طلعنا العربية و يوسف شغال بضحك و يعاين ليه قلت ليه:مالك بتضحك
يوسف:كيف لقيتي الاهل؟
انا:صراحة صراحة؟
يوسف:اها😂
انا:امك بتاعت مغغغغااااارزززز
يوسف:بعتزر ليك نيابة عنها😂
انا:لكن ابوك ياخي نسخة منك عديل بجد بشبهك و نفس كلامك و ظريف شديد و اختك برضو عسل
يوسف:لكن🌚
انا:لكن امك و احمد ديل م بتبلعو😭😭😭
يوسف:حاسي بيك ،اها..
انا:اها شنو
يوسف:حنعمل شنو مع معز؟
انا:م عارفة ي يوسف.. بديت ابكي
يوسف:م تبكي ي شجن
قاطعتو و قلت ليه:معز ممكن يعمل اي شي عشان اعرسني ي يوسف.. ممكن اهددني بي امي ممكن يعمل اي شي انا خايفة يأذي ماما و علي
يوسف مسح دموعي بي صباعو و رفع لي راسي:انتي م براكي ي شجن و انا م حخلي معز يقرب منك م تخافي و م حيقدر يعمل اي شي طالما انا هنا و عايش و بتنفس..
انا :عارفة ي يوسفلو ابوي م خلانا م كان حيحصل د كلو 😭😭معز م كان حقدر يتكلم معاي زاتو م كان حيقدر يعمل اي شي.. عيشتنا حتكون كويسة.. يوسف انا فترت انا زهجت انا متحملة فوق طاقتي اي ممكن اكون بضحك معاكك و بتكلم عادي بس والله من جوة انا في عالم تاني..
يوسف حضني و بقا بمشي يدو في شعري و يهديني و هو سايق العربية و انا بقيت بدمع لمن وصلنا لقاني نايمة اتأملني شوية و قال:عملتي فيني شنو انتي...
بقا بحاول اصحي فيني :شجن
عاينت ليه و كنت محروجة من الوضع الكنا فيه :معليش نمت..
قاطعني وقلي:م عليكي البسي عبايتك عشان وصلتي
لبستها و طلعت الكعب و لبست الشبشب و نزلت قلي:بكرة الصباح بدري 😉
هزيت راسي و ابتسمت و دخلت البيت
حياة:تعالي هنا ي بت ي شجن
انا:اي يامي
حياة:انتي حكايتك شنو الايامات دي ااا؟ تمشي من الصباح ترجعي المساء مع انو عادة بترجعي مع العصر
انا:شغل ي امي
حياة:شغل شنو د البقعدك لحدي انصاص الليالي؟ قايلة د بيت ابوك ي بت؟ ناس البيت اقولو علي شنو؟ م عرفت اربي البت؟
انا:حسا د شنو يامي؟ انتي بمعنى كلامك د انك بتشكي فيني! بتشكي في تربيتك؟ و مع انو عيلة اريج دي عارفة الظروف المارين بيها و م عندهم مشكلة اني ارجع بليل ولا بي النهار..
حياة:اها عاوزة تطلعي نفسك الضحية؟ كلام واضح بتمشي وين انتي
انا:انا اتعب و اشتغل و تجي تقولي لي بتمشي وين؟ و كمان بتشكي فيني؟ بعد تعبي د كلو؟
حياة:شنو شابكاني تعب تعب تعب! هوي لو م قادرة تشيلي المسؤولية و تعبتي من الشغل من الاول قلت ليكي اقعدي و انا بشتغل لكن انتي اصريتي
انا:اصريت اي اصريت لانو جا الوقت الاني اساعدك و اخليك مرتاحة.. شلت الهموم دي كلها فوق راسي و تعبت و اشتغلت عشان في الاخير تجي تسأليني بتمشي من وين و بتجي من وين... لكن ي امي م تخافي قروشي قروش حلال..
امي قامت من محلها و بي كل قوتها ادتني كف قعدت في الأرض و ماسكة محل الكف و بقيت ببكي قالت لي :لو الشغل هو الخلاكي تستقوي علي و قوم ليك لسان ابقا بلاش منو ي شجن تترزعي في البيت
دخلت الأوضة لي اريج و قعدت في السرير و بقيت ببكي
اريج:اهدي ي شجن اهدي خالتو م بتكون قصدها حاجة
انا:اناي اريج العمل فيه د حرام؟ انا البعمل فيه د غلط؟ انا كدا بعت نفسي لي الراجل صاح؟ قولي لي !
اريج:ي بت د شنو الكلام د؟ انتي لا مشيتي قليتي أدبك لا كشفتي جسمك لا بتعملي شي حرام.. كلها تمثيل كم يوم و اي شي برجع لي طبعتو
انا:و لمن اقول لي امي؟ 😭حتفهم؟ حتفهم اني عملت كدا عشانهم؟ عشان اعيشهم عيشة كويسة؟ عشان اجيب حقها؟ عشان اكمل لي علي قرايتو؟ 😭
اريج:انا شايفة انك تكلميها
انا:اريج انا تعبت ي اريج م قادرة والله م قادرة اعيش انا عاوزة اموت أمكن ارتاح من العيشة دي 😭😭
اريج:حسبي الله ونعم الوكيل انتي عاوزة ربنا يحاسبك؟ انتي عارفة د كلو حكمة من ربنا و البحصل د كلو مقدر و مكتوب يعني حتا رو رجع بيكي الزمن كان حتعملي نفس العملتيه مع يوسف و لو رجع الزمن برضو ابوك كان حيسيبكم و يمشي.. عشان كذا استغفري ربك ي بت و اتوكلي على الله.. م عارفة بكرة مخبي ليكي شنو أمكن حاجات حلوة كتيرة حتحصل بس انتي خلي امانك بربنا قوي... و اوعا اسمعك تاني بتقولي عاوزة تموتي موت الاشق نصك ي بعيدة
شجن:انا خايفة من بكرة ي اريح..
اريج:اي مشكلة حتحصل ليكي ي شجن حنعديها كلنا سوا م تقولي انتي براكي و انتي الشايلة هم براكي انا و امك و علي كلنا شايلين هم و كلنا حاسين بيك ي شجن و المحنة الفيها ذي حنتخطاها مع بعض سوا.. و ربنا د كفاية انو معاكي.. استغفري حبيتي استغفري..
فصضلت ابكي.. أمكن البكا الوحيد البريحك في الأوقات الزي دي و كل دمعة كانت بتنزل كانت بتحكي عن كل شي جواي.. بكيت لمدة طويلة لحدي م غرقت في النوم.. صحيت كان زي الساعة 6 الناس كلها كانت نايمة صحيت اريج :اريج ي بت
اريج:اي ي بت في شنو مالك
انا:قومي
اتعدلت و عاينت لي قلت ليها:انا ماشة الشغل... انا عارفة امي حتنزل و تمشي تفتش ليها شغل انتي حاولي امنعيها بي أي طريقة انشاءالله اقفلو عليها الباب.. لانو لو نزلت و تعبت روحا ممكن عادي تروح ممننا
اريج:طيب امشي انتي م يهمك امك خليها علي
مشيت عاينت لي روحي في المراية الهالات و أثر البكاء كلو كان في وشي و عيوني ورمانا و محمرة وشي شاحب نزلت راسي غسلت وشي و عاينت لي المراية تاني و كانت الدموع ملخبطة مع الموية.. طلعت هدومي و وقفت تحت الدش رجليني خزلتني.. قعدت و ضميت رجليني علي.. بعدا بقيت بمرر ايدي في شعري و شريط حياتي كلو اتعاد في عيوني دموعي نزلت بدون م احس قفلت الدش لبست عبايتي رجعت شعري المبلوب لي ورا بعدم اهتمام لفيت الطرحة و اتسحبت لحدي م طلعت وقفت ركشة و الهوا كان ضاربني و انا كنت بردانة و اصلا طالعة من الحمام بقيت بفرك في يدي لحدي ما وصلت المكتب فتحتو و مشيتعلى مكتب يوسف طوالي رتبتو و حسيت بي اني دايخ شوية قمت قعدت في الكرسي الورا مكتبو ضرب لي معز فتحت السبيكر و ضميت يدي و رقدت فيها و تكلتها في الترابيزة جاني صوت معز و هو سكران و صوتو تقيل :انتننتي حققتي فاهمة ي شجن؟ (قعد يضحك) انتي مصيرك حتكوني معاي انا معاي اتا.. انا و بس.. عارفك بتكرهيني. لكن انا بحبك! طلعععتي حلوة اعمل شنو؟ 🤤جسمك! جسمك عاجب..
م كمل الجملة و قفلت و بقيت ببكي و بسرخ:وسخخخ وسخ حيوان 😭😭😭و ببكي بي حرقة
دخل علي يوسف و بعاين لي بستغراب جاني بي ورا الظربيطة لفتني قلي:شجن؟
عاينت ليه و عيوني واقعةو الهالات الفي وشي و لوني الشاحب:في شنو انطقي مالك
بقيت ببكي لسا مسك يدي قالي :عندك حمة ي بت
نزل قعد على ركبتو و مسكني بي يدو و قلي :م تعزبيني ي شجن و قولي لي مالك؟
اتكلمت بي صعوبة و بي صوت باكي و واطي:يوسف انا تعبت..نزلت الأرض و حضنتو شديد و بقيت ببكي فيهو هو محتويني بي ايدينو و انا غايصة فيها و بقول:امي بعد التعب د كلو بتشك فيني ي يوسف.... و انا بطلع نفس عشان اقدر اتكلم:انا بتعب و اشتغل و هي شاكة فيني اني بعمل في حاجات غلط. اعمل شنو؟ انا..
شالني و رقدني في الكنبة و قلع الجكت و غطاني بيه طلع طرحتي و مشا بلاها و عمل لي كمادات قعد جمب راسي في الأرض و بقا بهذي فيني:خلاص حبيبي خلاص اهدي
و انا بتنهد و بدمع قلي:م بحب اشوفك كدا ليه م تشيلي هم و تهلكي نفسك.. مسك يدي و قال:انا هنا جمبك و مستحيل اخليكي مستحيل.. و حفضل طول عمري جمبك لحدي م اخش تحت التراب..
مرر يدو في وشي مسح لي دموعي باسني في راسي.. مسك راسي و لقا الحمة لسا م مشت لبسني الطرحة و شالني و فتح الباب لقا نون
نون بقت تصرخ و تقول :شجن مالا
يوسف:اسكتي اسكتي م تكورمي في راسا اقفلي الباب و تعالي معاي تحت
شالني لحدي العربية و كانت نون معانة وداني بيتو
يوسف:نون دخليها حمام اوضتي شغلي الموية الدافية و خليها تقعد فيها شويةو طلعيها لبسيها اي شي مني انا نازل اشتري دوا و جاي
نون :طيب.. ودتني الأوضة و بعد تعب طلعت العباية:شدي حيلك شوية ي سجم
انا بصوت تقيل:نون؟ نون
نون:اها مالك
انا بي صوت تقيل :انا وين؟ رجعيني البيت
نون:ارجعك شنو يبت قومي قومي... تكلتني و ودتني الحمام و فتحت فيني الموية الدافية
انا:لا لا بقرف من حمام المكتب لا ي نون طلعيني
نون:مكتب؟ 🤣يحليلك
طلعتني برة و لفتني بي البشكير و نشفتني كويس من الموية و لبستني بجامة من يوسف و انا عايمة فيها طبعا رقدتني في السرير و غطتني و نمت ن
نون طلعت برة و هي ماسكة ضهرها:عصابة لكن تقيلة احي ي ضهري م سويتي فيني خير
يوسف:نون الشوربة بعملووها كيف
نون:كان تجيب اندومي و خلاص
يوسف:اي جبت
نون:قولي م بتعرف تسويها؟
يوسف:قولي لي ياخ
نون:خت الاندومي و خت موية لمن اغلو و تنضج خت البهارات
عملها و جاب لي موية و عصير و حبوب....
يوسف يلا ي شجن قومي اكلي
انا:م عاوزة ي ماما م نفسي
يوسف:شكلك حتعبيني.. صلح لي قعدتي و انا بين صاحية و بين نايمة... شربتي الشوربة كلها و بلعني الأدوية و شربني العصير...قعد جمبي و بقا بمشي يدو في شعري و بتاأملني غطاني كويس و قعد في الكرسي الجمبي المسكين من التعب نام في الكرسي.... بعد تلاتة ساعات و شوية بديت اصحصح صحيت عاينت لي الأوضة و قلت بي صوت واطي:انا وين 😳
عاينت يميني لقيت يوسف نايم في الكرسي و عاينت لي هدومي و مكسكتا قلبي:لا لا لا لا لا لا لا لا... بقيت بصرخ و ماسكة في التيشيرت يوسف قام مخلوع و جا علي و قلي:شجن مالك في شنو
انا بقيت بقول بليه:زح مني زح مني😭
نون جات داخلة و مخلوعة :في شننووو؟
يوسف ضحك و قلي:نون الغيرت ليكي م تخافي.. انا كنت قاعد جمبك عشان لو احتجت اي شي
قلبي قال شح و مسحت العرق الفي راسي و طلعت نفس و قلت ليه :قايلاك انت ال
يوسف :عارف عارف حسا أرقدي و ارتاحي...
نون:جاني وجع ضهر ي شجن بي سببك دخلتك حميت و تكلتك فيني و انتي شغالة تقولي لي بقرف والله قربت اديك كف🤣🤣
يوسف:انتي في كدا ولا في لمن جاي اكلها قالت لي م عاوزة ي ماما🤣
انا بخجل:معليش تعبتك معاي😭
نون:صراحة يعني اعتزار م مقبول نهائي ضهري قال الروب..
طلعت و بقينا انا و يوسف برانا يوسف قعد في الكرسي قمت قلت ليه:انت اهتميت بي و اكلتني و شربتني و كدا؟
يوسف:اي😉
انا:طيب ممكن اعرف حصل لي شنو؟
يوسف:كنتي بتبكي و بعديها دختي و حمتك زادت شديد فقمت جبتك هنا
حاولت اداري دموعي لكن م قدرت قعد جمبي و مسك يديني :شجن حنتفق اتفاق... تاني م عاوز اشوف دموعك دي كويس؟
هزيت ليه راسي بمعنى كويس
يوسف:المشاكل و الضغوطات دي كلها حنحلها.. تمام؟
هزيت لي راسي مبعنى تمام
مسح لي دموعي و باسني في راسي و حضني حضن طويل كنت بجد محتاجة ليه بعد وعيت لي الأنا فيه زحيت منو و قلت ليه :الساعة كم
يوسف بي احراج:ماشة على 6
نطيت من محلي وقلت ليه:امي امي حتقتلني
يوسف:اهدي... امك و علي حسا جايين هنا
انا:كيف يعني؟
يوسف:انا حمشي البيت الكبير و حخلي ليكم البيت د بدل م قاعدين مع ناس اريج،اقعدو هنا علبال م نشوف ليكم شقة و اموركم تتظبط.. يلا يلا مواعيد الدوا حقك
انا:م نفسي ي يوسف لو بلعتو حطرشو
يوسف:شنو هو الما نفسي؟ تاخديه غصبا عنك
بلعت الدوا بعد دقيقتين حسيت بانو عاوزة اطرش
انا:يوسف حطرش
شالني و وداني الحمام و قعدني جمب السيفون و بقيت بطرش.. تكلني لحد الماسورة و غسل لي وشي و قعدني في السرير
انا:زهجت من الأوضة ياخ طلعني برة
يوسف:لا لازم ترتاحي
انا:برة مش في كنبة ولا انا برااي؟
يوسف:في
انا:خلاص برتاح فيها انا اتخنقت
ج عاوز يتكلني قلت ليه:علفكرة انا لسا م اتشليت بقدر امشي براي
يوسف:ي زولة؟
انا:جد جد والله.. عاين حسا بقوم مماف شي حاصل... قمت طوالي راسي لفة مسكت فيه
يوسف:م قلتي بقدر
انا:خلاص بطل يلا طلعني... مسكني من خصري و جاب ايدي لفاها حلو رقبتو و وداني لحدي الكنبة
نون:اها دايرين لينا فلم ظظابط كدا
يوسف:شغلي.. ماشي اعمل ليكم حاجة تاكلوها
نون:يوسف اوعك تدخل المطبخ بليز يعني..
يوسف:على فكرة انا بعرف اطبخ
نون:و الاندومي منو وراك تسويها كيف؟
يوسف:خلاص ي فضيحة قومي سويهو انتي
نون:م قادرة
يوسف:خلاص م تتفلسفي لينا ساكت...
سوا لينا سندوتشات جبنة بي بيض و عصير و جانا:طبعا احلا سندوتش حتاكلوها
انا:م نفسي اكل حطرش طوالي
يوسف:م على كيفك لو طرشتي م حنك المهم تاكلي لأنك فاقدة سوائل
اكلني و شربني العصير و بقيت راقدة في نون و هي تمسك لي في راسي نص الفلم نمت
يوسف شالني و وداني اوضتو و غطاني و قفل النور
بعد كم كدا ماما و علي جو :خير ي ولدي بتي مالا والله شفقتني عرفتها حيحصل ليها شي م كان مفروض ازعلها
يوسف:امي بتك ايهي راااقدة ما فيها شي حسا م تخشو ليها خلوها ترتاح
نون:تعالي يخالتو اقعدي
-اليوم البعدو-
صحيت لقيت امي راقدة جمبي :ماما ماما
حياة:اي يبتي عاوزة شنو
انا:جيتو متين؟
حياة:قبيل لقيناك نايمة
انا:حسا الساعة كم
حياة:وحدة و نص بتكون.. معليش ي بتي
انا:انا المفروض اقول ليك معليش
حياة:معليش اعفي لي والله بس الايامات دي عشان علي شاغل لي بالي
انا:لا ي امي م تتأسفي +عاوزة اقول ليكي حاجة
حياة:اها مالك؟
انا:(حكيت ليها الحاصل مع يوسف و ليه انا بتاخر)
حياة:اجي ي بتي طيب م تحكي لي من الاول!
انا:م عارفة ي امي خفت
حياة:مش انتي م بتعملي في شي غلط؟ابقا ماف شي بخوف
حضنتها و قلت ليها:نومي نومي معليش صحيتك
حياة:لا لا ي بتي م مشكلة بقيتي كيف؟
انا:احسن
حياة:عاد يوسف كل شوية اجي يدخل يشوفك والله طيبان الولد دا
ابتسمت بدون م احس و خدودي حمرو كالعادة و قلت ليها:اي والله...... اها نومي ي امي م تشغلي بالك ❤️
طلعت برة مشيت على المطبخ لقيت يوسف صاحي و قاعد في البلكونة عملت سندوتشين و كبايتين عصير صلعت ليه و اول م طلعت عاين لي ::بقيتي كيف؟
انا:هزيت ليه راسي لانو خشمي كان مليان اكل
يوسف:الحمدالله
انا:اكلت؟
يوسف:لا
مديت ليه السندوتش :عرفتك حتكون م ماكل قلت اعمل ليك حاجة معاي
يوسف:و ليه تعبتي روحك؟ مش عيانة انتي ي بت؟ كان تناديني لو جعانة كان سويت ليك
انا:بقيت كويسة ي يوسف مالك حسا؟ بعدين لو م عاوز السندوتش عنك انا باكلو🌚
عاين لي بي الجابس قلي:حشيتي شنو
ضحكت و قلت ليه:فول 😂
يوسف:بي الجبنة؟
انا:رهههيب رهيب
يوسف:كان كدا بشيلو
انا:عارفاك م بتقدر تقاوم سندوتشاتي 😂😍
بقيت واقفة و باكل و شربت العصير و اتكلت على سور و قلت ليه:المصحيك شنو لحدي حسا
يوسف:م جايني نوم
انا:لا قول الحقيقة 😏
يوسف:الي هي؟ 😂
انا:م بتقدر تنوم و تخليني عيانة😌
يوسف:لا ي شيخة؟ 😒
انا:منو الكان بدخل يعاين لي كل شوية ها؟
يوسف:ماما م بتتبلا في خشما فولا😁💔
انا:اي زي اريج 🤣
يوسف:اها ي شجن كنتي عاوزة تطلعي شنو؟
انا:دكتورة
يوسف:بجد؟
انا :ليه يعني😕
يوسف:لأنك شكلك غبية شديد و م زولة قراية
ضربتو في كتفو و قلت ليه حيوان انت ولا شنو😂
يوسف:اها اعمليك شنو دي الحقيقة😂
انا:طيب أسألك انا
يوسف:اها
انا:اكتر حاجة بتخاف منها؟
يوسف:اني افقد زول عزيز على قلبي او قريب مني
انا:انت قبل كدا فقدت زول؟
يوسف:كتتير
انا:منو
يوسف:محمد اخو نون
انا:انتو كنتو أصحاب شديد؟
يوسف:نحن كنا اخوان انا كنت بعتبر محمد اخوي اكتر من أحمد ز
انا:طيب وين محمد حسا؟
يوسف عاين لي :اتوفى اتوفى بي سرطان
بلعت اللقمة الفي خشمي و ختيت الصحن قربت عليه شديد شبيت عشان اوصلو لفيت ايديني حولين رقبتو و حضنتو شديد علي.. رفا ايدينو حولين خصري و بقينا على الحالة دي أمكن ساعة أو نص ساعة أو ساعتين م عارفة الوقت مرة كيف لكن الكنت عارفاه انو نحن الاتنين كنا محتاجين الحضن د.. هنا انا اتأكد من شعوري تجاهو اي! اتأكدت اني بحبو.. بحو بحب اي شي فيه و اكتر شي كان بجزبني فيه ريحة عطرو !زحيت من و عاينت ليه مسحت دموعو بي صباعي وقلت ليه:م تبكي
هزا لي راسو ز حيت ايديني منو و هو لسا كام ماسكني بعدت منو و قلت ليه يلا ادخل نوم..قلي : خلينا قاعدين شوية
انا :بكرة م حقدر اصحا لي الشغل
يوسف:بكرا عاوزة تمشي الشغل و انتي عيانة.؟
انا:بقيت كويسة
يوسف:برضو لازم ترتاحي!
انا:لا حمشي
يوسف:انا المدير صح؟
انا:ايوة
يوسف:المدير قليكي اقعدي ارتاحي عشان لو م عملتي كدا حيفصلك من الشغل
انا:المدير م بقدر يفصلني من الشغل 😏
يزسف:ليه انشاءالله😒
انا :عشان م بقدر يستغنا عن قهوتي 😌
يوسف:او يمكن م بقدر استغنا عنها هي زاتا😉
ضحكت:يمكن.. قوم نوم مع علي في الاوضة...
يوسف:لا لا بنوم في الكنبة
انا:مش في اوضة تانية.؟
يوسف:راقدة فيها نون
انا:كنبة شنو امشي نوم مع علي
يوسف:لا لا حضايقو
انا:يوسف اعمل الدايرة انا ماشة انوم
يوسف:طيب امشي
انا:مافي عليك الله اقعدي ولا حاجة؟ كريه
يوسف:عليك الله اقعدي
انا:بعد شنو ماشة خلاص
ضحكنا كدا و قمت طلعت من البلكونة مع انو كنت عاوزة اقعد لكن خجلانة من العملتو و م قادرة اقعد معاه نهائي بقيت بتبسم براي..
يوسف:مالك انت ااا؟ بتحبها هي ولا ليلى؟ عاوزا هي ولا ليلى؟
و انا بعاين ليه من بعيد (شباك البلكونة قزاز ) لقيتو بتكلم مع نفسو : سجمي د مالو.. والله عرفتو عيان
دخلت بقيت يعاين لي نفسي في المراية و بضحك على الهدوم اللابساها بقيت بهبش في الحاجات المختوتة في المراية.. لقيت عطرو البستخدمو دايما شلت الريحة و فتحتها و بقيت بتبسم ساي..
بقيت بلف في الاوضة كدا و م عندي موضوع الساعة جات 4 و خلاص انا النوم م جايني قلت خلاس اضرب ل ياريج بتكون صاحية
-في جانب تاني -
اريج:ي فتحي ياخ م تجنني عليك الله قلت ليك كلمت ابوي و ابوي رافض اها انا اسوي شنو؟
فتحي:لكن انا بحبك
اريج:ووب من الحب الفالق بيه راسي د عاوني اعرسك؟ وين شغلك وين بيتك الحتعيشني فيه؟ صراحة كدا م عندك مستقبل هو ازا د رصيدي البتكلم بيه معاك ي كافي البلا خمسة جنيه م عندك عشان تضرب عامل لي مسكول عشان ارجع ليك
فتحي:لا ي بيبي عندي بس خاليه عشان افعل
اريج:والله حتجيب بي جلطة... اها يلا قد شجن داخلة في الخط غور من وشي
انا:انشاءالله بتتكلمي مع منو الساعة مية بليل
اريج:فتحي ياخ افتح راسو انشاءالله الزول د ياخ قاديني قد ي شجن
انا:م انتي م بتسمعي كلامي قلت ليكي من البداية افصليه لكن شغالة لي بحبو و قرف معاك
اريج:اسكتي اسكتي اسكتي م تزكريني م عارفة كنت حاسة بي شنو... اها قالو لي عيانة بقيتي كيف؟
انا :كووويسسةةةةةة شديد😂😌
اريج:اجي مالك بتتضحكي لي كدا؟ مالك ي بت حامل لا سمح الله
انا:حامل شنو انتي التانية 😂
اريج:خير خير..
انا:م شفتي يوسف
اريج:مالو التاني كمان
انا:شفتي اكلني و شربتي و اداني الدوا و كنت حطرش شالني وداني الحمام 😭😭
اريج:شنو يختي شنو؟
انا:زي م سمعتي😌و ازيدك من الشعر بيت؟ قاعدة في اوضتو ولابسة هدومو كمان اها موتي تقولي لي فتحي و قرف😭🤣
اريج:سجمي يا شجن كيفن لابسة هدومو اوعا ي بت تكوني 😳😳
انا:اريج م ترفعي لي ضغطي لو سمحة ظروفك
اريج:لكن انتي الرفعتي لي ضغطي
انا:استني أتم ليكي ياخ 😌انا جيت المكتب و كنت اصلا زعلانة و بتاع من كلام امي بليل و استحميت و طلعت و هدومي مبلوبة و راكبة الركشة و الهوا ضاربني
اريج:اها
انا:اخر شي متزكراه من امبارح انو دخلت نضفت المكتب و قعدة في الكرسي و بقيت ببكي و جا داخل علي يوسف
اريج:اها تمي م تحرقي لي روحي
انا:و حضنتو و بقا...
اريج:شنو شنو شنو شنو شنو يختي؟ عيدي كلامك؟ حضنتيه؟ دي اخر قلة الأدب؟
انا:استني ي اريج ياخ خليني احكي ليكي.. اظن لي دخت ولا حاجة و لمن صحيت لقيت نفسي في سريرو
اريج:اها كلام جميل
انا: و لابسة هدومو
اريج:جميل جدا
انا:و نايم في الكرسي الجنبي
اريج:جنيتي ي شجن؟ جنيتي؟ م فكرتي امك لو عرفت ممكن يحصل ليها شنو؟
انا:ي بتنا نون المعانة في الشغل جات معاه و لبستني هي انا زاتي في الأول كنت خايفة شديدددددد
اريج:وبعلي ي شجن ايدي كان في قلبي😭😭😭😭😭😭😭قلت خلاص البت جنت اكون لعب ليها في راسا ولا حاجة😭😭طلعتي اصيلة
انا:المهم ضربت ليكي عاوزة اقول ليكي شي
اريج:اها ي شجن اصلا اكيد في شي م من عوايدك تضربي لي الفجر ق لي خليني اتصدم و اتشلا من عمايلك
انا:م عارفة ياخ انا لمن اكون مع يوسف بكون مرتاحة شديد و بتدخل طمأنينة كدا في قلبي م عادية ي اريج الاحساس د م حسيت بيه نهائي قبل كدا اول مرة احس انو انا عندي ضهر و سند.. و صراحة كل م يجي جاي بي جنبي ساي انا قلبي د بدق و لمن اكون معاه بنسا اي شي اي شي ي اريج اي فاهماني انتي؟ أمكن اكون بحبو ي اريج؟
اريج ضحكت ضحكة طويلة كدا و قالت لي :بتحبيه؟ بعد كلو و تسأليني "أمكن اكون بحبو" يبت انتي دايبة في دباديبو 😌و طيب انتي حاسة انو هو ببادلك نفس الشعور؟
انا:مرات اي مرات لا... يعني اهتمامو بي و خوفو علي بحسسني انو بحبني و مرات لا لانو في قلبو في ليلى
اريج:ليلى دي شنو؟ سجمس عيان؟
انا:ي الله من غباءك... ليلى وحدة بحبها من م هو صغير ياخي المرقنا معاها ديكي الورتيك صورتها و قلت ليكي انو
اريج:لااااااا اااااا اتزكرتها.. عايني من كلامك د هو بدا بدا يحبك اي في شعور تجاه ليلى لكن برضو متأكدة من انو بدا يحبك
انا:ما عارفة م حاسة... اها ي اريج لي بكرة بعدا انا نعسانة شديد
اريج:اضربي لي اولم تصحي فاهمة ولا لا
انا :فاهمة 🤣
مشيت نمت و صحيت بي تلفوني بضرب لقيتو معز م رديت كانت زي الساعة 8 كدا و انا عادة لمن اصحا تاني م بقدر انوم الا بعد تعب.. دخلت اخدت لي دوش و طلعت لبست من هدومي الجابوها لي ناس ماما.. لبست بلوزة نص كم بيضة و سكيرت تحت الركبة اسود و لبست سفنجة و رفحت شعري لي فوق و انا شغالة اتبسم ساي و اتزكر في امبارح 🤣طلعت برا لقيت يوسف راقد في الكنبة و ضامي رجلينو لانو م طول الكنبة عاينت ليه كدا و قلبي اتقطع عليه عاينت لي الساعة المركبة في الحيطة لقيتا ماشة على تسعة.. دنقرت عليه و قلت ليه:يوسف ي يوسف
يوسف:ايوا
انا:الساعة ماشة على تسعة انت م حتمشي الشغل؟
يوسف و هو نايم و م جايب خبر:بقيتي كيف حبيبي
ضحكت لمن غمازتي ظهرت و قلت ليه:كويسة
اتقلب كدا و فتح عينو لقاني مدنقرة عليه طوالي زحيتو قلت ليه:م ماشي الشغل؟
يوسف:قاعدة تتامليني صح؟ ببتتاملي في جمالي و بتقولي سبحان الله كيف ممكن انسان يكون حلو كدا مش؟
انا:جمال شنوو و اتأمل شنو ي ود قلت ليك كنت جاية اصحيك لي الشغل و انتي سألتني بقيتي كيف..
طوالي قعد و قال:يعني م كان حلم؟
ضحكت و عرفتو مالو متوتر كدا :لا م حلم 😂
يوسف:طيب انا قلت حاجة.. يعني غير بقيتي كويسة ولا لا؟
انا:لا😂😂
يوسف:طيب مالك بتتضحكي كدا من الصباح؟
انا:مالك م اضحك يعني؟
يوسف:م كدا لا..
-في جانب تاني-
خالد:الليلة حضرب لي شجن و حخليها تلاقيكي
جيلان:بابا انا نسيت اكلمك
خالد:بي شنو؟
جيلان:انا لاقيت شجن
خالد:كيف و وين؟ حصل شنو؟ احكي لي؟ 😥
جيلان:شوف سبحان الله اليوم الوريتني فيه صورة لي شجن
خالد:اها
جيلان :اليوم التاني مشيت مع منى لي ودخالاتا في مكنبو لقيتا هناك
خالد:هي شغالة يعني؟
جيلان:اي
خالد:شغالة شنو؟
جيلتن:بتمسح و تنضف و بتعمل القهوة و شاي و كدا
خالد:هي م عارفة انو عندها اخوات و انا م كلمتها….
جيلان:شجن ظريفة شديد و طيبة شديد يابوي و بالعكس فرحت بي
اميرة:ماشاءالله والله ي جيلان مشيتي و عملتي الفي راسك و لاقيتي المفعوصة الاسما شجن
خالد:اسمعي هنا د ي أميرة البت دي بتي فاهمة الكلام د ولا اعيدو؟ و جيلان حقها تشوف اختها و اياكي اسمع جايبة سيرة شجن دي في لسانك فاهمة ولا لا؟.. طلع و خلاهم براهم في الاوضة
اميرة:اسمعي ي بت ي جيلان انتي عايزة الضرب بي الجزم صاح؟ دي الامها ابوكي سابني عشانا و تجي تقولي لي اختي؟ خوخة التاكلك انتي و هي حسك عينك تمشي تلاقيها والله الا اكلم ليك اخواتك و انتي عارفاهم بسو فيكي شنو
جيلان:امي الشرع حلل أربعة عارفة يعني شنو؟ يعني لو ابوي ماشي حسا يعرس فوقك بعرس و بعدين انت ليه بتكرهوها؟ سوت ليكم شنو شجن؟ م ليها دعوة اتولدت و لقت حياتا عاملة كدا اها هي تسوي شنو؟ +خلو الأنانية انتي و اخواتي..
اميرة:بكرا ابوكم يموت و يجو يورثوهو و حياة عندها الولد.. تجي المقصوفة و اولادا يسفو قروش ابوك و يفتحو خشموم قدر دا و تجي تقعد في البيت
جيلان:يعني همك انتي في القروش و خلاص ي امي؟ م تخافي ربنا انتي؟والله م كنت قايلاك كدا... لكن مصيروم يشيلو الورث ان شأتي ام ابيتي حقهم و حق ابوهم و لو م عارفة د مزكور في القرآن حابة اقرا ليكي؟
قبل م تمي جيلان كلامة أميرة ادتها كف و قعتا في الأرض
اميرة:م حقول شي حسا لكن وريني حتطلعي من الأوضة كيف... رزعت الباب و قفلتو بي المفتاح.. و جيلان قعدت تبكي...
-في جانب تاني -
ليلى:كيفك حببتي كويسة
رغد:اي كويسة كيفك انتي؟
ليلى:م كويسة ي بيبي نهائي م كويسة
علا:ليه كدا ي لولة
ليلى:عشان في بنات لافين حولين راجلي و انتي عارفة البلف حول احمد انا بعمل ليه شنو😍
ليلى:هههههه ضحكتين طيب تعالي اقول ليك ي بيبي.. حبيبك ولا هو خطيبك د هو ألجا لحدي عندي تمام؟ و هو البتحاوم ورا البنات ي بيبي.. و نحن كلنا عارفين البير و غطاه و عارفين ماضي احمد... ضحكت ضحكة مستفزة كدا و قالت ليه:المزة ما مالية عينو ولا شنو😄يلا يلا ي بيب ارعي بقيدك و اختيني 😍(قفلت في وشها الخط)
ليلى :انا تقفل فيني الخط؟ انا ليلى تقفل فيني الخط
منى:و شنو هو انا ليلى تقفل فيني الخط قايلا نفسك بت وزير ولا بت رئيس ولا بت ملك لا سمح الله؟
ليلى:ي بت اختيني حسا احمد د البلمو شنو ووااي
منى:لكن يا ليلى😂
ليلى:اها
منى:البت قااادرة و سكتتك😄
ليلى:منى منى اطلعي من العربية دي
منى:اصلا طالعة يلا قدي انتي زاتك😉سكتوككككك
-في جانب تاني -
ابراهيم:يوسف شجن بقت كيف؟
يوسف:كويسة الحمدالله
ابراهيم:امبارح لمن لقيتكم ماف لمن اتخلعت قعدت برايييي في المكتب
يوسف:سجود م جات؟
ابراهيم:لا... الايامات دي مشغولة عرسا قرب
يوسف:انت كيفك؟
ابراهيم ضحك و قليه:كويس ي مان كويس.. نون وين م جات الليلة.؟
يوسف:قاعدة مع شجن... اسمعني تعال ندخل جوة عاوزك فموضوع
دخلو جوا و ابراهيم بحماس قليه:اها ي يوسف احكي
يوسف:طيب عاين عاين لي هو انا م عارف فاهم كيف؟
ابراهيم:احكي لي النهاية و انا سامعك
يوسف:يعني هو انا م متأكد لكن يعني هو انا اي بحب ليلى بس م زي زمان عارف كيف؟ يعني بقيت م شغوف بيها زي زمان بقيت م مهتمي بيها تحب احمد ولا م تحب و بعد مرات بحس انو الحب الباقي د انو هي اختي و م اكتر من كدا!عارف لمن تلقا زول احسن في كل شي؟ يعني شجن بحس كدا لمن اكون معاها انا بنسا ليلى بنسا اي شي بس بحاول احافظ عليها فهمتني؟ بحاول استمتع بي كل لحظةلمن تكون معاي،، بحس و انا معاها م محتاج اتصنع و انا معاها طبيعي شديد و حتا حكيت ليها عن مشاكلي و حكيت ليها عن ليلى صراحة شجن احسن من ليلى في اي شي عرفت كيف م عارف م عارف انا قاعد يحصل لي شنو انا م عارف مالي
ابراهيم:ي مان انت بتحبها... عديل كدا اديك الزيت؟ بتحبها.. شغال تقولي بفرح و يستمتع و تجي تقول لي م متاكد😂😂قول م عاوز تعترف توشك
يوسف:لا لا والله انا بحسها زي اختي م اكتر
ابراهيم:قول كدا لمن احصل معاها زي م حصل مع ليلى.. ي مان لو بتحبا بجد؟ قوليها صدقني بت زي شجن ذي والله تختك في عينا صدقني she is a keeper
يوسف:طيب انا اعرف كيف ازا هي زانا بتحبني
ابراهيم:معقولة م لمحت ليك؟ ولا انت حست او كدا؟
يوسف:اليلة الفجر كنت قاعد في البلكونة و جات و حكيت لهيا عن محمدالله يرحمو انا م قدرت و دمعت ي مان حضنتني.. و انا تلقائيا اتجاوبت معاها و حسيت انو بجد كنت محتاجليها او بي الاصح لي الحضن د..
ابراهيم:ابشر.. البت بتحبك صدقني... بس اوعك تقول ليها حسا م طوالي كدا
-في جانب تاني-
نون:لكن اوووعك تقولي ليه انك بتحبيه خليه هو براه يجي
انا:اي يبت جنيت انا!
نون:ياخي م شفتيه خاف عليكي كيف م شفتي الخوف الكان متملكو اللحظة ديكي!،انتي عارفة انا متأكدة يوسف د بحبك !
انا:تفتكري؟
نون:شجن،،يوسف بعد م مات اخوي بقا كتلة كدا ماشة بدون اي مشاعر تحسي بيه هو ميت بس موجود معانا... و انا متأكدة انو يوسف بحبك.. أمانة عليكي ي شجن حاولي ترجعي لي يوسف حياتو تاني من جديد..
انا:اوعدك 💚
دخلت الأوضة و ضربت لي منى:منى شجن بتحب و انا متأكدة يوسف بحبها
منى:و العمل؟
نون:عايني..
#يتبع.
