسكتي شوية؟... هزيت راسي بي معنى اي
يوسف:انتي عارفة انو انا م عندي اعتراض على شغلك و انا حبيتك زي م انتي و مية مرة قلت ليكي انو امي م بتهمني لانها م امي م عندي شي لي زول كل العاوزو اكون معاك و بس و لو على الشغل م عاوزك تشتغلي عشان م بحبك تتعبي م بحب زول اتامر عليكي غيري طبعا.. زحا يدو و هو لسا ماسكني عليه و انا نازل علي سهم الله و م قدرت اتكلم قلت ليه بصوت شبه مسموع:فكني
بوسف:م حفكك خايف تمشي تاني و م تجي ي شجن
انا:خايفة عليك
يوسف:م حيحصل لي شي
انا:معز..
يوسف:حنلقا ليه حل
انا:بحبك
يوسف:اوعديني بانك م حتمشي و تسيبيني اوعديني بانك حتفضلي دايما معاي
غمضت عيوني و فتحتها بمعنى وعد
يوسف:لا م تعملي كدا قولي حوعدك
انا: حوعدك.. م ناوي تفكني؟ لانو وقفتنا كدا غلط؟
فكاني و بقا يعاين لي و الاتنين ضحكنا قمت قلت ليه:لكن م حقدر اخلي الشغل امي ي يوسف ك بترضا انت تصرف علينا و لا انا برضا الحاجة دي انشاءالله لمن نعرس اعمل العاوزو
يوسف:غايتو الله يتم لينا العرس دا علخير
-في جانب تاني-
-انتي عندك سرطان في المعدة حنفحص ليكي و نشوف انتي فياتو مرحلة عشان نبدا في العلاج طوالي و انا عاوزك م تخافي السرطان في الزمن دا بقا ولا اي شي و بتعالج بي الساهل انتي بس ادعي و خلي ايمانك بربنا قوي و انشاءالله بتتسهل اهما شي دهون و الحاجات دي نبعد منها خالص اكلي حاجات خفيفة خفيفة
اميرة كانت في حالة صدمة بعد م سمعة كلمة سرطان دي حست بحيلا م شايلا و جسمها اقشعر و قلبها اتقبض و فكرت بس في بتها جيلان حتعيش كيف و حتعمل شنو بعد م تموت فكرت في حاجات كتيرة شديد رجعت للبيت و مشت لي بتها طوالي و قعدت جنبها و بتعاين ليها و مبتسمة
جيلان:خير ي امي مالك
اميرة:مافي حاجة حببتي كيف اختك شجن؟
جيلان ابتسمت و عاينت ليها باستغراب :كويسة الحمدالله
اميرة:مالك عاملة لي وشك كدا
جيلان:يعني غريبة جبتي سيررة شجن و كمان قلتي اختك 😂
اميرة:كنت غلطانة فحقها والله و هي ظريفة و بتتعامل معاكي حلو؟
جيلان:شديد والله ي امي و امها برضو بتحبني شديد م بعاملوني كعب نهائي
اميرة:اها اسيبك ترتاحي
جيلان:مالك يامي الليلة م عاجباني
اميرة:بري يختي ماف شي
جيلان:كنتي وين صحي
اميرة:كنت في المستشفى
جيلان:مالك عيانة؟
امبرة:اي مشيت احلل
جيلان:اها؟
اميرة:لسا التحاليل م طلعت
جيلان:و حتطلع متين
اميرة:يومين كدا
جيلان:و تحاليل شنو هي
امبرة:يبت هي مالك بتسالي كدا خليني امشي الاوضة براي تعبانة
جيلان:خلاص خلاص معليش متاسفة.. ماما
اميرة:اها
جيلان:اقفلي وراكي الباب
اميرة:سمح م عاوزة تاكلي؟
جيلان:لا تعبانة بعد اصحا باكل
اميرة:اها تمام
-فيجانب تاني-
انا:انا حقبل بيك
معز:فجأة؟
انا:على فكرة م حبا فيك ولا شي لكن انت ودخالتي و اولة بي و يوسف داك انا كنت بس عاوزة قروشو انت عارف حالتنا صعبة كيف
معز:كنت عارف في يوم حتجيني و حتفهمي
انا:لكن اسمعني كويس
معز:اها
انا:حترجع لي ورث امي
معز:شنو؟
انا:ترحع ورث امي و تكتب نصيبا من بيت ابوها بي اسمها
معز:م حقدر
انا:ابقا تنساني
معز:طيب حكتب ي شجن لكن برضو بشرط
انا:اشرط اشرط
معز:يوسف م اشوفك معاه تاني
انا:تمام م عندي مشكلة لكن تنساه و واعك تهبشو فاهم ولا لا؟
معز:م عندي مشكلة دام انتي بعيدة منو لكن والله العظيم اشوفك معاه حقتلو و انتي عارفاني بعملا
انا:م حيحصل م تخاف.... بكرة حجيك انا و المحامي توقع الاوراق و بعد كم يوم كدا تعقد علي م عاوزة عرس و كلام فاضي
معز:تمام
نزلت من العربية و دخلت الببت لقيت امي قاعدة ممحنة و انا الضحكة من الضرس لي الضرس قعدت جمبها و قلت ليها مالك حسي؟
حياة:بري والله بفكر في الجاي
انا:صدفيني الجاي حلو شديد ي امي م تفكري و ترهقي نفسك طيب؟
حياة:مالك اللياة مبسوووطة كدا م على العادة
انا :الزول م يفرح يعني في البيت دا 😂
حياة:اخوك الايامات دي م على طبيعتو قراية زاتو م قاعد يقرا و الامتحانات بعد اسبوع ي بتي
انا:قاعد في اوضتو حسا؟
حياة:اي
دخلت ليه لقيتتو نايم في السرير و قافل النور فتحو و بي اعلى صوتي:علللي
علي:في شنو بتصرخي فراسي كدا؟
قفل المكيف و المروحا و فتحت الشباك و زحبت البطانية :قوم اقرا
علي:اقرا شنو ي بت؟ م شايفاني جاي من المدرسة تعبان؟
انا:اها تقول شنو اتعميت..قوم يلا ساعيتن كفاية جدا قوم اكل و اترزع اقرا
علي:ما قايم
مشيت قومتو و شميت ريحة سجاير مسكتو من فكو و فتحت خشمو و قربت منو :رجعت لي الزفت دا تاني ي علي؟
علي:زفت شنو يبت؟ قومي من السرير دا
مسكتو و جريتو لحدي الصالة و قعدتو قدام امي :ولدك ي حياة بشرب سسجاير و كم مرة عملا و انا اتكلمت معاه بررااحة و وعدني م يرجع لبها و تاني رجع.... اديتو كف و قلت :تاني رجع
علي قام و ىجع لي الكف و قال:تديني انا كف ليه؟ امي انتي ولا ابوي؟ عشان تضربيني
شجن:من متين بتمد ايدك علي؟
علي:من الليلة و تاني لو اديتيني كف حرجعو ليك مية ابقي مرة تاني مدي ايدك علي انا
بي كل قوتي لزيتو لحدي م وقع في الارض بقا يكورك و انا اكورك الز و انا الز و امي بس قاعدة و نازل عليها سهم الله الباب بدا يخبت شديد امي قامت فتحت لقتو د يوسف جا حجزنا من بعض :في شنو؟ جنيتو؟
امي جابت الطرحة و غطتني عشان قميصي اتشىرط و يوسف ماسكني و ماسك علي:في شنو؟ في انو علي جنا و بقا يشرب و يعالم دي سجاير ولا مخدرات
يوسف:طيب اهدي اهدي و فهموني
انا:علي اطلع من البيت د شوف ليك حتا اقعد فيها انشاءالله مع كهربا البديك السجاير تاني انا لا اختك لا بعرفك
يوسف:علي شيل كتبك و حاجاتك و هدومك ختها في شقتي
علي مشا و يوسف قعد اقولي:م كدا ي شجن م كدا الولد حتجيه نفسيات و قراية م حيقدر يقرا!
بقيت ببكي و قلت ليه:شغالة و ىوحي طلعت عشان اقدر اقريه و يجي في الاخير يشرب سجاير؟ و يعالم بعمل شنو تاني يوسف انا تعبت بجد
حياة:د عمر مراهقة ي بت عادي انا متوقعة حاجة زي دي
انا:اتصرفي مع ولدك انا تاني ما بتكلم معاه و لا بتعب روحي لو سقط اليسقط و ينزل يشتغل اي شي م بدفع قروش مدرسة تاني
يوسف قعد جمبي و مسك يدي و قلي:اهدي طيب اي شي بتحلا
زحيت ايدي منو و اتعدلت في قعدتي امي دخلت جوا و قلي:مالك؟
انا:م شايف امي قاعدة؟ ماسك يدي مالك؟
يوسف:طيب معليش م حسيت
انا:م تخليه يمشي منك ححاضر؟ و راجع معاه الامتحانات فضل ليها اسبوع م قاعد ياكل علي بجي من المدرسة بنوم بصحا باكل بعدين ببدا قراية طيب و اقنعو خليه يخلي السجابر و وريني لو بشرب شي تاني و ببلع في حاجة
مسح لي دموعي و قلي:م تخافي اي شي بتحلا حسا ماشي ليه
انا:طيب
-في جانب تاني-
يوسف:تعال عملت ليك اكل
علي:م عاوز شكرا
يوسف:تعال شنو هو الما عاوز؟ اكل عشان بعد شوية حراجع معاك
علي:م عاوز امتحن
يوسف:بعد القراية القريتا و السهر السهرتو تقول م عاوز امتحن؟
علي:م حاسي بي نفسي جاهز
يوسف:م الا تكون جاهز حتا لو م قاري كويس المهم تمتحن و لو سقط بتعيد لكن م تقول ساي من نفسك م عاوز امتحن بعدين خلاص انت داخل الجامعة ماف داعي تتاخر سنة
علي:م فاهمني انا لا عاوز اقرا جامعة لا عاوز اقرا تالتة تاني
يوسف:تعال اقعد اكل نحضر كورة
قعد جمبو و فتح التلفزيون و بدو ياكلو قليه:اختك تعبت شديد عشان تقريك الثانوي
علي:لكن م كل شوية تقول لي انا و انا و انا
يوسف:هي م قرت جامعة و كان نفسها تقرا لكن انت عارف الظروف صح؟
علي:اي
يوسف:و امكن م عارف لكن الناس كلها بتعايرها على الحاجة دي و جابت ليها نفسيات عشان كدا هي م عاوزاك تحس بي الحستو و م عاوزاك تكون مكسور و بعدين انت قايل القراية كلام فاضي و خلاص؟ لمن تكبر و تجي تعرس و تتدقم لي اي بت فاكر حيقبلو بيك؟ لا حيقولو م قاري و م عندو شهادة اختك تعبت و امك برضو تعبت عشان يقروك و اختك حسا مستعدة تشتغل لحدي م تخلص جامعتك.. و على فكرة القرار برضو ما في يدك و حتقرا غصبا عنك سقط تعيد السنة الدنيا ما ماشة تنتهي
علي:م مستعد
يوسف:الاسبوع د كلو حتقعد في البيت معسكرات المدرسة دي كلام فارغ حأجز من الشغل و حقعد معاك نراجع المواد كلها و بعدا اي شي بتحلا
علي:تمام
يوسف:طيب حسا اتكلم معاي بي صراحة
علي:اها
يوسف:بتشرب حاجة غير السجاير؟
علي:لا
يوسف:صحبي مات بي سبب السجاير
علي:طيب م حسا بتسجر! ليه م وقفتها و قلت صحبك وما صحبك؟
يوسف:حسا وقفتها عارف ليه؟
علي:ليه
يوسف:عشان م عاوز اموت عاوز اعيش اطول مدة ممكنة اي عمري 31لكن والله لسا في حاجات كتيرة م شفتها و السبب البرضو خلاني اخليها اختك... عاين ليه باستغراب ضحك و قليه:ايوةة اختك قبل م الاقيها حياتي كانت باهتة و م كان عندي سبب اعيش عشانو حتا اهلي م حبوني قدر م هي حبتني و انا حبيتا كانت دايما بتقولي خلي السجاير و خليتا عشان م عاوز ابعد منها و اموت اخليها زي م صحبي عمل.
علي:طيب م تعرسو.
يوسف:قريب قريب إنشاءالله حسا يلا جيب كتبك و خلينا نراجع العربي... اهما شي تكون حافظ الاناشيد؟
علي:اي اي شجن م مخلياني في حالي😂
-في جانب تاني-
اريج:معز طلع بتغشا يختي🤣
انا:والله ي اريج خايفة عديل
اريج:يبت مش عملتي القالو ليك يوسف؟😭
انا:اي ياخ
اريج:سمح مالك؟ خلي الدرامات
انا:فتحي لسا بتكلم معاك؟
اريج:يبت حسا داخل في الخط و بقفل في وشو الولد لايوق يهناية
انا:تستاااهلي لاني بقول ليك اختيه اختيه اختيه و انتي م بتسمعي الكلام يلا شيلي شيلتك
اريج:يبت انسينا منو حسا
انا:اريج برجع ليك بعد شوية يوسف في الخط
اريج:تقفلي فيني انا ي حيوانة عشان يوسف؟
انا:يبت هي معسلامة... الو
يوسف:بتتكلمي مع منو اخر الليل دا؟
انا:مع اريج... اها معز مسكتو عليه حاجة؟
يوسف:لا لسا... انشاءالله بس تكوني ختييتي السماعة في حتا م بتتشاف
انا:اي اي م تخاف و حتا لو لقاها م بعرفا دي شنوو
يوسف:حسا المحامي حضر الورق بكرة تمشي معاه يوقعو هانت خلاص
انا:طيب لكن الفترة دي نبعد من بعض لانو قلي لو شفتك معاه م حيحصل خير
يوسف:الاسبوع د م حمشي الشغل حقعد مع معز اقريه
انا:صحي ببشرب شنو؟
يوسف:م تخافي سجاير و تاني م حيشرب
انا:انشاءالله ياخ
يوسف:بكرة م تمشي الشغل
انا:ليه
يوسف:انا م ماشي تمشي ليها شنو
انا:😂يزول شغلي
يوسف:خلاص حوصلك
انا:معز حيجيني م تتعب روحك
يوسف:معز شنو ي زوولة؟
انا:نحن م مفروض نكون مع بعض نسيت؟
يوسف:انشاءالله بس الحكاية دي تنتهي سريع سريع
انا:انشااءللله والله
-في جانب تاني-
-التسليم حيكون وين
معز:[...] الساعة 12 بليل
-المرة دي عاوز 10
معز:ابقا تنتظر يومين تاني!
-يومين و لو م جبتها حشوف زول تاتي
معز:لا لا انشاءالله بتصل
طلع من العرببة ببي هنا و معز فحط بي هنا
-في جانب تاني-
-زي ما بقول ليك كدا مسكنا عليه حاجة
يوسف:و يعني عرفت متين و وين حيسلمو البضاعة؟
-اي حنقبض عليهم و انشاءللله الامور بتتحلا
يوسف:متاكد؟
-اي يوسف م تخاف حنقبض عليهم بي الثابتة انت م تشيل هم
يوسف:انشاءالله اول بي اول تمام؟
-تمام يلا سلام
-في جانب تاني-
صحيت الصباح زي كل مرة حضرت نفسي لي الشغل و نزلت لي معز تحت حاوات بقدر الامكان اني م اتساخف و احاول اتظارف لكن م قدرت الود سغيل و لايوق
معز:اها حنمشي على وين؟
انا:شغلي و هناك المحمامي قاعد عشان حتوقع الورق
معز:ليه متسرعة كدا؟
انا:والله م قادرة انتظر و انت بي صراحة يعني م مضمون فاهم كيف
معز:ي زولة م مشكلة الليلة ولا بكرة م بفرق معاي المهم نغرس في اسرع وقت
انا:اي اي انشاءالله
وصلنا المكتب و كانت فاضل خطوات بس خطوات بس عشان ارجع حق امي الحاجة الكنت شايفاها صعبة حتتحقق حتا بدون تعب م كنت قادرة اخفي الضحكة الفي وشي نهائي قعد المحامي قدام معز و بدا يقرا ليه الاوراق و يفهمو و كدا مسك القلم و وقع انا اللحظة دي الفرحة م سايعاني قربت امسك معز ابوسو كنت بس مستنية متين ارحع اكلم امي بي الحاصل
-في جانب تاني -
سجود:طبعا ي جماعة انتو م محتاجين عزيمة عرسي يوم الخميس الجاي و كلمو منى و شجن و يوسف و قوليها جيت و م لقتك
نون:اجي مالك مستعجلة كدا تعالي اقعدي
سجود:لا لا مستنيني تحت جيت اكلمكم و ماشة... سكتت شوية و قالت:ابراهيم
ابراهيم:ايوة
سجود:لازم تجي
ابراهيم:طبعا اكيد
سجود:يلا سلمو لي على شجن! و مشت
نون عاينت ليه مشت قعدت جمبو مسكت يدو بقت تلعب بي اصابعينو ضحكت و قالت ليهم:طوال شديد
ابراهيم:اول مرة تلاحظي؟
نون:لا بس اول مرة اشوفهم من قريب كدا
ابراهيم:نون في حاجة؟
نون:حتمشي عرسا.؟
ابراهيم:م عارف
نون:بتحبها؟
ابراهيم:لا
نون:ليه زعلت طيب لمن جات عزمتنا!
ابراهيم:نون في شنو مالك؟
نون:يعني م عارف مالي؟م ملاحظ لي حاجة؟؟!
ابراهيم:لا ي نون قولي لي مالك انا مزعلك في حاجة؟
نون:عاوز تعرف مالي؟
ابراهيم هزا راسو نون و الدموع في عيونا :انا بحبك
ابراهيم كان ظاهر على وشو تعابير الخلعا احساس كيف؟ بتحبيني انا! :ايوة بحبك م عارفة ناقصني شنو عشان احترتها هي و م انا ،مع انو في وقت ضيقك انا الكنت في و لمن تزعلك انا الكنت براضيك و لمن تحتاج تفضف لي زول اول زول بتلقاني انا لكن فوق دا كلو اخترتها هي اي م بكضب سجود احلا مني في اي شي لكن... وبدت تبكي و قالت:لكن بحبك.. مع انو كنت عارفة علاقتك مع سجود مستحيلة لكن نهائي م كنت بقول ليك كدا لانو شوفتك و انت زعلان بزعلني اكتر
ابراهيم:نون والله م عارف اقول شنو
نون:لا يا ابراهيم ماف شي يتقال اصلا! و م عاوزاك تقول حاجة بس كنت لازم اطلع الجواي و ليك انت على الاقل تكون عارف انو في وحدة حبتك اكتر من نفسها.. شالت الشنطة و طلعت و هي بتبكي..
طلعت من المكتب و انا فرحانة و معاي الورق و معاي معز ابراهيم اول م شافني قلي :الحقي نون يدوب طلعت من هنا و طلعت زعلانة خايف تعمل حادث ولا حاجة
نزلت سريع و لقيتا قاعدة في العربية و بتبكي قلت لي معز امشي و ركبت معاها و قلت ليها:في شنو يبت جنيتي؟
نون:عملت حاجة م كان مفروض اعملا ي شجن😭
انا:عملتي شنو يومك اسود
نون:قلت لي ابراهيم اني بحبو
شلت نفس و طلعتو و حمدت ىبنا انها جات على كدا لانو بكاخا و كلام ابراهيم و كلاما م كان مطمني قلت ليها:و بتبكي عشان كدا قزلي لي؟
نون:اكيد م عشان كدا و بي لكن برضو علاقتنا بعدا م حتكون زي زمان +م بببادلنط نفس الشعور و انا متاكدة انو م حنكون مع بعض تاني بسبب غبائي
انا:نوتننننن انتي غبية؟ ماف احلا من انك تعترفي لزول بانك بتحبيه! و دي م حاجة عيب ولا حرام! بلعكس مافيها شي حتا لو هو م ببادلك نفس الشعور م حنك م موضوع بستاهل انك تبكي قدر دا و بعدين منو القاليك انو م بحبك؟
نون:ياخ انتي م شفتيه كان زعلان كيف لمن سجود جاتوو عزمتنا لي العرس! 💔
انا:سجود جات؟
نون:اي ياخ😭
انا:اتحركي على البيت كدي
-في جانب تاني-
احمد:ليلى عاوز اقول ليك حاجة
ليلى ة:ايوة
احمد:صراحة يعني اما م حقدر اكمل معاك!
ليلى:يولد بطل هظارك د انا م فاضية ليك
احمد:جااادي انا! والله م بقدر اكمل معاك!
ليلى:كيف يعني.
احمد:زي م سمعتي.. و بعدين يوسف حزرك و قليك حاسبي ممنو ليه م سمعتي الكلام؟
عليلى:لانو بحبك
احمد:حب شنو ي بت؟ انا كنت متشاكل مع يوسف و وافقت غلى الخطوبة و كدا بس عشات اغيظو لانو بحبك
ليلى:كيف قدرت تعمل كدا ي احمد؟ في النهاية انا بت خالتك!
احمد:عشان بتخالتي ححن و اضطر ارتبط بيك باقي حياتي كلها؟
ليلى:احمد عرسنا كان قريب
احمد:زي م قلتي كان، و كان و انتهى خلاص فعشان كدا شنو م تكتري كلامك معاي صراحة م طايقك كفا الشهور الفاتت دي.. و طق قفل التلفون
ليلىقعدت في الارض و داك ي البكا و المخيت
هدى:قلت ليكي يبت احمد د م زول عرس م مضمون م زفت قلتي لي لا بحبو ي امي لا بريدو يا امي يلا شوفي اخر حبك ودانا وين!
ليلى و هي بتبكككي:ااممممي خلللاااص ي امي خخللاااصصص اسكتي مني م متحملة صوت زول انا
هدى:يوسف جاك بي رجلينو حنسك حنيس عشان تخليه حزرك منو و قالليكككك عاوزك و بحبك يلا عرس هو زاتو و حيعرس اقعدي كدا بس
ليلى:امي اتكلمي مع خالتو رشا تتكلم معاه
هدى :خوخة ي ليلى خوخة الولد قليك عديل م عاوزك تاني تقعدي تحنسي و تزفتي؟ و م بكلم رشا ولا غيرو خلاص الموضوع انتها و اتقفل
ليلى مسحت دموعا و قامت و قالت:لا ما انتها،
-في جانب تاني-
منى:انتي غبية؟ ماشة قايلة ليه لي شنو؟ حسا يقول البت خفيفة؟
حمرت ليها و قلت لي نون:نون تشنغلي بي منى العملتيه د مافيه شي غلط و انتي بتحبيه و قلتي ليه م تكبري الموضوع و انتي يمنى اسكتي عشان م ابلع ليك لسانك دا!
نون:حسا انا تاني اعاين في وشو كيف؟ دل لو هو نفسو يشوف خلقتي
انا:والله دي تبقى عوجة بعد دا!
نون:عاوزة تقنعيني انو هو بحبني؟
انا:م كدا لكن اي برضو انتي اشعرفك انو م بحبك؟ قاعدة فقلبو؟
نون:و انتي شعرفك بحبني قاعدة فقلبو؟
انا:يزولة واضح انو بحبك او على الاقلبحس بي حاجة اتجاهك!
نون:كيف عرفتي
انا:يزولة لمن يكون معاكي م شفتيه بعاين ليك كيف
نون:سجمي عين م كويسة؟
انا:عين م كويسة شنو وبعلي حتجلطيني!يعني عينو دي م بتتزحا منك والله بتلمع لمع و شفتي بكون كدا فاهمة مبسوط
منى:شجن انتي بتقولي شنو؟ 😂يبت هي خلي الوهم ابراهيم لا بحبها لا شي مش قالت ليك زعل لمن سجود عزمتو لي العرس؟
انا:هي شافتو كدا عشان عاوزة تشوفو كدا انسي ي منى محبطة خلاص
نون و هي بتبكي:امشو خلاص حلوني براي
انا:نخليك بي حالتك دي؟ علي الطلاق م بقوم!
منى:يعني حنبيت ي شجن ولا كيف؟
انا:اي نبيت لي م نبيت حسا بكلم امي
منى:خلاص زط انا زاتي بكلم امي
-في جانب تاني-
يوسف و علي كانو بقرو فجأة الجرس بتاع الباب ضرب يوسف مشا فتح و لقاها عليلى عاين ليها بخلعة وشها كان كعب شديد قليها بلهفة:مالك ؟
لب جات واقعة فيه
(علي بلطلاق خسيسة)
-في جانب تاني -
قاعدين في الصفرة كلهم و بتعشو اميرة قالت :اها ي جيلان كلمتي شجن انها تجي البيت؟
جسلان:انتي قلتي لي؟
اميرة:اها حسا بقول ليك كلميها تجي
خالد:مالك ي اميرة؟
اميرة:اجي يخواني مالكم بتعاينو لي كدا؟...سكتو م قالو حاجة... قالت:مش البت بتك؟
خالد:اي
اميرة:ابقا خلاص من حقها تجي هنا ولا شنو ي جيلان؟
جيلان:اي
اميرة:خلاص تعزميها و اخواتك يجو و كلنا نقعد سوا و نتعرف و كدا فنهاية عيلة وحدة ولا كيف؟
خالد و جيلان :اي
اميرة قامت من الصفرة و مشت على الاوضة
خالد:تفتكري امك مالا؟
جيلان:عاوزة اسالك نفس السؤال
خالد:يربي عاملين ليها عمل؟
جيلان:لا اا عمل شنو يابوي
عاينو لي بعض كدا و قعدو يضحكو قليها:الله هداها... صحي ي جيلان
جيلان:اي يا ابوي
خالد:كيف علي اخوك
جيلان:والله بخير كويس مسكين و طيب طيبة
خالد:و هو عارف انك اختو ولا لسا م كلموهو؟
جيلان:م اظن والله
خالد:حياة م عاوزاني اتكلم مع علي
جيلان:اي لانو د حياثر على قرايتو و خصوصا انو هو في تالت ممتحن
خالد:خليتو بيبي ماشاءالله
حيلان:حليتو في بطن امو شجن حكت لي اي شي فما تحاول تكزب علي تاني
خالد:يبت اتكلمي باحترام
جيلان:م بقول في شي غلط انا و لا قليت ادبي ولا عليت صوتي بس قلت ليك م تكزب عشان م تظهر صغير قدامي
خالد قام و شال تلفونو و ظاهر عليه ملامح الغضب و جيلان بي هنا دمها يلطش:تعالي لمي الصفرة خلاص
-في جانب تأني -
صحيت الصباح لقيت نون و منى لسا قاعدين و امي قالت لي لازم ترجعي الصباح و كانت الساعة ماشة على 9 كدا صحيت منى و قلت لهيها انا ماشة طلعت فعلا و وصلت البيت كنت مشتاقة لي يوسف شديد دقيت الباب لي يوسف و كنت مستنياه يفتح دقيت شديد و ماف زول فتح لي فتحت لي ليلى كانت لابسة تيشسرت بتاع يوسف و كان قصير عليها مديت راسي لقيت يوسف بي شورت و ملابس شي من فوق وقفت مسافة بحاول استوعب في البحصل!!!!!..
#يتبع
