.يوسف:اخدو راحتكم ي شجن و م تشيلي هم حاجة طيب؟
.انا:شكرا ي يوسف والله من غيرك م عارفة كنت حعمل شنو
يوسف:على شنو؟واجبي
انا:شكرا
يوسف:العفو.. نازل اشتري حاجات لي البيت تمشي معاي؟
انا:اوكي
يوسف:اليلة م حقدر ارجع البيت لو ممكن اقضي الليلة هنا
انا:طبعا البيت بيتك نحن الازعجناك❤️
-في جانب تاني -
معز:ماف داعي تجي ي ابوي هنا البلد مافيها شغل كويس
شريف:و انا اشتغل ليه؟ تمشي تهز طولك د تشتغل كفاية انا روحي طلعت
معز:انا شغال ي ابوي
شريف:شغال شنو؟ انا كل شهر برسل ليك قروش.. ولا عايش على قروش خالتك؟
معز:قروش خالتي م هابشا
شريف:لمن نجي و نشوف
معز:ابوي عاوز اعرس شجن
شريف:اتقي الله ي ود شجن شنو التعرسك بي حالك د؟ والله ضحكتني
-في جانب تاني-
يوسف:تاني نسينا حاجة
شجن:لا كلو تمام كدا
بعد رجعت البيت قلت لي اريج:قومي نعمل العشا الود بكون جعان كل شوية في المكتب اعملي لي حاجة اكلا
اريج:البيت سمح سماحة انا لسا مقهية فيه
انا:اتلمي ي بتنا انا نهائي م مرتاحة و امي دي شايلا ليها هم هم هم م عادي
اريج:شجن بطلي نكد لانك خنقتيني خلاص حسا امورك اتحلت لحدي الان و امك شديدة و لضيضة و واعية احسن مني و منك شايلالها هم لشنو؟غايتو كئيبة(شجن عاملةزي نجلاءا الفي ب١٠٠ وش🤣)
-في جانب تاني-
يوسف:عارف ي علي لمن كنت في سنة تلاتة م كنت بقرا نهائي الا اخر شهر
علي:و جبت كم
يوسف:٨٤
علي:د كلو في آخر شهر؟ 🤣والله معلم عديل
يوسف:والله جد😂كنت شهر كامل م بمشي المدرسة و بقعد اقرا في البيت
علي:كنت اكتر مادة بتكرها شنو
يوسف:عربي
علي:حتا انا
يوسف:لو عاوز مساعدة في شي قولي
علي:طيب
جيت قاطعتهم و قلت ليهم:علي و يوسف تعالو العشا
يوسف:جا في وقتوو😂
انا:جعان جوع شكلك😂
طلعنا برة و كنت مظبطة ليهم عشا و يوسف كان بياكل بياكل :والله د احلى فول اضوقو عديل
حياة:اكل ي ولدي و اشبع
يوسف:شفتي بتك ي امي بتعمل لينا حلاة سندوتشات في المكتب
حياة:كمان منو العلما😂
علي:والله أكلها زي وشها 🌚
يوسف:انت عارف ي علي انا زاتي قلت كدا لكن شنو نجاملها شوية😂
انا:كلام الأول م بتحول ي زول😂
يوسف:اها ي علي عاوز تقرأ شنو
علي:قانون
يوسف:اممم كويس قانون لكن داير ليه قراية
انا:يلا انت اقرا عشان تدخلو م تقول كلام ساي
يوسف:انا حجي اقري علي اتفقنا خلاص مش كدا🌚
علي:اي
انا:ماشاءالله والله و انا لمن اقول ليك جيب اسمع ليك تتزهج فيني
اريج:حتا انا كنت كداا زمان لمن زول اقولي تعالي اسمع ليك نفسي بتطلع من القراية.
انا:انا كنت بقرا براي كنت بحب القراية بسمع لنفسي مش زي ناس كدا
علي:بقرا لكن انتي م بتشوفين ي استازة🌚
يوسف:الحمدالله لي زمن م اكلت اكل زي د😍
حياة:اقعد ي ولدي
يوسف:لا والله الحمدالله اكتر من كدا م بقدر😂
بعد م قامو كلهم انا و اريج لمينا السفرة و وديناها المطبخ لقيت يوسف جوة
اريج:ماشى و جاية تمام
انا:اوكي
ختيت العدة في الحوض و بديت اغسل فيها
يوسف:عاوزة مساعدة؟
انا:لا لا العدة بسيطة اصلا
يوسف:ناوليني الملعقة دي ي شجن
شلتها و قبلت لقيتو في وشي و قريبين من بعض شديد حتا أنفسنا بقت مخطلطة مع بعض و السجاير طاغية على ريحة عطرو تجيب الرايح و قفنا كدا بعدين قلت ليه الملعقة
يوسف:اه معليش
انا:لا عادي.. قلبي بقا يدق و بقيت برجف رجفي لمن عرقت
بقا يضحك و قلي:مالك
انا:مالي
يوسف:عاوزة تشربي نسكفيه؟
انا:لا لا م حقدر انوم
يوسف:على كيفك
شالو و طلع خلصت عدتي سريع و دخلت لي اريج و امي:حسا كان في داعي تجيبينها بيت الراجل
انا:اها نقعد وين ي امي؟ حنترمي في الشارع بعدين كلها كم يوم و القا شقى نقعد فيها
اريج:لو البيت هنا م مريحكم تعالو اقعدو معاي و امي محبب م عليها
حياة:لا لا لا ي بتي
اريج:ليه يامي عادي والله
انا:خلاص نحن جبنا هدومنا و حاجاتنا هنا م بنمشي تاني حتا حنتجهجه لحدي م بكرة بعد الشغل انزل اشوف شقق.. هوي يلا انا عندي بكرة شغل تصبحو علخير
-في جانب تاني-
ابراهيم:سجود انا عاوزة اقول ليك حاجة
سجود:ها
ابراهيم:انا بحبك
سجود:و انا مخطوبة ي إبراهيم و حعرس قريب و انت عارف كدا و انا زاتي عارفة انك بتحبني و قدر م حاولت المح ليك انو ماف طريقة انت م بتفهمني انا عارفة كلامي جارح لكن مفروض تفهمو و تتقبلو و تكون معاملتنا في حدود لو سمحت
ابراهيم:م مشكلة ي سجود حصل خير و انا بجد غلطان لانو حبيتك و عارفك مخطوبة معليش لو سببت ليك ازعاج
سجود :لا ولا يهمك
-في جانب تاني-
صحيت الصباح صليت الصبح دخلت الحمام استحميت طلعت لقيت يوسف في وشي كان لافي البشير في نصو و الموية نازلة منو عاينت في الارض قلي :صباح الخير
انا:صباح النور
يوسف:اجهزي سرعة عشان ننزل سوا
انا:تمام
يوسف:اعملي لي قهوة لو ما فيها ازعاج
انا:لا لا مافيها ازعاج
لمن مشا قلت بيني و بين نفسي:حيجيب لي الجلطة والله العظيم 😭😭😭
عملت ليه القهوة و قعد في الكرسي و قعد يشربا و ولع سجارتو
شلت السجارة من خشمو و رميتا في الأرض و عفصتها برجلي و هو بعاين لي و ملامحو اتغيرت توتلي و بدا يكشر لي في وشي بدون م يحس بقا يكورك قال:د شنو؟
انا:انت شايف شنو
يوسف:انتي نسيتي انك شغالة عندي؟ و نسيتي الحدود البينا؟
نزل علي الكلام زي الصاعقة و قلت ليه:معليش اني اتجوزت حدودي و اوعدك بعد الدوام حتلقانا رحلنا بيت تاني
يوسف شال المفاتيح و علبة السجاير و قال لي بدون م يعاين لي وشي:اكون احسن
نزل و ملامح الغضب في وشو و بدا يتزكرايلى:انت يوم حتموت بي السجاير دي ي ولد
يوسف:بتخافي علي يعني😎
ليلى:اي بخاف عليك و انت لو بتشربا بطريقة كويسة كان معليش لكن تنتهي وحدة تولع وحدة اوفر... شالت منو السجارة و عفصتها
رجع من الماضي بي صوت البوري الوراه ركن العربية على جنب و بقا يضرب الدركسيون بي ايدو :م كان مفروض اعمل كدا م كلن مفروض اقول كدا
في جانب تاني -
انا:اريج انا ماشة الشغل تمام لمي هدوم علي و كتبو في الشنطة و هدوم امي زاتا و امشو بيتكم
اريج:في شنو يبت و مالو وشك د عامل كدا
انا:بحكي ليكي لمن ارجع تمام المهم لازم يوسف لمن يجي م يلقاكم هنا انا كلمتك
نزلت ركبت ركشة و انا عيوني كلها دموع و ندمانة اني حكيت ليه بي اي شي و بدل الهم بقا همين وصلت المكتب قشيت دموعي و طلعت لقيت نون في وشي كانت رافعة شعرها لي فوق و لابسة بلوزة بيضة و سكيرت تحت الركبة سماوي و جزمة سودة و هي جاية علي و شغالة تغمز لي :عليك الله كيف 😎
انا:ماشاءالله والله حلاتك ربنا يحفظك
نون:مالك يبنية
انا:مافي شي والله تعبانة بس.. ابراهيم جا؟
اول م قلت كدا جا داخل طوالي قلت ليها:خلاص امشي اعمل ليكم الشاي
ابراهيم قعد يعاين لي نون و هو بتبسم قليها:في شنو الليلة غريبة
نون:في شنو؟ 🌚
ابراهيم:غيرتي اللوك حقك
نون:عجبك؟
ابراهيم :شديد😍
نون :شكرا❤️🌚
مشت و هو لسا بعاين ليها و بتبسم و بهز في راسو دخلت لي يوسف لقتو سرحان و خاتو يدو في خدو و بلعب بي القلم :اها مالك سرحان
يوسف:نون انا تصرفاتي غلط صح؟
نون بقت تضحك و قالت ليه:بسمالله مالك 😂
يوسف:جادي معاك ياخي
نون:يعني اي بعد مرات غلط و غلط شديد يعني مثلا شجن
يوسف عدل قعدتو و قال ليها:قالت ليك حاجة؟
نون:انت عملت ليها حاجة الليلة؟
يوسف:ناديها لي ي نون
نون:غايتو نون دي ربنا يخليها ليك🌚
-في جانبي-
بسوي في الشاي و كل م تنزل دمعة بمسحا سرعة سرعة عشان ماف زول يسألني مالك طلعت ليهم الشاي لاقتني نون قالت لي :انتي بتبكي؟... هزيت ليها راسي بمعنى لا قالت لي :طيب يوسف عاوزك في المكتب.. شالت الصينية و مشيت ليه و انا مدنقرة راسي قلي :اقعدي ي شجن
قعدت و بقيت بمسح في دموعي
قلي:اسف
انا:عاينت ليه و قلت ليه :م عشان انا خدامة عندك تعاملني بي الطريقة دي في النهاية اتا انسان و لو م الظروف م كنت حشتغل هنا معاكم +و لو كنت قايلة انو جيتنا مضايقاك م كنت حجي و انا اصلا من البداية كنت رافضة و انت الاصريت لكن م تخاف لمن ترجع حتلقانا ماف اصلا دبرت لي مكان..جاية اقوم مسك يدي و لزان على الكرسي..
يوسف:شجن انا م اي زول بفهمني ولا اي زول حقدر افهمني انا الكلام البقول م بكون واعي بيه و بطلع بي الغلط لكن صدقيني انا من جوا غير والله العظيم انا م بقدر اجرح زول ولا ازعل زول و بزات لو بنت لانو بشوفها زي اختي..
اتفكيت منو و قلت ليه:لو سمحت م تمسكني تاني كدا لانو انا مجرد خدامة و انت مديري و سيد حتتي و طبعا لازم اكون بيناتنا حدود
-في جانب تاني-
ابراهيم:طبعا اتكلمت مع سجود
نون:و قالت شنو؟ 😕
ابراهيم:زي م كنت متوقع
نون:و حسا انت كيف؟
ابراهيم:عايش الحمدلله 😂ننزل ناكل؟
نون:لا عندي شغل كتير اوي يعني
ابراهيم:اوي قلتي لي😒
نون:اي 😏
ابراهيم:عشان بقيتي حلوة عاوزة تفتري 😍
نون:من زمان حلوة بس انت العميان
ابراهيم:امكن😍
سجود:كيفكم ي جماعة
نون:مالك جاية متأخر اليلة
سجود:تعبانة والله من السرير م قدرت اقوم
ابراهيم:مالك؟ حسا كيف؟
سجود:تمام الحمدلله... قعدت و بقت تشتغل و بتحاول تتجاوز ابراهيم.. لمن خلصنا الشغل نزلنا كلنا مرة وحدة و انا كنت واقفة و يوسف كان بعاين لي جا قلي:اوصلك؟
انا:لا لا م..
جا صوت قاطعنا كانت بت طويلة و ضعيفة و شعرها طويل و عيونها لونا أخضر قالت بي صوتا النوثي :يوسف
عاين ليها و وشو اتغير 360 درجةو تحس بيه اتضايق كدا :ليلى كيفك
ليلى:الحمدالله عاينت لي :كيفك
انا:تمام الحمدالله
ليلى:م اتعرفنا
يوسف مسكني من كتفي و قال:انشاءالله قريب حتكون مرتي
انا ابتسمت و رجعت عاينت ليها و ضحكت...
كشرت و عاينت لي بي قعر عينا و قالت:اها ربنا يخليكم لي بعض
يوسف:و يخليكي لي أحمد
ليلى:خلاص بكرة جيبها و تعال... و انا بجيب احمد نتونس و كدا و بي المرة نتعرف على المزة
يوسف:اي طيب طوالي،قبل علي و زحا خصلات شعري مني وشي و قال لي:عندك حاجة بكرة ي بيبي؟
انا بي تردد:لا ..يوسف حمر لي و قلت:اقصد اي ..اي معليش م حقدر امشي
ليلى :لا خلاص كلام الاول م بتحول حتجو انتو الاتنين منتظراكم!
مشت و ركبت عربيتها و انا عاينت لي يوسف:نعم؟ نعم؟ قريب حتكون مرتي؟ ي ود انت جنيت
يوسف:كان لازم اعمل كدا
شجن:علا حسابي انا؟ 😒انت اتماديت والله و بكرة اي مارقة معاك لا شي
يوسف بي كواريك:م هو لو كنتي قلتي لا من الاول كان حسا خلاص خلصنا من الموضوع لكن انتي مشيتي قلتي اي فاضية حتضطري تمش معاي!
انا:جات فجأة م كنت..قاطعني و قال
يوسف:حوفر ليكي المحامي و حفتش معاكي البيت و حزيد ليكي المرتب بي المقابل تمرقي معاي و تكملي معاي الكزبة!
انا:عاوز تشتريني بي قروشك؟ انسا ي يوسف
يوسف:فكري لحدي بكرة
بقيت ماشة و بقول:د الفضل والله جدجد د الفضل عاوز اشتريني انا دي بي قروشو؟ قايل روحو منو!!!عشان بمسح و اكنس و اعمل الشاي قايلني خدامة بتاعة ابوهو قال قال قال شنو كملي معاي الكزبة ميتينك انت و كزبتك و ليلى بتعتك
-في جانب تاني -
اريج قال مقابل كدا حيعمل ليك اي شي؟ محامي على بيت على اي شي؟؟؟
انا:ياهو دا القالو
اريج:و انتي اظن حتقولي لا؟
انا:اي طبعا دايراني اقول اي على ياتو اساس قايل بي قروشو دي هو بقدر يعمل اي شي؟
اريج:طيب انتي م تفكري فيها كدا عايني لو نفزتي ليه طلبو زي م قال حيوفر ليك اي شي يعني محامي و كدا حتقدري ترجعي حق امك !بيت تتكنو فيه انتي و امك و علي !و كمان حيزيد ليك المرتب يعني عيشة تمام و راحة بال كمان... و يا ستي انتي اعتبريه شغل و دا مرتبك،و مشممكن تعملي اي شي عشان تشوفيهم مبسوطين؟ابقا تعالي على نفسك حبة و موضوع كرامة دا صفيه عجنب!
انا:جادة ي اريج؟ جادة؟
اريج:عاد انا جادة يختي و مليون جادة عاد والله توافقي حياتك حتبقى احسن و انتي ضحي المرة دي عشان امك بس!!!
انا:يعني أوافق؟
اريج:لو في محلك؟ بشيل التلفون اضرب ليه
انا:و كرامتي؟
اريج:كرامتك ولا راحة امك الشقيت عمرها كلو عشان تربيك تربية صاح انتي و علي؟
انا:نشوف لي بكرة حيحصل شنو+بتلعبي في الوتر الحساس
اريج:اشي ي حساس ي جميل انت🤣
-في جانب تاني-
رشا:اها ي ليلى اختاري الفستان عشان نمشي نشتريه
ليلى:والله ي خالتو ما عارفة اختار شنو!
رشا:السمبل احلا عليكي انتي عارفة
دخل يوسف و لقا ليلى قاعدة و قال بينو و بين نفسو:الله يستر
رشا:اها تعالي ي ولد سلم على بت خالتك ليلى
يوسف:كيكف ي ليلى كيف ي امي
ليلى::تمام والله!
رشا:قاعدين نفتش فستان العرس
ليلى:اها والله حبيبتك سمحة ي يوسف بتعرف تختار
يوسف:امممم اي ماشاءالله
رشا:اها و دي منو كمان
ليلى:لاقيتا قبيل معاه و قال قريب حيتقدم ليها
رشا:و حتعرس قبل اخوك؟
ليلى:لكن غريبة م كلمتني مع انو كان مفروض تحكي لي اول وحدة
يوسف:م اتلاقينا بعد الخطوبة
رشا:عاد تجيني و اشوف البت دي عاوزة اشوف منو القدرت تستحملك دي
يوسف:م تفكري فيني كتير ي امي عرس حبيبك احمد قرب خلاص انا طلعيني من راسك..
مشا على اوضتو لقاه احمد قليه:اها قالو لي بتحب و حركات 🤣
م ردا عليه تاني قليه:عشان تنسا ليلى ااا
يوسف قبل و ادا احمد بنية لمن وقع في الأرض ليلى كانت مراقباهم و لمن وقع طوالي جات جارية عليه :احمد انت كويس؟انت غبي ي يوسف؟ د اخوك حرام عليك!
يوسف دخل اوضتو و قفل الباب بي كل قوتو و فتح الدولاب لما باقي هدومو و جزمو و طلع
رشا:مجنون مجنون و م مربى زي الناس
طلع من البيت طارق قال لي رشا:خلاص انتي كمان كل يوم كواريك في راسنا زهجتينا زاتو
علا:خلاص ي ابوي اهدا
ليلى:بيبي انت كويس؟
-في جانب تاني -
اسمعي هنا د قايلاني حخليك؟والله م اخليك ي شجن و انا في و انتي في ولو عرس حتعرسيني و حترضي بي شئتي ام ابيتي!.
انا:قلت كدا و طلعتني من البيت اها عرستك؟ رضيت بيك؟ خلاص انسااا انسا انا م شجن بتاعة زمان فاهمني ولا لا؟ و شد حيلك لانو الجاي صعب ي معز ي ود نفيسة.. و قفلت الخط
اريج:شاطرة شااطرة ي شجن معنى كدا انتي حتوافقي بكلام يوسف!
انا:أمري لي الله بعدا
-في جانب تاني-
خالد:جيلان انتي صاحية؟
جيلان:اي ي ابوي خش
خالد:كيفك ي بتي
جيلان:تمام ي ابوي في حاجة؟
خالد:جيت اشوفك ساي.. امم عاوز اقوليك
جيلان:اي ي ابوي
خالد:م نفسك تقابلي اختك؟
جيلان:شجن؟
خالد:اي شجن اختك
جيلان:هي حترضى تشوفني لكن؟
خالد:شجن زعلانة مني اي لكن لم تشوفك اكيد حتحبك لأنك انتي م ليك زنب اصلا و شجن قلبها ابيض شديد شديد
جيلان:عندك ليها صورة و هي كبيرة؟
خالد:اي ايهي
جياان:واي ي ابوي حلاتا تشبهني كمان
خالد:اي والله قطعة منك.. امك م تعرف بي أي شي فاهمة؟ انا حضرب لي شجن و حوريكي حتتلاقو كيف
جيلان:طيب😍
خالد:يلا نومي
-في جانب تاني-
صحيت الصباح لبست عبايتي و مشيت الشغل طبعا ماف اي زول في المكتب مشيت فتحت مكتب يوسف و نضفتو و طلعت نضفت الحمامات و قعدت في الكرسي جا داخل يوسف طوالي حضرت ليه القهوة و حشيت ليه سندوتش و دخلت ليه
يوسف:شكراا
انا:يوسف
يوسف:ايوا
انا:انا موافقة
يوسف:ايوا خلاص
انا:حتزيدني كم؟ +متأكد حتجيب لي محامي و توفر لي بيت؟
يوسف:ايوا سبعة الف في الأسبوع
انا بي فرحة مديت ليه ايدي وقلت:done
يوسف:الليلة منى بتخاللتي حتنزل معاك تشتري ليكي هدوم لزوم المرقات!
انا:تمام
-في جانب تاني -
منيى:جيلان انزلي انا تحت
جيلان فتحت الباب و دخلت العربية :ناقة لي من الصباح كرهتني
منى:اها نمشي اول لي يوسف؟
جيلان:البتشوفيه
منى:نمشي ليه حسا عشان الوقت م يسرقنا...
في جانب تاني
نون:شجن طبعا ابراهيم رقد رقاد🤣
جا صوت من بعيد و قال:نووونننننننن
نون:منى ي بتتتت الكلب😭😭
منى:مشتاقين ي وسخة
نون:والله بي الاكتتترررر😭😭
منى:افتريتي بعد اتخرجت ي وسخة
نون:اسكتي د من ودخالتك د الشغل لي راسي
جيلان:نون كيفك
نون:تمام حببتي انتي كيف😍❤️هي شجن وين
منى:شجن منو كمان
نون:وحدة كدا بتنضف و بتعمل لينا الشاي
منى:ااااا كدي انا داخلة لي يوسف د
دخلت توشك و قالت:شنو يعني ي يوسف مشخت لينا كدا ااا🤣
يوسف:منىى😂😂كدي سلمي اول😂كيكف ي جيلان
جيلان:تمام الحمدالله
منى:مكتبك جميل خالص
يوسف:كل م تجي بتقولي لي كدا!
متى:عارفة هيهيهيهي
يوسف :اها جيتي في ووقتتككك
منى:خير خير
يوسف:مفهم ليلى و احمد انو انا مجكس و كدا و خطوبتنا قريبة و مفروض اطلع مع شجن و ليلى و احمد الليلة و عاوزك تزنلي انتي و هي تشتري ليها هدوم
منى:إستنا استنا ي يوسف داير تمرق مع الخدامة؟ عارفاك مجنون و عندك شي في مخك لكن وصلت انك تجكس خدامة؟
يوسف:اي بت بتمسح و تنضف معناها شينة؟ ابردي شجن احلى منك🤣🤣و بعجين هي سودانية بس الظروف جبرتها ي منى
دخلت و معاي عصير و سندوتشات قدمتها ليهم و ختيت الصينية يوسف قلي اقعدي
منى:دي شجن!!! 😳
يوسف:ايوة
منى:نججفة😍
قلت ليها و انا بضحك:شنو؟
منى:سممحة سمحة ي شجن
جيلان بقت تعاين لي و لفتتني و قالت :شجن خالد؟
عاينت ليها بأستغراب دي منو و بتعرف اسم ابوي من وين :منو م عرفتك؟
حضنتني و قالت لي تعالي اقعدي في الكنبة جيت قعدت جمبها و انا مستغربة و بديت اخاف دي منوو عاوزة مني شنو بلعت ريقا و عاينت لي في وشي و قالت لي :انا اختك! 😔
عاينت لي يوسف و رجعت عاينت ليها و قلت ليها بي تورتر :شنو؟ كيف؟
جيلان:والله العظيم اختك مش اسمك شجن خالد عبدالحميد؟انا اسمي جيلان خالد عبدالحميد
انا:اها؟
جيلان:ابوي والله بحبك و بحاول أصلح العملو و حتا قلت ليه لازم الاقيكي و بدت تبكي.. دمعت و بقيت بمسح ليها في دموعا و قلت ليها:و حسا انتي ليه بتبكي؟
جيلان:خايفاكي م ترضي بي و خايفاكي تكرهيني بس والله انا م عملت شي..
مسكت يدها و قلت ليها :اكرهك ليه؟ بالعكس فرحت لاني انا عندي اخت و بعدين انتي ما ليكي زنب في العملو ابوي اي اول مرة اشوفك لكن والله حبيتك.. حضنتها و بقينا نبكي مع بعض
منى و الدموع في عوينا:خلاص ي جماعة حتبكوني معاكمممم
قبلت على يوسف و قالت ليه:انت بتبكي؟
يسوف:شنوو😳
منى:بتبكي اوهو والله بتبكي
يوسف:ي بت م ببكي ولا شي
منى قالت ليه:شنو ي عامل فيها حساس قدام المزة؟
انا:طبعا لو زول مننا اتلكم معاه كدا بتكيه بضبحو
ضحكو كلهم ما عدا المنفسن يوسف و بعديها بدا يتكلم:شجن منى و جيلان حينزلو معاك الليلة عشان تشترو الهدوم
انت:طيب يعني عاوزة اسأل ليلى دي منو و حنكا شنو بظبط عشان نكون عارفين!
منى: اختي
انا:الله؟ يوسف عادي تمشي تقول ليها!
يوسف:لا لا لا امان
انا:امم اوكي.. طب و احمد؟
يوسف:اخوي
انا:مشللااهههه.. اها و ليه كزبتا قلت خطيبتك و لا حبيبتك عشان اكون فاهمة
منى:ليلى حتعرس احمد و يوسف بحبها قام يوسف قال لي ليلى انو انا بحبك و ليلى طبعا قالت ليه لا انا بحب احمد فا حصل انو هو م عاوز اخلي ليلى تفكر انو هي بتحبو و في نفس الوقت عاوز اخلي أحمد افكر انو هو م بغيظ في يوسف و انو يوسف م بحب ايلى بس
انا:المفروض افهم؟😳
يوسف:خلاص يخواني انزلو حسا..هاك ي منى د كرت الصراف
منى:اوكي.. نمشي ي شجن؟
انا:استنو هي والله مفهمت شي 😭منو بحب منو و اتغاظ من منو
جيلان:انزلي بنفهمك تحت 😂
طلعنا كلنا قامت نون وقفتنا :هي ماشين وين و سايقين شجن بتعرفوا من وين
منى:تعالي معانة بنفهمك
نون:هي عندي شغل لي راسي،يوسف حيتزهج فيني ☺️
انا:اسمعي تعالي خليه اصلا بياخد ليه زهجة كدا و بفك
نون:لو كورك فيني حقول ليه دي شجن و بتخالتك😀
منى:ي زفتة خلي الكلام الكتير و ارح
-في جانب تاني -
ليلى:بيبي بعدين م تنسا حنمرق مع يوسف و حبيتو
احمد:انتي عرفاني م عاوز اقابلو،و بعدين اصلا بتتصرففي من راسك ليه؟
ليلى:خلاص ي احمد م تكورك انا لو كنت عارفاك حتتضايق م كنت حقول ليهم
احمد:خلاص ياخ زي الساعة كم؟
ليلى: 8 كدا
احمد:خلاص بجي بسوقك
ليلى:ثم تانياً! انت ليه م بتحب يوسف؟
احمد:ليلى خلاص قلنا حمشي م تنقي لي
ليلى:يوسف زي اخوي و اكتر فمن حسا تكون عارف انا وقتي كلو كنت بقضيه معاه!و كرهك ليه م حغير شي من كدا!قلت اكلمك عشان م تعمل لي موضوع لمن تشوفنا سوا
-في جانبب تاني-
انا:والله ي جيلان كنت دايما بتمنى انو يكون عندي اخت و حسا امنيتي اتحققت😌
جيلان:و انا من زمان كان نفسي اقابلك ي شجن
منى:اها ي شجن انتي بتلبسي شنو دايما
انا:عباية و طرحة و انتها المضوع
منى:لا لمن تطلعي يعني مع صاحباتك
انا:ي بت م عندي وقت اطلع !
منى:يعني اختار ليك على زوقي
جيلان:و يوسف جابك ليه؟ واي من غبائك حببتي
منى:طيب عايني لي المرقة بعدين حتلبسي فستان
نون:لا لا فستان شنو
منى:عشان انتي م بتحبي الفساتين اسكتي.. صحي مالك انتي قاشرة كدا ي بت
نون:لزوم الشغل.. و غمزت لي
قعدت اضحك و قلت ليها:شغل لكن🤣
جيلان:تلقي كلو عشان ابراهيم🌚
منى:اصلا اصلا
اشترينا كم هدوم كدا و صنادل و ريح و اكسسوارات و شنط و بعدين الوقت بقا ماشي على ستة كدا ضربت لي امي و قلت ليها اني حتاخر في الشغل... بعد كدا مشينا بيت نون عشان يظبطوني و يعملو لي شعري
نون:عاينو انا شايفة شعرها تخلوهو مفكوك احلا؟
جيلان:اي والله بس اكوهو
منى:انا زاتي قلت كدا
نون:يلا ي جيلان اعملي الميكب
جيلان:نعملو خفيف شديد لانو شجن ماشاءالله ملامحها حلوة شديد م محتاجة حاجة..
انا:اسمعو حي م تجغمزو لي وشي بي الحاجات دي اجلخو لي فازلين و خلاص
نون:يبت لازم تطلعي على سنقة عشرة ليلى دي م هنية
انا:انتي حتقولي لي؟شفتها الزهرة دي
قعدو يضحكو و بعد م ظبطوني و كدا لبست فستان بيجي شفون ماسك من الوسط و فاري لحدي تحت الركبة و هاي هيلز ابيض و اكسسوارات بي الدهبي و بقيت مارقة
يوسف ضرب لي منى و قال ليها:اها جهزتوها؟
منى:جهزناها ساي وبعلي من السماحة نحن في بيت نون تعال
يوسف:كويس جاي
م تمت الا ربع ساعة و يوسف وصل
منى:يلا ي شجن يوسف وصل
انا:واي ي منى م قادرة امشي بي الكعب العالي د
نون:ي بت قومي احسن ليكي
انا:اخاف أقع و افضحو قداموم عاد خشمو حيبقى ملح ملح
جيلان:لا لا م بتقعي انتي بس خليكي ماسكة في يوسف للضامن امكن تتعتري
انا:وبعلي متوترةةةةةة
نون:لا م تتوتري النبي،بس و انتي ماشة اهم شي عايني قدامك م تندقري لي الكعب زي الهطلة
منى:و اهم شي الضحكة اااا
انا:خلاص كويس م توتروني زيادة
منى:يلا عشان يوسف برا
طلعت برا و كان يوسف متكي على العربية و مكتف يد و اول م شافني اتعدل و بقا بعاين لي مسافة بعديها ابتسم بادلتو نفس النظرات و بقيت واقفة مكاني ..كان لابس قميص ابيض جاي مقاسو زط بحيث انو مظهر عضلاتو و كان فاتح تلاتة زرارات و لابس بنطلون اسود و جزمة اسود كلاسك و ريحة عطرو الكانت واصلاني حلت قلبي يسو كدي 👋🏻.. قلت ليه :اها حنمشي؟
يوسف غمض عينوو فتحا و قلي :ايوة طبعا
انا:ممكن بس تجي تتكلني لانو الكعب العالي شديد
يوسف ضحك و قال:اكيد..
#يتبع
