صحا الصباح و استوعب هو وين حتن قام طلع القميص ودخل الحمام غسل وشو و طلع برة عمل ليه كباية قهوة و جا راجع المكتب فتح الابتوب و بدا يشتغل لي ساعات طويلة نون قامت دخلت و بقت واقفة في محلها و هي شايفاه بدون فلنة عان ليها و جرا القميص و زرزرو و قليها اتفضلي
نون:انت كنت قاعد هنا من امبارح؟
يزسف:اي
نون:اعمل ليك قهوة؟
يوسف:شربتها
نون:لقيت لي وحدة حتجي تنضف
يوسف:لا انا لقيت خلاص حتبدا الشغل الليلة
نون:تمام
يوسف:في حاجة تانية؟
نون:لا
يوسف:طب مالك متنحة كدا
نون:لا ماف شي
كورك و قليها:طيب اطلعي و اقفلي وراك الباب د
نون طلعت و قالت:اجي د حسا مالو هايج غايتو منفسن الزول د
سجود جات داخلة:اشتقت ليكي ي عفنة😭
نون:سجججووووددد عاد زعلانة منك !م تجي العرس؟
سجود :يبت م شفتي الشغل المسكناه د مطلع زيتنا والله😭
نون:فاتني كتير ولا شنو
سجود :اي يبت
ابراهيم :بتقولو في شنو
نون بي لهفة:ابراهيم😍
ابراهيم:كيف كان العرس؟ اشتقت ليكي والله
نون بي خجل:بلكتررررر والله كان ناقصكم زعلت لمن م جيتو
ابراهيم:الشغل كتير شديد
نون:اي كلمتني سجود
ابراهيمو هو بقرب من سجود:كيفك ؟
سجود:كويسة الحمدالله كيفك؟
ابراهيم:امبارح لي م جيتي
سجود :تعبانة والله
ابراهيم:مالك؟ في شنو و ليه م ضربتي لي
و فضلت نون واقفة و خاطرا مكسور.. بتشوف الزول الحبتو بحب وحدة تانية و م معبرها الدموع ملت عيون نون.. بسرعة مشت منهم و دخلت المطبخ و مسحت وشها بي الموية و بتحاول تنظم نفسها القايم دخل عليها يوسف و لقاها بي الحالة دي:مالك
نون:ماف شي
يوسف:بناديك من قبيل
نون:معلش م سمعتك قبل عاين ليها و اتكل على الحيطة:بتحبيه؟
نون و العبرة خانقاها:منو
يوسف:ابراهيم
نون:لا
يوسف:ايوااا تمام
نون:لي بتسأل؟
ضحك و قليها:حسيت
نون:عاوز اعمل ليك قهوة؟
يوسف:لا لا قهوتك دي م بقدر عليها
نون:حلوة شديد صح؟
ضحك و عاين ليها:تعالي شوفي بيعملوها كيف 😂
نون:و طيب لو م بتحب قهوتي لي معزبني معاك
يوسف:بكسل اقوم اعمل
نون:ضحكت و عاينت ليه و بقا بوريها كيف تسوي قهوة ، سوا ليها معاه و مشو المكتب
يوسف:طبعا فاتك حاجات كتيرة
نون:اي عارفة
يوسف:حتنزلي معاي موقع
نون:ياخ م بقدر
يوسف :لمن نكون بنتكلم عن الشغل تكوني جادة انا حسي يوسف يعني مديرك في الشغل برة المكتب د(خبط التربيزة) ابقي اتكلمي معاي و هظري
نون بي صوت واطي:منفسن 😒
يوسف:قلتي حاجة؟
نون:كلامك في محلو
ابتسم و بقا بشرح ليها في الشغل الجاهم جديد و أداها مهمتا :بس و طبعا حعدلو معاك
نون:تمام
يوسف:م قصدي اكورك فيكي لكن عاوزك تكوني نشيطة و مركزة و تفهمي الشغل
نون:عادي.. ممكن اسالك سوال
يوسف:اي
نون:لي امبارح م رجعت البيت؟
يوسف:نون شيلي الكباية و اطلعي عليك الله
نون:خلاص خلاص معليش غايتو
يوسف:اقول ليك عاوز تكوني مركزة و تقولي لي ليه بايت في المكتب؟
نون:أخلاقك ضييقة
عاين ليها و م كان في اي تعابير في وشو :اعرفي انو د مكتب و انا هنا مدير و انو في حدود بينا !و انتي مجرد بت نازلة ترينينق
نون طوالي اتسحبت و طلعت من المكتب :لا حول ولا قوة الا بالله الود د جاني؟ سجمي بكون مجنون ي ربي؟ سايكو اقسم بالله
ابراهيم:مالك بتتكلمي براك يبت
نون:يوسف م طبيعي يكون ظريف و فجأة يكون كريه و مزاجىو يتغير بري بري خفت منو
ابراهيم ضحككك و قال:كان شفتي وشك عامل كيف😂😂
نون طوالي اتفصلت و اتخجلت:كيف😒🥺
ابراهيم ي بيت مالك بتعايني لي كدا!
نون:ي و د مالك انت و صحبك اللية😭😭
ابراهيم:حقول لي سجود
نون:بي شنوا
بارهيم:باني بحبها
نون:بس هي بتحب واحد تاني! و كمان احتمال تتخطب
ابراهيم:حتتخطب؟؟
نون:اممم لا م قصدي يعني قلت انو هم بحبو بعض اكيد حيعرسو في النهاية!
ابراهيم:حقول ليها و البحصل يحصل
نون و العبرة خانقاها :اعمل الشايفو صح... قامت مشت وو خلتو مسك يدها و قبل:مالك؟
نون:في شنو؟
ابراهيم ضغط على يدها و نزل راسو وقال ليهاانت كويسة؟
طبعا الوقت داك نون قلبا بقا يدق يدق يدق شغال زي الدلوكة و نفسها قام و قالت ليه:لا ماف شي اتزكرت اخوي
مشايدو على كتفها و قليها:ادعي ليه بس ي نون
هزت ليه راسا و مشت
ماف اكعب من احساس انك بتحب زول و هو بحب غيرك تفكيرو مع زول تاني اهتمامو كلو لي زول تاني و الاكعب انك تكون عارف في انو م حيجي يوم و الزول د يبقى ليك دي أصعب شي و د الحاصل في الرواية كل زول عايش نفس الاحساس الصعب د و عارفين مستحيل يكونو مع بعض كل زول فيهم قصتو غير
-في جانب تاني-
اريج:ي بت قومي الشغل
انا:الساعة كم؟
اريج:تمنية
انا:اوصلك في طريقي؟
اريج:ي ريت حبيبة
قمت زي كل مرة استحميت و لبست عباتي و بقينا مارقين
اريج:هي انتي عارفة المكان؟
انا:لا
اريج:طب نحن ماشين وين
انا:هي مفروض اضرب ليه!
اريج:ي سلللاام 🙂والله انا م شفت زول طاشي غيرك غبية دي
شلت التلفون و ضربت لكن ماف زول ردا بقيت بضرب لحدي م ردا :الو
انا:معاي يوسف؟
ردا عليها بي برود:اي
انا:انا شجن!
يوسف:اها
انا:شنو الاها؟..... اريج لكزتني و قالت لي :اتكلمي عديل
يوسف:عايزاني في شغل يعني ولا شنو
انا:انا الجاية اشتغل في المكتب تتزكر اديتني رقمك و قلت لي اضربي لي لمن تخلصي ال...
يوسف:ايوة ايوة عرفتك انتي حسا وين
انا:جمب............
يوسف:خلاص تعالي بي شارع.......................... و بتلقي عمارة كبيرة فيها يافطة مكتوب فيها.............. تدخليها انا الطابق ال 3
انا:تمام
اريج:عاني انتي شنو م تتلائمي تمام عشان يحترمك و م يعاملك كعب
انا:عاد الزول د مخخخيف
اريج:بطلي دراما هي ارحكاكي مش عرفتي الوصف؟
انا:جمب بيتكم شديد كمان
اريج:الحمددالللعههههه
نزلت اريج في بيتا و كملت لحدي الشركة و دخلت الطابق الهم فيهم و دخلت جوة انبهرت بي تصميم الحتا و الديكور كان رهيب و الانوار كان كل شي متناسق مع بعضو دخلت لقيت لي بتين و ماشاءالله عليهم حلوين شديد كانو بعاينو لي و انا بعاين ليهم م قدرت اقول شي جاتني وحدة كدا قصارية قالت لي :سلام عليكم
رديت ليها السلام و قالت لي :عاوزة المدير؟ ؟
انا:لا لا واحد كدا اسمو يوسف
نون:اي المدير يعني!
انا:م عارفة المهم يوسف
ضحكت ضحكة عفوية كدا و أشرت لي على مكتبو
و انا بقيت بعاين لي المكتب و سكت مسافة قامت قالت لي :ادخلي
انا:اي كويس...مشيت دقيت الباب و عاينت ليها
نون :افتحي الباب طوالي.. فتحتو و لقيتو واقف بعاين من الشباك و مربع يدينو قام اتلفت اداني ليك نظرة كدا لمن خفت ما كان في تعابير في وشو زول جادي صارم.. عاين لي و مشا قعد في الكرسي و رجع ضهرو كلو لي ورا و كان ماسك القلم و كنا الوقت كلو ساكتين قام أشر على الكرسي نظام اقعدي.. قعدت و قلي:كيفك
انا:كويسة الحمدالله
يوسف:شجن صح
انا:ايوة انا
يوسف:امممم تمام بعد الكلمة دي اتعدل و اتكل على الترابيزة و قلي:مستعدة؟
انا:انشاءالله
يوسف:اول م تجي الشغل من بكرة تبدي بي مكتبي عاوزك تنضفيه كويس لانو بتحسس من التراب تاني شي اول م شفتيني جيت المكتب تحضري لي قهوتي في عندنا مطبخ حسا حتوريك ليه نون.. و طبعا زي م شايفة برة الحتا م منظمة و الورق مجدع الحاجات دي عاوزا كلها تترتب اما في اوضة كدا م تدخليها نهائي الا بي ازني انا!و يريت تبقي تجي في المواعيد 7 تكوني في المكتب قبل م انا اجي عشان القا المكتب نضيف و بس
-بلعت ريقي و قلت ليه:و الفلوس؟
يوسف:شوفي انا القروش دي م عندي فيها مشكلة انتي عاوزة تقبضي بي الشهر ولا الأسبوع؟
-اسبوع
يوسف:تمام و عاوزة كم؟
-أربعة الف
يوسف:تمام.... شال التلفون الأرضي و ضرب:تعالي وريها الحتا يلا حسا.... تمام
فجأة فتح الباب و لقيت دي نفس البت القبيل ابتسمت لي و قالت لي تعالي مشيت معاها و قالت لي :اها لقيتي مديرنا كيف 😂
انا:عاد اقسم بالله مخيف كيف ي بت بتكلم معاي ماف اي تعابير في وشو والله قلت لي نفسي د م بشتغل معاه لكن مضطرة يعني
ضحكت بي صوت عالي و قالت لي:حبيتك والله انتي اسمك منو😂
انا:تسلمي حببتي اسمي شجن
نون:هو اصلا كدا يعني حتتعودي
انا:هو نظامو كيف يعني مالو؟ منفسن كدا
نون:😂😂😂😂يلا هو مرة ظريف و مرة جادي لمن عوارة و بحب النظام شديد و بحب الناس تكون ملتزمة يعني م تتأخر من الشغل تعملي شغلك كامل و تسلميه في اليوم المحدد ليكي و كدا يعني و نهائي م تسأليه عن حاجة بتخصو بهيج فيك و بوريه ليك
انا:والله عرفتو ليك م طبيعي من م ج المدرسة
نون:كيف¿
انا:انا بشتغل في مدرسة و هو كل يوم كان بجي شكلو عندو شغل هناك
نون:اي استلمنا شغل جديد الايامات دي و فعلا كان مدرسة... و انتي بتدرسي هناك؟
انا:لا لا ي بت شغالة في البوفيه حق المدرسة كافتريا كدا بنبيع فيها حاجات و نعمل شاي و قهوة هو كل يوم بجي بشيل مننا موية و فطور و كدا
نون:ايواا افتكرتك بتدرسي هناك
انا:ابدا والله
نون:تعالي اوريك المكان احسن حسا بجي يهيج فينا😭😂
لقينا في الحتا و ورتني المكان و ودتني المطبخ و كان عليه حالو بطالة بطاللة
نون:و بس تاني ماف شي
انا:و هو منو البعمل ليه قهوتو و انضف ليه مكتبو؟
نون:انا البعمل القهوة و هو بنضف براه
انا:اسمك نون صح؟
نون:اييي
انا:اتشرفنا
نون:سمحة لكن انتي🥺🥺
انا:انا؟
نون:في زول غيرك🤧ماشاءالله ربنا يحفظك سمحة كدا شنو جابك للمرمطة دي ومع يوسف كمان
عاينت ليها و عيوني ملانة دموع :ظروف
نون عاينت لي و كان نظراتا مليانة شفقة علي ضمتني و قالت لي:انشالله بتتحلا حببتي
انا:انشاءالله
نون:يلا انا ماشة اتم شغلي
انا:تمام
عاينت لي المطبخ و اتكلت على المصطبة و شلت لي نفسي و قلت :بسمالله ربطت شعري لي فوق و طلعت العباية كنت لابسة بلوزة كم طويل و بنطلون شفون اسود واسع كفكفتة يدين البلوزة و نضفت العدة كلهااا جاية امسح م لقيت فوطة م لقيت مقشاشة م لقيت أي شي مشيت لي المدير و فتحت الباب بي كل قوتي لكن يعني كانت عفوية م قصدي و قلت ليه :ماف فوطة ولا حاجة امسح بيها و الصابون انتها! و التلاجة ماشاءالله فاضية جايبنها منظر؟
عاين لي و هو مستفرب و قف على حيلو و قالي:كيف تدخلي المكتب بي الطريقة دي؟ و تتكلمي معاي بي الاسلوب د؟
انا:اجي ماف حاجة امسح بيها و الصابون انتها امسح بهدومي؟
يوسف عاين لي و كان صاري وشو جاني ومسكني من ايدي شديد و قلي:اتكلمي معاي بأسلوب احسن من د و انا رافعة راسي بعاين ليه... زحيت ايدو مني و قلت ليه:معليش م قصدي +لو سمحت تاني م تمسكني كدا في حدود في التعامل بيناتنا +م عشان انا بنضف و امسح و خدامة تحتكم تعاملني كذا على الاقل عاملني باحترام.. شال عينو من عيوني و مشا قعد في الكرسي و قال:م انتي الحتعلميني اتكلم كيف+انتي لسا م فهمتي لكن مع الوقت حتفهمي م مشكلة جديدة .
و انا عيوني رغرغت بي الدموع و ماسكة كتفي من شدة الالم.. طلع بطاقة و قلي انزلي انتي و نون بي العربية بتاعتا جيبو الحاجات الناقصة
صوتي كان مخطوف و م قادرة اتكلم شلت البطاقة و طلعت مشيت لي نون و قلت ليها بي صوت مخطوف:يوسف قليك ننزل بي العربية نجيب حاجات
نون:مالك ي بت
بقيت ببكي و حتا م قدرت اسكت
نون:تعالي تعالي..... شالت المفتاح و مرقنا ركبنا العربية و انا لسا ببكي
نون:يبت انطقي مالك
انا:شغلي م عيب صاح؟
نون:طبعا م عيب و من حقك تشتغلي طالما ما هو م حرام و لا بجيب ليكي السمعة !م عيب طبعا،
انا:يوسف،!
نون:مالو
انا:قعد اكورك فيني عشان م دقيت الباب و دخلت طوال و انا م قصدي +قلت ليه ماف حاجات للمسح و التلاجة فاضية قلت ليه امسح بهدومي يعني؟ جاني و مسكتي من كتفي تتخيلي ي نون و قلي انا م بعرف شنو و احترمييني و بتاع و م تتكلمي معاي كدا +قلت ليه م عاشان انا بمسح و بنضف تهيني كدا و تقرب علي بي الطريقة دي و خلي في حدود بيناتنا +هاج و قلي انتي عاوزة توريني اتكلم كيف و م بعرف شنو؟
نون:ي بت عادي اصلا يوسف كدا!و انتي عارفة هو عندو نفسيات و عندو مشاكل في البيت و بجي اتفشا فينا نحنا فهمتي و هو بلعكس طيب الزول د لكن لمن اكون زهجان م بفكر زاتو في الكلام البقولو انا قلت ليكي تتعاملي معاه كيف انتي بس قولي تمام على اي شي بقولو و دقي الباب اول و افتحيه براحة م توشك فهماني؟ و اوعك تفكري انك تتطلعي من الشغل لانو دي فرصة كويسة شديد جاتك و م تشتغلي بيه +ادا وحدة اسمها فرح كف تتخيلي عشان مسحت ليه شغلو من اللابتوب و هي م كانت قاصدة و طلعت من الشغل مشا اعتزر ليها هو كدا aggressive شديد لكن حتتعودي مع الزمن و حتفهميه
مسحت دموعي و قلت ليها:عاد اديني كف برجعو ليه عشرة عوارة هي ولا شنو
نون ضحكت و قالت لي :بتعمليها والله من م دخلتي ليه توشك كدا😂😂قلت اكيد حيحصل مصيبة!
ضحكت و قلت ليها:انتي طيبة شديد
نون:شفتي كيف😂يلا يلا انزلي نشتري حاجات
تنا:ارح
دخلنا السوبر ماركت و قلت ليها:عادتا بتاكلو شنو في الفطور
نون:والله سندوتشات من برة كدا م قاعدين ناكل
انا:كل يوم؟؟! د مرض د
نون:تقولي شنو بس😑
انا:نجيب مربى و زبدة و طبق بيض و تونة و جبنة و صابون و عاوزة حقت المسح و مقشاشة و فوط المع بيها و كلور لي الحمام و قهوة.. هو يوسف بشرب قهوة شنو؟
نون:على م اظن بن "طلعت"
انا:خلاص نجيب منو كتير و لين بدرة و شاي
نون:اها تاني شنو؟
انا:زيت و فواكه عشان اعمل ليكم عصاير بدل الببسي الكل يوم د
نون:ست بيت ااا😂
انا:كيف عليك الله
نون:م بياكل عيش الساي د الا حق السكري
انا:سجمي عندو سكري
نون:لا ي بت قلت ليك زول منفسن فاهماني و غريب غايتو
انا:العيش بتاعو د و خلاص و ااا زيت سمسم
نون:ارح طيب عشان م نتأخر
اشترينا حاجاتنا و مشينا العربية
نون:احي والله غيرت جو عديل
انا:جو شنو و عبط شنو سخانة تسلللخخخخ الجلد عيني مرقت.
نون:😂😂😂😂😂والله صدقتي
نمشي نجيب عيش و خلاص نرجع
نون:تمام
اشتريناه و رجعنا و السخانة طلعت زيتنا :حنشيل د برانا?
نون:اصبري اقول لي إبراهيم ينزل
انا:سمح
نون:ابراهيم تعال شيل معانة الحاجات.... خلاص تمام
ج ابراهيم و نون من وقت جا لحدي م طلع نزلت عينا منو و تشيل و تتبسم
ابراهيم:شجن صاح؟
انا:اي
ابراهيم:نورتينا
انا:بي نورك ياخي😭... بعاين لي نون و لكزتها قلت ليها :ليها اهانطلع و لا كيف🌚
نون:ااا؟ اي اي ارح طبعا!
شلنا الحاجات و طلعنا بيها فوق و قلت ليهم دخلوها المطبخ طوالي بعد مشو فركت ايدي و بي حماس قلت بسمالله نبدأ ختيت الحاجات في التلاجة و غيرت نظام المطبخ بعد كدا مشيت عملت ليهم الفطور تونة بي الجبنا و البصل و فلفلية حشيت تلاتة سندوتشات و عملت عصير ملية الجك و كبيت ليهم و وديتو ليهم
ابراهيم:والله جعان جوع ج في وقتو😂
انا:نون قالت لي بتاكلو من برة و اكل برة نهائي م مضمون
سجود :تسلمي ياخ والله كنت محتاجة اكل قربت ادوخ من الشغل و التركيز
نون:احي العصير باااارد
انا:بي الهنا اكلو و لو عاوزين تاني قولو لي❤️
نون:لا انا احشي لي سندوتش تاني د م بكفيني
سجود:انتي بتاكلي كتير و نهائي م بتسمني حيريتينا
انا:هي خلوها😂
نون:شفتي يشجن؟ دايما على الحالة دي
انا:خلاص استنى امشي اودي لي المدير و اعمل ليكي تاني... دخلت تنقش تقش تنققش حشيت ليه في العيش حقو و ختيت ليه العصير و وديتو في صينية و انا خايفة خوف مشيت لي نون قلت ليها:وديه ليه
نون:بري ودي براك مالي و مالو😂
انا:عليك الله ياخ
نون:لا لازم تتعودي براكي ي استازة
انا:شكرا ي نون🙂
مدت لي لسانة و ضحكت المهم مشيت وقفت جنب مكتبو و دقيت الباب بعدين فتحتو رفع راسو عاين لي قلت ليه:ممكن ادخل؟
يوسف:هزا راسو و قلي اتفضلي
ختيت ليه الاكل في الطربيزة و مشيت قلي شجن
اتلفت و قلت ليه:اي
يوسف:معليش م قصدي بس مضغوط في الشغل عشان كدا هجت
انا:عادي ماف شي حصل
يوسف:شجن
انا:ايوة
يوسف:شكرا علي الفطور
انا:العفو
ابتسم لي و مرقت قلبي فييي ايدي مشيت نضفت الحمام و حتت ناس نون و رتبت الورق و دخلتو الدولاب و مسحت الأرض و لمعت ال مكتب
نون:والله شوية و كنت حبكي م بقدر اقعد في حتة وسخانة
يوسف جا فجأة طالع و بقا بعاين في المكان و الريحة الطلعة منو
ج قعد معاهم قاليم:كان غالبكم تعملو كدا يعني ؟
نون:لاننشتغل ولا ننضف؟😂
سجود:والله لو كنت بتزيد لي مرتبي مالو بنضف 😂
انا:اعمل ليكم شاي احمر؟
يوسف:اي و ختي فيه هبهان لو في
هزيت ليه راسي و مشيت عملت سريع سريع و جبتو ليهم
و مشيت
نون:م بتشربي الشاي؟
انا:بشرب قاعدة جوة
نون:تعالي اقعدي معانة
عاينت لي يوسف و عاين لي نون و حمرت ليها طوالي قبل علي و قال تعالي اشربي معانة
سكت و قلت ليه:اوكي جبتو و جريت الكرسي و قعدت بين نون و يوسف و هم بتكلمو و انا سااكتة و بعاين ساي بعد كدا كل زول مشا بيتو فضلت انا و يوسف بس غسلت عدت المطبخ و خلاص بقيت مارقة دقيت ليه الباب:انا ماشةة خلاص
يوسف:ممكن تعملي لي حاجة اكلا؟
انا:جدا
مشيت حمرت ليه بصل بي طماطم و فلفلية و ختيت فيه فلفل اسود و ملح و شطة و قطعت بطاطس و حمرتها و طلعت كرنشي و ختيت فيه بهارات و ختيت ليه عيشة و عملت ليه عصير وديتو ليه
يوسف:شكرااا
انا:عفوا
و بقيت مارقة
#يتبع
