لقيت معز قاعد و امي و علي بلعت ريقي و دخلت قعدت في الكنبة جمب امي و قلت :خير.
امي:بتركبي مع رجال ي شجن؟
ضحكت و قلت ليها: فعلا ركبت لكن عارفة و متأكدة حيكون قال ليك كلام غير كدا!
معز:بعدين انتي و بتك الما مربياها دي.
انا:انت اخر زول تتكلم عن التربية تمام؟ يلا يلا قوم وريني عرض اكتافك... جاني مسكني من فكي و ضغط عليه شديد و قال لي:م مربية و انا حربيكي و انا في و انتي في.
بس فكاني و امي قالت لي د شنو الكلام السمعتو د؟
انا:امي انتي عارفة معز صاح؟ كيف تصدقيه انا م عارفة الكلام القالو شنو لكن متأكدة انو كلو غلط و حيكون بشع بي ..كل الحصل مرقت من المدرسة بقا يجر فيني اركب معاه الولد كتر خيرو جا فكاه و وصلني.
بس دخلت الأوضة قعدت ابكي ابكي ابكي لحدي م نمت و صحيت مع أذان الصبح قمت لبست سفنجتي و دخلت الحمام ربطت شعري لي فوق اتوضيت و لبست التوب و صليت و قعدت في المصلاية و بدعي ربنا ييسر حالنا و يفك كربتنا و يرزقنا من حيث لا نحتسب و همومي كلها تمشي و اقدر اجيب حق امي و أقدر أتم باقي تعليم علي وقت حسيت د كلو في كتفي و اني شايلة هم كتير دموعي جات نازلة و اتحسرت على نفسي و اني مفروض اكون في الجامعة و بين صحباتي و ابوي يكون جمبي يكون عندي ضهر حسيت اني خلاص اتهلكت و م قادرة أتم باقي الطريق البديتو اتوكلت على الله ...
بعد كدا قمت نضفتا البيت و رتبتو و عملت الفطور لي امي و اخوي و لبست عبايتي و مرقت ضربت لي اريج عشان اسألا المحل وين.
اريج:خليك انا جاية اسوقكك.
انا:خلاص سرعة منتظراك.
اريج:سمح.
زي ربع ساعة كدا و كانت جاتني بي ركشة
اريج:والله متحمسة ياخ.
انا:م زيي والله.. و هي حتديني كم؟
اريج:والله ي شجن انا م سألتها عن الحاجة دي.
انا:اها م مشكلة بنتفق لو ادتني تلتمية جنيه م مشكلة.
اريج:لا لا ي بت بتديك كويس.
انا:خلينا من د فاااتك امبارح فاتك..
اريج:حصل شنو ي بت.
انا:الولد داك الاتشاكلت معاه.
اريج:اي اي السمح داك.
انا:ياهو بس.
اريج:مالو؟
انا:لمن كنت راجعة بيتنا طبعا زي كل يوم معز بجي و انا حالفة م اركب معاه بس جراني و انا بحاول ازح هو يجر و انا ازح ي زولة جا الزول داك من بعيد اداه ليك حلاة بنية ي اريج😂😂طبعا معز هلفوووت يعني الود بشيلو في صفحتو😂و انا خلاص دموعي جرت المهم معز نبزو قام داك مسكو من قميصو انا هنا مت من الضحك😂😂😂😭😭😭😭😭.
اريج:ويويوويويويويويويويوويويوي شجن معز اقسم بالله م بخليك بعد الحصل د.
انا:ولا خايفة منو.
اريج:اها تمي.
انا:يبت قال لي قومي اوصلك ي زولة قمت معاه نص الطريق قلت اتظارف قلت ليه معليش تعبتك و بتاع قال لي المرة الجاية م حكون في شوفي ليكي صرفة بتاعت رجعة طبعا انا ي اريج اتحرجت احراج😭قلت ليه نزلني قايلاه حيقول لالا و بتاع طوالي وقف العربية و انا نزلت🌚.
اريج:ووووواااي د بجدددد باااطططل كان كدا كيف اخليك تمشي براك واي كرهتو و قلبي اباهو.
انا:ي بت اسكتي م زيي ننههااائييييي.
اريج:انزلي وصلنا.
انا:اها الله يستر.
نزلنا و دخلنا جوة و كان المكان مليان ناس البتتحنن و البتعمل شعرا و البتتمكيج و انا اشيل و اعاين لي اريج و نضحك.
رانية:هي اريج كيفك حببتي.
اريج:والله كويسة الحمدالله كيفك انتي و الشغل كيف؟
رانية:والله كويس ي بتي زي م شايفة زحمة كل يوم على الحال د.
اريج:بتك شنو بتظهري أصغر مني😂.
رانية:هي م للدرجة دي😂اها جبتي لي البت؟
اريج:اي اهي اسمها شجن.
رانية:دي هي البت؟
اريج:اي ي رانيةة.
رانية:هي دي مالا سمحة كدي ماشااءلله😂😍.
انا:تسلمي ياخ.
رانية:خلاص تعالي اوريك المحل كلو و انتي شوفي اذا بنفع معاك ولا لا.
انا:كويس.
رانية:ياهو بس الحتا دي البتحننو فيها و بيجاي الحتا البعملو فيها الشعر بعداك الحمامات و في اوضتين تانيات كدا بلبسو فيها العروس و بمكيجوها الحتا كبيرة الصراحة.
انا:اي والله.
رانية:اها قلتي شنو؟
انا:طوالي بشتغل.
رانية:اها القروش كم؟
انا:البتشوفيه انتي.
رانية:عشان اريج بس والله وشكلك بت حلال ووش خير علي يوميتك اديها ليك بي الف.
انا:كتيرة شديد ي خالتو.
رانية:ي بت خالتو شنو قولي لي رانية عان دي😂ي بت اسكتي جاتك من ربنا بوسي يدك من ورا و قدام.
انا:الحمدالله والله.
اريج:اها مبروك يختي 😂.
انا:واي متحمسة ارجع اكلم امي.
رانية:يلا خلو الكلام الكتير و تعالي معاي اديك حاجات النضافة امشي هناك شفتي بتلقي اي شي انا بلحقك.
انا:كويس.
رانية:واي ي اريج حالتا تحنن ياخ عايني ليها سمحة كيف و صغيرة.
اريج:اي والله ي رانية بس عليك الله ختيها في عينك سمح و م تقولي ليها انا حكيت ليك نهااائي بتزعل هي م بتحب زول اتعاطف معاها و بعدين هي لمن ترتاح ليك بتحكي ليك.
رانية:كر علي ياخ والله قطعت قلبي.
اريج:خلاص انا بعدا بمشي عارفة ابوي و نقتو.
رانية:خلاص ادخلي ليها قوليها انا ماشة.
جاتني اريج و فرحانة قالت لي:اها كيف معاك؟
انا:والله كويس شديد يعني بالنسبة لي يومين.
اريج:ااييي...عايني خلاص انا ماشة ابوي بدا يضرب لي 😂.
انا:خلاص سمح امشي يلا الله يحفظك بضرب ليك بعدين.
اريج:خلاص تمام يلا.
مرقت بي هنا جاتني رانية قالت لي:اها شيلي المقشاشة و امشي جوة حتت الشعر قشيها كويس و تحت الكراسي سممممح عشان الشعر.
انا:سمح.
رانية:اها فطرتي؟
انا:اي.
رانية:قولي م تخجلي ي بت.
انا:والله شبعانة شكرا.
رانية:خلاص ابدي ااا و ايهي الفوط و الموية بي جاي و الجردل اوهو و الصابون كلو في ..مسافة تنتهي من الحمامات و الحتا دي ناس الحنا يكونو مشو تجي تنضفي و بعدا تفوتي بيتكم سمح حببتي؟
انا:حاضر.
شلت المقشاشة و مشيت قشيت الحتا و مسحتها و لمعتها و نضفت الحمامات كنت قرفانة شديد و بكيت بكا لمن دخلتو بعد خلصتو نضفت الاوض و انتهيت مشيت قعدت مع البتحننوو قلت النسمع ونستوم.
رانية:اها ي سعيدة اخبارك و الجديد و شماراتك اهم شي.
سعيدة:هي كمان م شفتي.
رانية:اها.
سعيدة:سمية الجاتنا امس عرفتيها؟
رانية:اي مالا يختي؟
سعيدة:هي م قالو بتها بتطلع مع الاولاد و تجي انصاص الليالي.
رانية:الترابة في خشما سمية؟ سمية الرافعة نخرتا دي و عاملة ي دنيا ما فيك الا انا؟
سعيدة:اها عشان شوفة الحال دي!
رانية:عاد بضرب ليها برمي ليها الكلام م بخليها.
سعيدة:قافلة ي بت تلفونا.
رانية:عاد جنس شي.
سعيدة:اها م لينا دعوة بيها.
رانية:اي خليها في حالا مالنا و مالا.
انا عاينت ليهم و قعدت اضحك قلت بعد م قطعتو فيها و اتكلمتو تقولو م لينا دعوة بيها😂قعدت تاني زي ساعتين لحدي م مشو يعني حكاوي كدا غريبة شديد و كل حكاية بي قصتا الطلقا راجلا و الاغتصبوها و العاملين ليها عمل وطبعا د بعيد عن حكاوي النسوان م عزمتني و م قالت لي و م ضربت لي و م عزتني في ابوي و م جاتني قمت و قلت:الله يكفينا شر النسوان الزي ديل.
نضفت الحتا و لمعتها و الناس مشو جات زي الساعة خمسة و خلاص جيت ماشة..
رانية:هي تعالي اديكي القروش.
انا:طوالي كدا؟ 😂
رانية:بديك القروش وقتي.
انا:والله كتر خيرك.
رانية:تسلمي حببتي و ماشاءالله نضافتك تلمع بس.
انا:اعجبك😂.
رانية:امسكي و بكرة بدري ااا م تنسي😂.
انا:ممكن اسالك سؤال؟
رانية :اي.
انا:في اليوم بتطلعي كم؟
رانية :شفتي لو زحمة كدا قولي ٦ لي ٧ الف لو عادي أربعة لي خمسة الف.
انا:كويس طيب ربنا يبارك و يزيد ماشاءالله .
رانية:اي الحمدالله مبسوطة والله❤️.
طلعت وقفت لي ركشة و رجعت بيتنا.
-في جانب تاني -
رشا:اخوك كبر ي علا لازم يعرس هي.
علا:امشي قولي ليه كدا والله اهيج فيك هيجة.
رشا:لي متين يعني قاعد لي؟
علا:امي خليه البنات م ماشين يخلصو🌚بعدين ممكن اعرس ليكم انا مش ممكن؟
رشا:انتي عارفة انو انا موافقة على عثمان.
علا:زهجت ي امي صراحة.
رشا:ي بت م بقدر اتكلم مع ابوك د.
علا:زهجت منو ياخ.
رشا:ي بت د ابوكي جنيتي؟
علا:ياخ عليك الله دقيقة 😒.
يوسف:بتتكلمو في شنو؟
علا:موضوع بنات م لازم تعرفو.
يوسف:قومي اعملي لي قهوة.
علا:اسكت مني براي زهجانة.
رشا:خلونا من د حسا بت خالتكم ليلى كيف مع احمد؟
يوسف:كم مرة قلت ليكم احمد م بتاع عرس ي امي و انو هو شافع و اصلا م بستاهل بت زيها.
رشا:اجي يخواني البت ظاهر بتحبو و عاد انا عاوزة ولدي يعرس لمن اجي افتح ليك انت سيرة العرس تقعد تتزهج فيني.
يوسف:انا طالع ماف زول يضرب لي.
بعد طلع علا قالت لي امها:يوسف بحب ليلى ي امي.
رشا:لا لا ليلى و يوسف ديل نهااائي م لي بعض صدقيني و لا بتشابهو.
علا:اااا و قولي لي أحمد وليلى البتشابهو والجايين مع بعض!
رشا:قومي قومي ي بت طيري اعملي شاي اشوي اوقادك😒.
علا:عيلة غريبة اقسم بالله.
-في جانب تاني-
دخل يوسف شقتو و قعد في الكنبة و هو بشوف البت الوحيدة البحبها بتضيع من يدو خاتي ايدو في وشو و بفكر اضرب ليها ولا لا أقول ليها م تعرسي اخوي لاني بحبك ولا لا شال التلفون و عاين ليه قام و جدعو في الكنبة و مشا المطبخ عمل قهوتو و تاني غرق في التفكير بعد محاولات كتيرة انو ينوم و م قدر شال مفتاحو و مشا ليها..
يوسف:الو ليلى.
ليلى:يوووسففف كيفك؟
يوسف:انزلي انا تحت بيتكم.
ليلى:في الوقت د؟ عارف الساعة كم؟
يوسف:قلت ليكي انزلي.
ليلى:كويس اهدا نازلة.
قفل الموبايل و بقا بهزهز في رجلو و بعاين بي الشباك منتظرا تجي... بعد خمسة دقايق جات و ركبت العربية و بي صوت واطي وعينا في عينو قالت ليه:مالك ي يوسف؟
و بي هنا يوسف غرقان في تفاصيلا و في عيونا و في ملامحا و في صوتا بس كان عاوز في اللحظة دي يضمها و يقول ليها كل الفي قلبو لكن م قدر تاني رجعت قالت ليه:يوسف؟
يوسف:ايوة.
ليلى:مالك؟
يوسف:بتحبي احمد صح؟
ليلى:م انت اكتر واحد عارفني اني انا بحبو مالك ي ود في شنو؟
يوسف:و لو أتقدم ليك حتوافقي؟
ليلى:د سؤال ي ولد؟ +جاي من بيتكم تسألني اذا بحب احمد ولا لا؟😂يوسف جنيت؟
يوسف:م جنيت لكن ح اجن ي ليلى ح اجن.
ليلى:في شنو ي ولد؟
يوسف شالتو الهاشمية و عاين ليها وقاليها:انا بحبك!
ليلى:شنو كيف يعني؟ و بقت تضحك
يوسف:زي م بقول ليك!
ضربتو في كتفو و قالت ليه و هي بتضحك:بتهظر صح؟!😂
يوسف اتغاظ شديد كورك و ضرب الدركسون و قال ليها:في حاجة بتضحك حسا؟؟؟ قولي لي في شي بضحك؟ بتحبي فيه شنو؟ بتحبي فيه شنو و هو ولا شغال بيك؟😡ليه هو ليه م انا؟ من زمان و انا كاتم الموضوع لكن م قادر لمن عرفتو انو ح يجي يتقدم ليكي م قادر..
ليلى بي لهفة قالت ليه:ح يجي يتقدم لي؟!
يوسف مسح جبهتو بي ايدو و ابتسم و قال ليها:انزلي من العربية.
ليلى:م نازلة.
يوسف و هو بكورك:انزلي من العربية قلت ليك.
ليلى و هي بتكورك:يعني عاوزني اعمل شنو؟؟؟؟حبيتو هو قلبي اختارو هو اعمل شنو يعني؟ اتغصب عليك اعرسك يعني؟ +عمري م شفتك غير اخو و بس😡انا بحبو ي يوسف عاين اعمل اي شي حاول تنساني انت بتستاهل اكتر من كدا صدق...
قاطعها و قال ليها:واوعدك اني انساكي اطلعي من العربية.
طلعت و هي بتبكي انها خسرت اعز صديق ليها لكن كانت فرحانة انو احمد ح يتقدم ليها!..
-في جانب تاني -
رشا:انا حتكلم مع خالتك بكرة اقول ليها انو حنتقدم لي ليلى.
احمد:اي ي امي استعجلي في الموضوع د بالله.
جا داخل يوسف البيت و لقاهم قاعدين..
رشا:ي ود كنت وين من امبارح؟
يوسف:داخل انوم.
احمد:تنوم وين ي زول م حتبارك لي؟
يوسف:في شنو؟
احمد:حتقدم لي ليلى.
يوسف:مبروك ي اخوي.
احمد ضحك و رفع حواجبينو و قاليهو:عقبالك.
طبعا احمد عندو حقد كبير تجاه اخوه يوسف عشان ابوهو بفضلو عنو د الهو فاهمو احمد لكن ابدا م كان حاصل.. كان أحمد مقتنع شديد بالكلام د لمن بدا يتعامل مع ابوهو كعب..وكان برضو بحاول يعمل اي شي يضايق يوسف عشان كدا حيتقدم لي ليلى اما امو دي مدلعاهو شديد عشان كدا طلع لمؤاخزة في الكلمة باطل يعني م راجل و دمو حار و كانت بتدلعو عشان م يكون حاسي انو ابوهو بحب يوسف فقامت اتعلقت بيه شديد و بقت تحبو حرفيا اكتر من يوسف+غير انو هو زاتو ولد صايع و بحب البنات و العب بي البنات و م مسؤول نهائي..
اما ليلى دي..
#يتبع.
